Category: தமிழகம்

விவசாயிகளிடமிருந்து விளை பொருட்களை அரசே நேரடியாக கொள்முதல் செய்ய உள்ள நிலையில், திருச்சிராப்பள்ளி மாவட்டம் இலால்குடி மும்முடிசோழமங்கலம் பகுதியில் விவசாய பெருங்குடி மக்களின் கோரிக்கையை ஏற்று புதிய அரசு நெல் கொள்முதல் மையத்தை அமைச்சர் கே.என். நேரு தொடங்கி வைத்தார்.

சோழிங்கநல்லூர் – சித்தாலப்பாக்கத்தில், நியாய விலைக் கடையை நேற்று நாடாளுமன்ற உறுப்பினர் தமிழச்சி தங்கப்பாண்டியன் மற்றும் சோழிங்கநல்லூர் சட்டமன்ற உறுப்பினர் அரவிந்த் ரமேஷ் ஆகியோர் ஆய்வு செய்தனர். இந்நிகழ்வில், புனித தோமையர்மலை ஒன்றியச் செயலாளர் மேடவாக்கம் ரவி, கழக நிர்வாகிகள், முன்னணியினர் கலந்துகொண்டனர்.

சட்டமன்ற உறுப்பினர் தொகுதி மேம்பாட்டு நிதியிலிருந்து திருச்சி மாவட்டம் இலால்குடியில் நடைபெற்ற நிகழ்ச்சியில் மாற்றுத்திறனாளிகளுக்கு 3 சக்கர சைக்கிள், 2 சக்கர நாற்காலி உள்ளிட்ட உபகரணங்கள் ரூ.1.18 லட்சம் மதிப்பீட்டிலான உதவி உபகரணங்களை அமைச்சர் கே.என். நேரு வழங்கினார்.

ஒன்றிய அரசின் SAGY திட்டத்தின் கீழ், நான் தத்தெடுத்துள்ள, சோழிங்கநல்லூர் – சித்தாலப்பாக்கம் ஊராட்சியில், தென்சென்னை நாடாளுமன்ற உறுப்பினர் தொகுதி மேம்பாட்டு நிதியின் கீழ் கட்டப்பட்டு வரும், மேல்நிலை நீர்த்தேக்கத் தொட்டி, ஆழ்துளைக் கிணறு, உயர்மின் கோபுர விளக்குகள் ஆகியவற்றின் கட்டுமானப் பணிகளை நேற்று நாடாளுமன்ற உறுப்பினர் தமிழச்சி தங்கப்பாண்டியன் மற்றும் சோழிங்கநல்லூர் சட்டமன்ற உறுப்பினர் அரவிந்த் ரமேஷ் ஆகியோர் ஆய்வு செய்தனர்.

இந்நிகழ்வில், புனித தோமையர்மலை ஒன்றியச் செயலாளர் மேடவாக்கம் ரவி, வட்டார வளர்ச்சி அலுவலர் சிவகலைச்செல்வன், அரசு அலுவலர்கள், கழக நிர்வாகிகள், முன்னணியினர் கலந்துகொண்டனர்.

கோயம்புத்தூரில் பெட்ரோல், டீசல் விலை உயர்வை கண்டித்து எஸ்.டி.பி.ஐ. கட்சியினர் ஆட்டோவை கயிறால் கட்டி இழுத்து ஆர்ப்பாட்டத்தில் ஈடுபட்டனர். பெட்ரோல், டீசல் விலை நாளுக்கு நாள் உயர்ந்துகொண்டே செல்கிறது. கிட்டத்தட்ட லிட்டர் ஒன்றுக்கு ரூ.100ஐ எட்டும் தூரத்தில் உள்ளன.

இதனால் நடுத்தர மக்கள் மிகவும் சிரமத்துக்கு ஆளாகின்றனர். அத்தியாவசிய பொருட்களின் விலையும் உயர்ந்து கொண்டே செல்கிறது. இந்நிலையில், இன்று நாடு முழுவதும் பெட்ரோல் டீசல் விலை உயர்வை கண்டித்து எஸ்டிபிஐ கட்சி சார்பில் கண்டன ஆர்ப்பாட்டம் நடைபெற்று வருகிறது.

தமிழக முதலமைச்சர் மு.க. ஸ்டாலின் அவர்களின் அறிவுறுத்தலின்படி, மூன்றாம் பாலினர்களுக்கு கொரோனா பேரிடர் காலத்தில் உதவும் வகையில்,‌ சேலம் மாவட்டத்தில் உள்ள 603 திருநங்கையர்களுக்கு தலா ரூ 2000 வழங்கும் நிகழ்ச்சி இன்று அமைச்சர் செந்தில் பாலாஜி துவக்கி வைத்தார்.‌‌

மின்சாரத்துறை அமைச்சர் செந்தில் பாலாஜி அவர்களின் தலைமையில் சேலம் மேற்கு மாவட்ட பொறுப்பாளர் டி.எம்.செல்வகணபதி அவர்களின் முன்னிலையில் சேலம் ஒருங்கிணைந்த மாவட்ட அவசர செயற்குழு கூட்டம் கலைஞர் மாளிகையில் உள்ள வீரபாண்டியார் அரங்கில் நடைபெற்றது.

சேலம் நாடாளுமன்ற உறுப்பினர் திரு.SR.பார்த்திபன், தர்மபுரி நாடாளுமன்ற உறுப்பினர் DNV.செந்தில்குமார், மாநில தேர்தல் பணிக்குழு செயலாளர் வீரபாண்டி ஆ.ராஜா, மாநில தகவல் தொழில்நுட்ப அணி துணைச்செயலாளர் தருண் மற்றும் ஒன்றிய, பேரூர், நகர, மாநகர, பகுதி‌கழக செயலாளர்கள், தலைமை செயற்குழு மற்றும் பொதுக்குழு உறுப்பினர்கள், சார்பு அணி நிர்வாகிகள் ஆகியோர் கலந்து கொண்டனர்.

தமிழ்நாடு மருத்துவப் பணிகள் கழகம், தமிழ்நாடு மாநில எய்ட்ஸ் கட்டுப்பாடு சங்கம் உள்ளிட்ட மக்கள் நல்வாழ்வு துறையின் கீழ் இயங்கும் அமைப்புகளில் செயல்பாடுகள் குறித்து அமைச்சர் மா. சுப்பிரமணியன் ஆய்வுகள் மேற்கொண்டார்.

கோயம்புத்தூர் மாவட்டம் வால்பாறையில் அரசு பள்ளிகளில் நேற்று தமிழக பள்ளிகல்வி துறை அமைச்சர் அன்பில் மகேஷ் பொய்யாமொழி அவர்கள் ஆய்வு செய்தார் அப்பொழுது அடிப்படை வசதிகள் குறித்தும் தேவைகள் குறித்தும் ஒரு அறிக்கை தருமாறு கேட்டுக்கொண்டார்.

பின்னர் ஆதிவாசி, மற்றும் பழங்குடியினர் குழந்தைகளின் கல்வியில் கூடுதல் அக்கறை செலுத்த ஆசிரியர்களுக்கு உத்தரவிட்டார்.

கோயம்புத்தூர் மாவட்டத்தில் யானைகள் வழிதட பாதுகாப்பிற்க்காகவும், கோயம்புத்தூர் மாவட்டத்தில் 1049 ஹெக்டர் நிலங்களை காப்பு நிலங்களாக அறிவித்ததற்க்காகவும் வனத்துறை அமைச்சர் கோயம்புத்தூர் மாவட்ட ஆட்சியர் அவர்களை பாராட்டி பரிசு புத்தகம் அளித்தார்.

இதே போல் சிறப்பாக செயல்பட்ட கோயம்புத்தூர் மாவட்ட வனத்துறை அலுவலர் வெங்கடேஷ்யையும் பாராட்டினார். இதில் திமுக மாவட்ட பொறுப்பாளர்கள், சேனாதிபதி, கார்த்தி மற்றும் பலர் கலந்துகொண்டனர் .