நாட்டின் பதினெட்டாவது மக்களவைத் தேர்தல் 2024 -ஆம் தேர்தல் ஏப்ரல் 19 ஆம் தேதி தொடங்கி ஜூன் 1 ஆம் தேதி அதாவது 7 கட்டமாக நடைபெற்று ஜூன் 4 ஆம் தேதி வாக்கு எண்ணிக்கை நடைபெறும் என தேர்தல் ஆணையம் அறிவித்துள்ளது. தேர்தலுக்கு இன்னும் ஒரு வாரமே உள்ள நிலையில், வேட்பாளர்கள் வாக்கு வேட்டையில் தீவிரமாக ஈடுபட்டுள்ளார்கள்.
இந்நிலையில், திருநெல்வேலி திம்மராஜபுரத்தில் பயணிகளை ஏற்றிய போது பேருந்தில் பாஜக சின்னத்தை பாஜக பிரமுகர் மருதுபாண்டி ஒட்ட முயன்றுள்ளார். தடுக்க முயன்ற நடத்துனர் பாஸ்கர் உடன் தகராறு ஏற்பட்டுள்ளது. இத்தனை தட்டிக்கேட்ட ஓட்டுநர் சுப்பிரமணியன் மீது பாஜக பிரமுகர் மருதுபாண்டி சோடா பாட்டிலால் தாக்குதல் நடத்தி விட்டு அங்கிருந்து தப்பியோடியுள்ளார். இந்த சம்பவம் குறித்து தகவலறிந்து விரைந்து வந்த காவல் துறை மருதுபாண்டியனை அதிரடியாக கைது செய்து கொலை முயற்சி உள்ளிட்ட 5 பிரிவுகளின் கீழ் வழக்குப்பதிவு செய்தனர்.