Tamilnadu
தமிழகத்தில் கோவிட் -19 யை ஒழிப்பு பணியில் தங்களை ஈடுபடுத்தியுள்ள முன்களப் பணியாளர்களை தமிழ்நாடு அரசு தொடர்ந்து ஊக்கப்படுத்தி வருகிறது.
அந்த வகையில், திருச்சிராப்பள்ளி மாநகராட்சி அலுவலகத்தில், சுமார் 3,000 தூய்மைப் பணியாளர்களுக்கு தலா 30 முட்டைகள் வழங்கும் பணியை இன்று அமைச்சர் கே.என் .நேரு தொடங்கி வைத்தார்.
விருதுநகர் மாவட்டம், சிவகாசியில் ஒன்றிய மோடி அரசின் பெட்ரோல், உயர்வை கண்டித்து இன்று நகரத்தலைவர் குமரன் தலைமையில் இளைஞர் காங்கிரஸ் மற்றும் மாணவர் காங்கிரஸ் இனைந்து ஆர்ப்பாட்டம் நடைபெற்றது.
வேளச்சேரி சட்டமன்ற உறுப்பினர் அசன் மெளலானா தலைமையில் பெட்ரோல் மற்றும் டீசல் விலை உயர்வுக்கு எதிராக போராட்டம் நடத்துகிறது. நாட்டையும் அதன் கோரிக்கைகளையும் கையாள முடியாவிட்டால், ராஜினாமா செய்யுமாறு அசன் மெளலானா தெரிவித்தார்.
மயூரா ஜெயக்குமார் தலைமையில் கோயம்புத்தூரில் பெட்ரோல், டீசல் விலை உயர்வை கண்டித்து அண்ணா சிலை சிக்னல் அருகே இருசக்கர வாகனத்தை பாடை கட்டி தூக்கி வந்து காங்கிரஸ் கட்சியினர் ஆர்ப்பாட்டத்தில் ஈடுபட்டனர்.
அமைச்சர் மா . மதிவேந்தன் இன்று காலை நாமக்கல் அரசு மருத்துவமனையை ஆய்வு செய்தார். அதன்பின்னர், மாவட்ட ஆட்சியர் திரு. மெகராஜ் அவர்கள் முன்னிலையில் மருத்துவர்களுக்கு மருத்துவ உபகரணங்களை வழங்கினார்.
இந்த நிகழ்ச்சியில், நாமக்கல் கிழக்கு மாவட்ட பொறுப்பாளர் KRN. இராஜேஷ் குமார் மற்றும் சட்டமன்ற உறுப்பினர்கள் இராமலிங்கம், பொன்னுசாமி, நாடாளுமன்ற உறுப்பினர் AKP. சின்ராஜ் மற்றும் நாமக்கல் நகர கழக பொறுப்பாளர்கள் ராணா ஆனந்த், பூபதி, சிவக்குமார் ஆகியோர் பங்கேற்றனர்.
வேலூர் மாவட்டம் நச்சுமேடு மலைப்பகுதியில் அரியூர் காவல் துணை ஆய்வாளர் அன்பழகன் மற்றும் காவலர் யுவராஜ், இளையராஜா மற்றும் ஊர்க்காவல்படை வீரர் ஒருவர் நேற்று முன்தினம் சாராய வேட்டைக்கு சென்றனர். காவல்துறையினரை கண்டதும் சாராய வியாபாரிகள் அங்கிருந்து தப்பியோடி விட்டனர்.
அங்கிருந்த சாராய அடுப்பு, சாராய ஊறல்களை அழித்த காவல்துறையினர் பின்னர் நச்சுமேடு மலைக்கிராமத்தில் உள்ள சாராய வியாபாரிகள் வீடுகளில் சாராய பாக்கெட்டுகள் மற்றும் சாராயம் காய்ச்சுவதற்கு தேவையான பொருட்கள் பதுக்கி வைக்கப்பட்டுள்ளதா என சோதனையிட்டனர்.
பூட்டியிருந்த சில வீடுகளின் பூட்டு மற்றும் பீரோக்களை உடைத்து பார்த்தனர். அப்போது 2 வீடுகளில் இருந்து ரூ.8½ லட்சம் பணம் மற்றும் 15 பவுன் நகைகளை எடுத்துக்கொண்டு போலீசார் அங்கிருந்து புறப்பட்டனர். இதனை அறிந்த மலைக்கிராம மக்கள் காவல்துறையினரை முற்றுகையிட்டு, ஆள் இல்லாத வீடுகளின் பூட்டை உடைப்பது தவறு, அத்துடன் பீரோக்களை உடைத்து எடுக்கப்பட்ட பணம், நகையை ஒப்படைக்கும்படி வாக்குவாதத்தில் ஈடுபட்டனர்.
இதுகுறித்து தகவல் அறிந்த காவல் ஆய்வாளர் சுபா சம்பவ இடத்துக்கு சென்று பேச்சுவார்த்தை நடத்தினார். பின்னர் அந்த வீடுகளில் இருந்து எடுக்கப்பட்ட பணம், நகை திரும்ப ஒப்படைக்கப்பட்டது.
கோவிட் -19 ஊரடங்கினால் பாதிக்கப்பட்டுள்ள கோவை மாவட்டம் வால்பாறை சட்டமன்ற தொகுதிக்கு உட்பட்ட தோட்ட தொழிலாளர்கள் & பொதுமக்களுக்கு அரிசி, மளிகை உள்ளிட்ட நிவாரண பொருட்களை வழங்கும் பணியை இன்று உதயநிதி ஸ்டாலின் தொடங்கி வைத்தார்.
ஜெ.அன்பழகன் அவர்களின் முதலாம் ஆண்டு நினைவு தினத்தையொட்டி, அவரது நினைவிடத்தில் தென்மேற்கு மாவட்டப் பொறுப்பாளர் மயிலாப்பூர் சட்டமன்ற உறுப்பினர் மயிலை வேலு, தியாகராய நகர் தொகுதி திமுக வேட்பாளர் ஜெ.கருணாநிதி ஆகியோருடன் மலர் வலையம் வைத்து மரியாதை செலுத்தி, அவரது இல்லத்தில் திருவுருவ படத்திற்கு தமிழச்சி தங்கப்பாண்டியன் மலர்தூவி பொதுமக்களுக்கு நலத்திட்ட உதவிகள் வழங்கினார்.
உடன், பகுதிச் செயலாளர்கள் ஏழுமலை, மாவட்ட இளைஞரணி அமைப்பாளர் ராஜா அன்பழகன் மற்றும் கழக நிர்வாகிகள், முன்னணியினர் கலந்துகொண்டனர்.
