Category: தமிழகம்

மதுரை சூர்யா நகரை சேர்ந்த காயத்ரி என்பவர், உயர் நீதிமன்ற கிளையில் தாக்கல் செய்து இருந்தார். அந்த மனுவில்; ‘எனக்கும் சுப்பிரமணியன் என்பவருக்கும் திருமணம் நடைபெற்றது. திருமணத்துக்கு பிறகு கணவரும், அவரது தந்தை அம்பிகாபதியும் எனக்கு பல்வேறு தொந்தரவுகளை அளித்து வந்தனர். அதை மறைத்து எனக்கு எதிராக மாமானாரும், மாமியாரும் சேர்ந்து முதியோர் பாதுகாப்பு மற்றும் பராமரிப்பு சட்டத்தின் கீழ் மாவட்ட முதியோர் பாதுகாப்பு அலுவலரிடம் அதாவது மாவட்ட வருவாய் அலுவலரிடம் மனு அளித்தனர்.

அந்த மனுவை விசாரித்த மாவட்ட வருவாய் அலுவலர், என்னை வீட்டை விட்டு காவல் துறை உதவியுடன் வெளியேற்றி, வீட்டை மாமனார். மாமியாரிடம் ஒப்படைக்க உத்தரவிட்டார். இந்த உத்தரவை ரத்து செய்து உத்தரவிட வேண்டும்’ என்று மனுவில் தெரிவித்து இருந்தார்.

இந்த மனுவை விசாரித்த நீதிபதி ஜி.ஆர். சுவாமிநாதன், “மூத்த குடிமக்கள் பாதுகாப்பு மற்றும் பராமரிப்பு சட்டம் 2007-ன் படி மூத்த குடிமக்களான மாமனார் மற்றும் மாமியாருக்கு மருமகள் நேரடியான உறவோ, வாரிசோ கிடையாது. எனவே, இந்தச் சட்டம் மருமகளுக்கு பொருந்தாது. ஆகையால், மருமகளை வீட்டை விட்டு வெளியேற மாவட்ட வருவாய் அலுவலர் பிறப்பித்த உத்தரவு ரத்து செய்யப்படுகிறது” என உத்தரவு பிறப்பித்தார்.

புதுக்கோட்டை, மேல மூன்றாம் வீதியைச் சேர்ந்த கண்ணன் என்பவரின் மனைவி சுகன்யா என்பவர் நச்சாந்துபட்டி ஆரம்ப சுகாதார நிலையத்தில் உதவி கணக்காளராக பணிபுரிந்து வருகிறார். சுகன்யா, கடந்த ஒன்றரை மாதங்களாக ஆரம்ப சுகாதார நிலையத்துக்கு வராமல் அடிக்கடி விடுப்பு எடுத்திருக்கிறார். இதற்கிடையே, தேசிய கிராமப்புற சுகாதாரத் திட்டத்தில் பணியாற்றக்கூடிய பணியாளர்களுக்கு கடந்த இரண்டு மாதங்களாக ஊதியம் வரவில்லை ஆகையால், இது குறித்து பணியாளர்கள் வட்டார மருத்துவ அலுவலர் மனோஜிடம் புகாரளித்துள்ளனர். இது குறித்து மனோஜ், சுகன்யாவிடம் கேட்டபோது, அதற்கு மழுப்பலாக பதில் தெரிவித்துள்ளார்.

இதையடுத்து சந்தேகமடைந்த மருத்துவ அலுவலர் மனோஜ், சுகன்யாவின் வங்கிக் கணக்கை ஆய்வு செய்து பார்த்தபோது, ஆரம்ப சுகாதார நிலைய வங்கிக் கணக்கிலிருந்து உதவி கணக்காளர் சுகன்யாவின் வங்கிக் கணக்குக்குப் பணம் மாற்றப்பட்டிருந்தது கண்டு அதிர்ச்சியடைந்துள்ளார். இதனைத்தொடர்ந்து, வட்டார மருத்துவ அலுவலர் மனோஜ், புதுக்கோட்டை மாவட்ட குற்றப்பிரிவு காவல்துறையினருக்கு புகார் கொடுத்துள்ளார். புகாரின் பேரில், மாவட்ட குற்றப்பிரிவு காவல்துறையினர் 409, 419, 420 உள்ளிட்ட மூன்று பிரிவுகளின்கீழ் வழக்கு பதிவுசெய்து, சுகன்யாவைக் கைதுசெய்து விசாரணை நடத்தினர்.‌

மேலும் விசாரணையில், சுகன்யா கடந்த ஆறு மாதங்களாக சுகாதார நிலையத்துக்கு பல்வேறு திட்டங்கள் மூலம் வந்த பணம் மற்றும் கிராமப்புற சுகாதார திட்டத்தின் கீழ் பணியாற்றக்கூடிய பணியாளர்களுக்கு வழங்க வேண்டிய சம்பளத் தொகை என மொத்தம் 11,31,909 ரூபாயை நச்சாந்துபட்டி வட்டார மருத்துவ அலுவலராக இருக்கும் மருத்துவர் மனோஜின் கையொப்பத்தை போலியாகப் பதிவிட்டு மோசடியில் ஈடுபட்டது தெரிய வந்துள்ளது. இதையடுத்து, புதுக்கோட்டை மாவட்ட குற்றப்பிரிவு காவல்துறையினர் சுகன்யாவை தொடர்ந்து விசாரணை நடத்தி வருகின்றனர்.

நாமக்கல் மாவட்டம் ராசிபுரம் நகராட்சியில் 24 -திமுகவும் 2- அதிமுக மற்றும் 1 சுயேட்சை வேட்பாளர் என 27 வார்டுகள் உள்ளன. ராசிபுரம் நகராட்சி நகர்மன்ற தலைவராக திமுக நகர செயலாளர் என்.ஆர்.சங்கரின் மனைவி கவிதா பதவி வகித்து வருகிறார். இந்நிலையில், தேர்தல் நடந்து முடிந்து 5 மாதங்களில் பார் வசூல், காய்கறி கடை வசூல், தரைகடை, தள்ளு வண்டி கடை வசூல், மற்றும் அரசு பணிகளில் டெண்டர் விடுவது என நகராட்சியில் வரும் வருமானம் அனைத்துமே நகர்மன்ற தலைவர் எடுத்து கொள்வதாகவும், மற்ற கவுன்சிலர்கள் புலம்பி வந்ததாகவும் தெரிகிறது.

நாமக்கல் மாவட்டம் ராசிபுரம் நகராட்சி 1948-ல் மிகப்பழமையான நகராட்சி ஆகும். ராசிபுரம் நகராட்சியில்நடந்து முடிந்த நகர்ப்புற உள்ளாட்சித் தேர்தலில் மொத்தம் 27 வார்டுகளில் 24 -திமுகவும் 2- அதிமுக மற்றும் 1 சுயேட்சை வேட்பாளர் என வென்று திமுகவின் அசத்தலான வெற்றி பெற்றது. இந்த சூழலில், திமுகவில் முன்னாள் நகர இளைஞரணி அமைப்பாளர் டிரோன் எனப்படும் ஆளில்லா குட்டி விமானங்கள் தயாரிக்கும் நிறுவனத்தை நடத்தி வரும் சதீஷ், முன்னாள் திமுக நாமக்கல் மா.செ.வும், முன்னாள் மத்திய அமைச்சருமான காந்திசெல்வனின் தீவிர ஆதரவாளர். என உடன்பிறப்புகள் சொல்கிறார்கள்.

இந்நிலையில், 12- வது வார்டில் தன் மனைவி சசிரேகாவுக்கு சீட் கேட்டு கிழக்கு மா.செ. கே.ஆர்.என். ராஜேஷ்குமார் எம்.பி.யிடம் சதீஸ் பேச அவரோ, ‘பார்த்துக்கலாம்’ என்று சொல்லிவிட்டு பின்னர் சீட் தர மறுத்திருக்கிறார் என ஒரு செய்தியும் அரசால் புரசலாக பேசப்படுகிறது. அதிருப்தி அடைந்த சதீஷ், 12-வது வார்டில் தன் மனைவி சசிரேகாவை சுயேச்சையாக களமிறக்கி வெற்றி பெற சுயேச்சை வேட்பாளரிடம் திமுக மரண அடி வாங்கியதும் என்பதும் மறுக்கமுடியாத ஒன்றாகும். மேலும் ராசிபுரம் நகராட்சியில் வெற்றி பெற்ற ஒரே ஒரு சுயேச்சை வேட்பாளர் சதீஸின் மனைவி சசிரேகா என்பது குறிப்பிடத்தக்கது.

இந்நிலையில் 12 வது வார்டு சுயேட்சை வேட்பாளரான சசிரேகா சதீஷ் என்பவர் நகர்மன்ற தலைவர் பதவிக்கு தனக்கு ஆதரவளிக்குமாறு கேட்டுகொள்ள 14 கவுன்சிலர்களும் தற்போது சேலம் மாவட்டம் ஏற்காட்டில் உள்ள தனியார் ரிசார்ட்டில் சகல வசதிகளுடன் தங்க வைக்கப்பட்டுள்ளதாக கூறப்படுகிறது.

இதனையறிந்த நாமக்கல் கிழக்கு மாவட்ட திமுக பொறுப்பாளரும் எம்பியுமான ராஜேஷ்குமார் மற்றும் சுற்றுலா துறை அமைச்சர் மதிவேந்தன் ஆகியோர் சம்பந்தப்பட்ட கவுன்சிலர்களிடம் கடந்த 2 நாட்களாக பேச்சுவார்த்தை நடத்தி வருவதாகவும், இதுவரை பேச்சுவார்த்தையில் உடன்பாடு எட்டப்படாததால் எந்த நேரத்திலும் தற்போதைய நகர்மன்ற தலைவர் கவிதா சங்கருக்கு எதிராக நம்பிக்கையில்லாத் தீர்மானம் கொண்டு வரப்பட வாய்ப்பு உள்ளது என கூறப்படுகிறது.

எனக்குத் தாயகம் உண்டு என்று நீங்கள் கூறுகிறீர்கள். ஆனால், நான் மீண்டும் கூற விரும்புகிறேன், எனக்கு அது இல்லை… நாய்கள், பூனைகளைவிட நாங்கள் மோசமாக நடத்தப்பட்டால், குடிதண்ணீர் பெறவும் உரிமை இல்லை என்றால் சுயமரியாதையுள்ள எந்த தீண்டப்படாதவன் இந்த நாட்டைத் தன் நாடாகக் கருதுவான்? இந்த நாடு எங்களுக்கு அளித்த உதவி, இன்னல்களையும் அநீதிகளையும் மலைபோல் எங்கள் மீது சுமத்தியதே ஆகும். யுகயுகமாகக் காலால் மிதித்து நசுக்கப்பட்ட, தாழ்த்தப்பட்ட என் மக்களுக்கு மனித உரிமைகளுக்காக நான் செய்யும் முயற்சிகளின் காரணமாக இந்த நாட்டுக்கு எவ்விதத் தீங்கும் நேர்ந்துவிடாது என்று அண்ணல் அம்பேத்கர் 1931-ம் ஆண்டு மகாத்மா காந்தியைச் சந்தித்தபொழுது முன் வைத்த கருத்துகள்.

அதாவது ஆங்கிலேயர்களிடம் விடுதலைபெற்ற இந்தியா சாதி, மத அடக்குமுறையிலிருந்து என்றுதான் விடுதலை பெறுமோ என்ற ஏக்கம் இன்னும் கோடானகோடி தலித் மக்களிடையே பரவி கிடக்கிறது. நாடு சுதந்திரம் அடையும் முன்பே அண்ணல் அம்பேத்கர் மகாத்மா காந்தியிடம் முன் வைத்த கருத்துகள் இன்று நாடு சுதந்திரம் அடைந்து 75 ஆண்டு கொண்டாடும் தினத்தில், தேசியக் கொடிக்கான விதிகள் மாறினாலும், குடியரசுத் தலைவர்களாக பல பட்டியலின மக்கள் வந்தாலும், இங்கு நிலவும் தலித் மக்கள் மீதான சாதிய ஒடுக்குமுறைகள் மாறவில்லை என்பதற்கு கள்ளக்குறிச்சி ஊராட்சி மன்றத் தலைவி சுதா வரதராஜின் கடிதம் ஒரு உதாரணம்.

கள்ளக்குறிச்சி மாவட்டம் சின்னசேலம் அருகே உள்ள எடுத்தவாய்நத்தம் கிராமம். இங்கு ஊராட்சி மன்றத் தலைவராக சுதா வரதராஜி என்பவர் பதவி வகித்து வருகிறார். சுதா வரதராஜி அவர்கள் மாவட்ட காவல்துறை துணை கண்காணிப்பாளருக்கு எழுதி இருக்கும் கடிதத்தில், “நான் ஆதிதிராவிடர் வகுப்பைச் சேர்ந்த ஊராட்சி மன்ற தலைவர். எங்கள் கிராமத்தில் எனக்கு முன்னாள் 10 ஊராட்சி மன்ற தலைவர்கள் இருந்திருக்கிறார்கள். அவர்கள் அனைவரும் அரசு மேல்நிலைப் பள்ளியில் குடியரசு மற்றும் சுதந்திர தின விழாவின்போது தேசியக் கொடியேற்றி வைத்து உள்ளனர்.

என்னை பட்டியலினப் பெண் தலைவர் என்பதால் சென்ற குடியரசுத் தின விழாவின்போது கொடியேற்றக் கூடாது என்று அப்போது பெற்றோர் ஆசிரியர் கழக தலைவராக இருந்த அ.அருண்குமார் மற்றும் துணைத் தலைவர் த.கண்ணன் ஆகியோர் தடுத்துவிட்டனர். இந்த 75 -வது சுதந்திர தினத்தில் அரசு மேல்நிலைப் பள்ளியில் கொடியேற்ற வாய்ப்பளித்து தக்க பாதுகாப்பு வழங்கிய பணிவுடன் கேட்டுக்கொள்கிறேன் என்று எடுத்தவாய்நத்தம் ஊராட்சி மன்றத் தலைவர் சுதா வரதராஜி சுதந்திர தினத்தன்று கொடியேற்ற பாதுகாப்பு வழங்குமாறு மாவட்ட காவல்துறை துணை கண்காணிப்பாளருக்கு கடிதம் எழுதி இருப்பது அம்பேத்கர் 1931-ம் ஆண்டு மகாத்மா காந்தியைச் சந்தித்தபொழுது முன் வைத்த கருத்து 75 -வது சுதந்திர தினத்தை மத்திய அரசு அமுத பெருவிழாவாக கொண்டாட தயாராகி வரும் நிலையிலும் ஜாதிய கொடுமைகள் சாகவில்லை என்பதை உணர்த்திக் கொண்டுள்ளது.

அதாவது, சுதந்திர தின விழாவுக்காக தேசியக்கொடி விதிமுறைகளில் கைத்தறி பருத்தி துணியால் மட்டுமே தேசிய கொடிகளை பயன்படுத்த வேண்டும் என்ற விதி இருந்த நிலையில், எந்திரத்தால் தயாரிக்கப்பட்ட பாலிஸ்டர், காட்டன், கம்பளி, பட்டு போன்றவற்றால் தயாரிக்கப்பட்ட தேசியக் கொடிகளை பயன்படுத்தலாம் என்று மத்திய அரசு பல்வேறு மாற்றங்களை செய்து அனுமதி வழங்கியுள்ளது. ஆனால், நாட்டின் பல கிராமங்களில் வாழும் தலித் மக்கள் ஜாதிய கொடுமைகளில் மீளமுடியாமல் இன்றும் வாழ்ந்து கொண்டுள்ளார். அன்றே, அண்ணல் அம்பேத்கர் மகாத்மாக்கள் பலபேர் வருவார்கள் போவார்கள், ஆனால் நமது வாழ்க்கை நிலை அப்படியே தான் இருக்கிறது என்று கூறிய வார்த்தை இன்னமும் உறங்காமல் இருக்கின்றது என்பது நிதர்சனமான உண்மை.

தமிழத்தில் கடந்த சில ஆண்டுகளாகவே, பொதுமக்கள் மற்றும் விவசாயிகளின் குறைதீர்க்கும் நாள் கூட்டம் ஒவ்வொரு திங்கட்கிழமை தோறும் நடைபெறுவது வழங்கமான ஒன்றாகும். இந்த குறை தீர்க்கும் நாள் கூட்டத்தில் ஏராளமான பொதுமக்கள் மற்றும் விவசாயிகள் தங்களது கோரிக்கைகளை மனுவாக அந்தந்த மாவட்ட ஆட்சியரிடம் அளித்து வருகின்றனர்.

இந்த மனுக்களை பெற்றுக் கொண்ட மாவட்ட ஆட்சியர்கள் , உரிய விசாரணை மேற்கொண்டு நடவடிக்கைகளையும் எடுத்து வருகின்றனர். சில சமயங்களில் குறைதீர்வு கூட்டங்களில் பொதுமக்கள் மற்றும் விவசாயிகள் அங்கிருக்கும் அதிகாரிகளுடன் தகராற்றில் ஈடுபட்டு வாக்குவாதம் செய்வதுண்டு.

ஒருசில சமயங்களில் சேலம் மாவட்ட குறைதீர்ப்பு கூட்டத்திற்கு வந்திருந்த ஒரு மாற்றுதிறனாளி சிறுவனுக்கு சக்கர நாற்காலியை, ஆட்சியர் கார்மேகம் வழங்கியது மட்டுமின்றி ஆட்சியரே, அந்த சிறுவனை தூக்கி சக்கர நாற்காலியில் உட்கார வைத்து, சக்கர நாற்காலியை தள்ளிக்கொண்டு ஆட்சியர் அலுவலக வாசல் வரை தள்ளிக் கொண்டே வந்து, வேறு ஒரு வாகனத்தில் ஏற்றி வழியனுப்பி வைத்து போன்ற சம்பவங்களும் நிகழ்கவதும் போன்ற சம்பவங்களால் அப்போது பெரும் பரபரப்பாகவும், நெகிழ்வாகவும் பேசப்பட்டும்.

அந்தவகையில், திருப்பத்தூர் மாவட்டத்திலும் ஒரு சம்பவம் இன்று நடந்துள்ளது. வழக்கம்போல், ஆட்சியர் அலுவலக கூட்டரங்கில் மக்கள் குறைதீர்வு கூட்டம் நடைபெற்றது. அந்த கூட்டத்தில் ஆட்சியர் குஷ்வாஹா பொதுமக்களிடமிருந்து கோரிக்கை மனுக்களை பெற்றுக்கொண்டார்.

அந்த சமயத்தில், அங்கு மனுகொடுக்க ஒரு விவசாயி நீண்ட நேரம் வரிசையில் மனுவுடன் காத்திருந்த அவசாயி, ஆட்சியரை பார்த்ததுமே திடீரென அவரது காலில் விழுந்தார். இதை கொஞ்சமும் எதிர்பார்க்காத ஆட்சியர் , உடனே அவரை தூக்கிவிட்டு, தரையிலேயே அந்த விவசாயி முன்பு உட்கார்ந்து கொண்டார். அதற்கு பிறகுதான் அவரிடமிருந்த மனுவை வாங்கினார். ஆட்சியர் தரையில் கிட்டத்தட்ட 5 நிமிடங்கள் உட்கார்ந்து, விவசாயியிடம் பிரச்சனையை விசாரித்தார். இந்த நிகழ்வு ஆட்சியர் அலுவலகத்தில் பெரும் பரபரப்பை ஏற்படுத்தியது.