Author: rajaram

கோயம்புத்தூர் அரசு மற்றும் இ.எஸ்.ஐ.,மருத்துவமனைகளில், கடந்த சில தினங்களுக்கு முன் மாவட்ட ஆட்சியர் நாகராஜன் நேரில் ஆய்வு நடத்தினார். ஆய்வில், அரசு மருத்துவமனையில் ஆர்.எம்.ஓ., பணியிடம் நீண்ட காலமாக காலியாக இருப்பது தெரியவந்தது. கோவிட் -19 நோயாளிகள் அதிகம் சிகிச்சை பெற்று வரும் இந்த சூழலில், மருத்துவ பணிகளை கண்காணிக்க ஒரு அதிகாரி நியமிக்கப்பட வேண்டும் என, மாவட்ட ஆட்சியர் முடிவெடுத்தார்.

இ.எஸ்.ஐ.,மருத்துவமனையில் இருப்பிட மருத்துவராக பணியாற்றி வந்த குழந்தைவேலுவை, அரசு மருத்துவமனை இருப்பிட மருத்துவராக நியமித்து மாவட்ட ஆட்சியர் உத்தரவிட்டதை தொடர்ந்து குழந்தைவேலு நேற்று பொறுப்பேற்றுக் கொண்டார்.

கோவிட் -19 பெறுந்தொற்றை கட்டுக்குள் கொண்டுவர பல்வேறு தரப்பினரும் அரசுக்கு நிதி உதவி அளித்து வருகின்றனர். அந்த வரிசையில், வேளச்சேரி 179 வட்டம் ஸ்ரீ கணபதி சச்சிதானந்தா டிரஸ்ட் சார்பில் ரூ. 5 லட்சத்திற்கான காசோலையை முதல்வர் கொரானா பொதுநிவாரண நிதிக்கு அமைச்சர் மா.சுப்பிரமணியன் அவர்களிடம் வழங்கினார்கள். உடன் R.வெங்கடராமன் மற்றும் RC உதய்சங்கர் ஆகியோர் உள்ளனர்.

கோவிட் -19 யை கட்டுப்படுத்த தமிழக அரசு பல்வேறு நடவடிக்கைகளை எடுத்து வருகிறது. இந்நிலையில், மாண்புமிகு தமிழ்நாடு முதலமைச்சரின் ஆணைக்கிணங்க ஈரோடு மாவட்ட ஆட்சியர் அலுவலக கூட்டரங்கில் நகரப்புற உள்ளாட்சி அமைப்புகளுக்கான கோவிட் -19 தடுப்பு பணிகள் குறித்து நேற்று அமைச்சர் கே.என் . நேரு ஆய்வு மேற்க்கொண்டார்.

மேலும், கோவிட் -19 யை தடுக்க எடுக்கப்பட்டு வரும் நடவடிக்கைகள் குறித்தும் அதிகாரிகளிடம் ஆலோசனையில் ஈடுபட்டார். இந்நிகழ்வில், உணவுத்துறை அமைச்சர் அர.சக்ரபாணி, வனத்துறை அமைச்சர் க.ராமச்சந்திரன் கலந்து கொண்டனர்.

தமிழகத்தில் கோவிட் -19 பரவலை தடுக்க அரசு பல்வேறு நடவடிக்கைகளை மேற்கொண்டு வருகிறது. இதன் ஒரு பகுதியாக அந்தந்த மாவட்ட தலைமை மருத்துவமனை, மருத்துவ கல்லூரி மருத்துவமனைகளில் கோவிட் -19 பரிசோதனை செய்யப்பட்டு, தொற்றால் பாதிக்கப்பட்டவர்களை கண்டறிந்து, அவர்களை வகைப்படுத்தி சிகிச்சை அளித்து வருகின்றனர்.

அந்த வகையில் நாமக்கல் மாவட்டத்தில் அரசு மருத்துவ கல்லுாரி மருத்துவமனை, தனியார் மருத்துவமனைகள் மற்றும் தனியார் ஆய்வகம் என 5 இடங்களில் கோவிட் -19 பரிசோதனை செய்ய இந்திய மருத்துவ ஆராய்ச்சி கவுன்சில் மூலம் அனுமதி அளிக்கப்பட்டுள்ளது.

இந்நிலையில் மாவட்டத்தில் சில தனியார் ஆய்வகம் மற்றும் மருத்துவமனைகள் இந்திய மருத்துவ ஆராய்ச்சி கவுன்சில் அனுமதி பெறாமல், கோவிட் -19 பரிசோதனை செய்து சேலம், கோவையில் உள்ள ஆய்வகத்துக்கு அனுப்பி முடிவுகளை சேகரிப்பதாகவும், அவற்றை முறையாக சுகாதாரத்துறைக்கு தெரிவிப்பது இல்லை எனவும் குற்றச்சாட்டு எழுந்தது.

இதனால் கோவிட் -19 நோயாளிகளை கண்டறிந்து தனிமைப்படுத்துவதில் சிக்கல் ஏற்பட்டது. எனவே 15-க்கும் மேற்பட்ட தனியார் ஆய்வகத்துக்கு சுகாதாரத்துறை விளக்கம் கேட்டு நோட்டீசு அனுப்பியுள்ளது.

சோழிங்கநல்லூர் – நீலாங்கரையில், கோவிட் -19 சிகிச்சை, தடுப்புப் பணியில் கடுமையாக உழைத்துக் கொண்டிருக்கும் மருத்துவர்கள், செவிலியர்கள், தூய்மைப்பணியாளர்களுக்குப், பகுதிச் செயலாளர் திரு.மதியழகன் ஏற்பாட்டில், நலத்திட்ட உதவிகளை தமிழச்சி தங்கப்பாண்டியன் அவர்கள் முன்னிலையில் அமைச்சர் மா.சுப்பிரமணியன் மற்றும் சோழிங்கநல்லூர் சட்டமன்ற உறுப்பினர் அரவிந்த் ரமேஷ் ஆகியோர் வழங்கினர்.

இந்நிகழ்வில், பகுதிச் செயலாளர் திரு.ரவிச்சந்திரன், வ.செயலாளர்கள், கழக நிர்வாகிகள், முன்னணியினர், உடன்பிறப்புகள் கலந்து கொண்டனர்.

நாடு முழுவதும் கோவிட் -19 பரவலை தடுக்க தடுப்பூசி போடும் பணி தீவிரமாக நடந்து வருகிறது. இந்நிலையில் தடுப்பூசி போட்டால் ஆபத்து என்ற வதந்தியும் மக்கள் மத்தியில் பரவி வருகிறது. இதனால் தடுப்பூசி குறித்து மக்களிடம் மத்திய-மாநில அரசுகள் விழிப்புணர்வு ஏற்படுத்தி வருகின்றன. ஆனாலும் மக்களிடம் இதுகுறித்து விழிப்புணர்வு ஏற்படவில்லை.

இந்நிலையில் கர்நாடக மாநிலம் யாதகிரி மாவட்டம் அருகே உள்ள காந்தி சவுக், சக்கரகட்டி, கொல்லவாடே ஆகிய கிராமங்களில் உள்ள மக்களுக்கு கோவிட் -19 தடுப்பூசி போடுவதற்காக சுகாதாரத்துறை அதிகாரிகள் சென்றனர். அப்போது கொல்லவாடே கிராம மக்கள் அதிகாரிகளை பார்த்ததும், கோவிட் -19 தடுப்பூசி போட பயந்து கிராமத்தை விட்டே வெளியேறினர்.

அதிகாரிகள் அவர்களை தடுத்து விழிப்புணர்வு ஏற்படுத்தினர், ஆனாலும் தடுப்பூசி போட்டுக்கொள்ள மறுத்த அவர்கள், தடுப்பூசி போடுவதாக இருந்தால் ஊரை விட்டே செல்கிறோம் என்றனர். இதையடுத்து அதிகாரிகள் அங்கிருந்து ஏமாற்றத்துடன் திரும்பி சென்றனர்.

வேளச்சேரி காந்திசாலையில் இயங்கி வந்த ஐஐடி நுழைவு வாயில் திடீரென்று மூடப்பட்டது. மூடிய நுழைவு வாயிலை திறக்கவும் எழுப்பிய தீண்டாமை சுவரை அகற்ற உடனடியாக நடவடிக்கை எடுக்ககோறும் மனுவினை அமைச்சர் மா.சுப்பிரமணியன் மற்றும் வேளச்சேரி சட்டமன்ற உறுப்பினர் அசன் மெளலானா அவர்களிடம் பொ.த.மதிவாணன் தலைமையில் தன்னார்வலர்கள் கடிதம் வழங்கப்பட்டது.

கோவிட் -19 யை கட்டுப்படுத்த தமிழக அரசு பல்வேறு நடவடிக்கைகளை எடுத்து வருகிறது. இந்நிலையில், திருப்பூர் மாவட்ட ஆட்சியர் கூட்டரங்கில் கோவிட் -19 தடுப்பு பணிகள் தொடர்பாக ஆய்வு மேற்கொண்டார். கோவிட் -19 யை கட்டுப்படுத்த மாநகராட்சியில் மேற்கொள்ளப்பட்டு வரும் நடவடிக்கைகள் குறித்து கேட்டறிந்ததார்.

தமிழக முதலமைச்சர் மு.க. ஸ்டாலின் அவர்களின் அறிவுறுத்தலின்படி, இன்று திருப்பூர் மாநகராட்சி அலுவலகத்தில் கோவிட் -19 னால் பாதிக்கப்பட்டவர்களுக்கு மனநல ஆலோசனை வழங்குவதற்காக இயங்கவரும் சிறப்பு கட்டுப்பாட்டு அறையை நேரில் அமைச்சர் கே.என் . நேரு ஆய்வு பார்வையிட்டார்.

மேலும், மக்களிடம் இருந்து பெறப்படும் அழைப்புகள் மற்றும் புகார்களுக்கு எடுக்கப்படும் நடவடிக்கை குறித்தும் ஆய்வு செய்தார். இந்நிகழ்வில், உணவுத்துறை அமைச்சர் அர.சக்ரபாணி, வனத்துறை அமைச்சர் க.ராமச்சந்திரன் மற்றும் கழக நிர்வாகிகள் கலந்து கொண்டனர்.