Category: தமிழகம்

சென்னை அண்ணா சாலையில் ஆர்ப்பாட்டத்தில் ஈடுபட முயன்ற இந்து மக்கள் கட்சியினரை காவல்துறையினர் கைது செய்தனர். கனடா நாட்டில் கோயில் மீதும், இந்து பக்தர்கள் மீதும் காலிஸ்தான் தீவிரவாத குழுவினர் நடத்திய தாக்குதலைக் கண்டித்து இந்து மக்கள் கட்சி சார்பில் அதன் தலைவர் அர்ஜுன் சம்பத் தலைமையில் சென்னை அண்ணா சாலை தாராப்பூர் டவர் எதிரில் நேற்று காலை ஆர்ப்பாட்டம் நடைபெற இருந்தது.

இதற்காக அர்ஜுன் சம்பத் தலைமையில், நிர்வாகிகள் அங்கு வரத் தொடங்கினர். அப்போது, காவல்துறை அவர்களை தடுத்து நிறுத்தி, தடையை மீறி ஆர்ப்பாட்டம் செய்ய இருந்ததாக கைது செய்து அருகில் உள்ள சமுதாய நலக் கூடத்தில் அடைத்தனர்.

சிவகங்கையில் கடையை எப்போ திறப்போம்னு காத்திருக்கும் என காத்திருந்த மாடுகள் கதவை திறந்ததுமே அதுக்கு தேவையானதை சாப்பிட்டு விட்டு, எந்த பொருளையும் சேதப்படுத்தாம அதுவே போயிடும். மளிகை கடையில் தினமும் முதல் ஆளாக போனி செய்யும் மாடுகள்.

மயிலாடுதுறையில் ’ஓடுற பஸ்ஸ ஒத்த கால்ல நிப்பாட்டுனவன் நானு…’ நடு ரோட்டில் அரசுப்பேருந்தை மறித்து மது போதையில் நடனமாடி நபர், மது போதையில் போலீசாரின் வாக்கி டாக்கியை பிடுங்கி தண்ணீரில் எறிந்த இளைஞர்,சென்னையில், போதையில் ஒருவர் சாலையில் செல்லும் அரசு பேருந்தை நிறுத்தியது, டாஸ்மாக் எதிரே மது போதையில் கொட்டும் மழையில் சோப்பு போட்டு ஆனந்த குளியல் போட்ட குடிமகன்கள் என ‘குடி’மகன்களின் அட்ராசிட்டிக்கு அளவே இல்லாமல் போய்விட்டது.

அதன் வரிசையில், திண்டுக்கல் மாவட்டம் காட்டாஸ்பத்திரி பகுதியில் ட்ரவுசர் மட்டும் அணிந்து அரை நிர்வாண கோலத்தில் போதை ஆசாமி சாலையின் நடுவே உள்ள டிவைடரில் ஏறி மதுபோதையில் யோகாசனம் செய்தது அப்பகுதியில் பரபரப்பு ஏற்பட்டது.

சீமான் தலைமையிலான நாம் தமிழர் கட்சியில் இருந்து சில பொறுப்பாளர்கள் தொடர்ந்து விலகி வருகின்றனர். மருத்துவ பாசறை மாநில ஒருங்கிணைப்பாளர் பதவியில் இருந்து இளவஞ்சி விலகியுள்ளார். கட்சி தலைமையின் செயல்பாடுகள் பிடிக்கவில்லை, பெண்களுக்கு முக்கியத்துவம் இல்லை, புகார் அளித்தும் எந்த நடவடிக்கையும் இல்லை என்பதே இளவஞ்சியின் குற்றச்சாட்டி யுள்ளார்.

மக்கள் நீதி மய்யம் கட்சித் தலைவர் கமல்ஹாசனின் பிறந்தநாளையொட்டி தமிழ்நாடு முதலமைச்சர் மு.க.ஸ்டாலின் வாழ்த்து தெரிவித்துள்ளார். இது தொடர்பாக மு.க.ஸ்டாலின் தனது எக்ஸ் பக்கத்தில், “பிறக்கின்ற புதுமைகளுக்கெல்லாம் இந்தியத் திரையுலகின் வாயிற்கதவுகளைத் திறக்கின்ற கலைஞானிக்குப் பிறந்தநாள் வாழ்த்துகள்!

திரைக்களம் தொடங்கி அரசியல் களம் வரை முற்போக்கு – பகுத்தறிவுக் கருத்துகளைப் பரப்புரை செய்யும் அருமை நண்பர் – மக்கள் நீதி மய்யத்தின் தலைவர் திரு.கமல்ஹாசன் அவர்களின் தொண்டு சிறக்க விழைகிறேன்!” மு.க.ஸ்டாலின் எக்ஸ் பக்கத்தில் பதிவிட்டுள்ளார்.