பஞ்சாப் மாநிலத்தின் உள்ள அபோஹர் சட்டப் பேரவை தொகுதி, காங்கிரஸ் கோட்டையாக இருந்தது வந்தது. இந்த தொகுதியில் காங்கிரஸ் 10 முறை வென்றுள்ளது. இதில் 8 முறை சுனில் ஜாக்கர் குடும்பத்தினர் வென்றுள்ளனர்.
இந்நிலையில் சுனில் ஜாக்கர், பஞ்சாப் மாநில பாஜக தலைவராக கடந்த மாதம் நியமிக்கப்பட்டார். இப்பதவியை ஏற்றபின் அவர் முதல் முறையாக நேற்று சொந்த ஊர் அபோஹர் திரும்பினார். அப்போது அபோஹர் மேயர் விமல் தத்தாய், மூத்த துணை மேயர் கன்பத் ராம், துணை மேயர் ராஜ்குமார் நிரணியன் மற்றும் காங்கிரஸ் கட்சியை சேர்ந்த கவுன்சிலர்கள் 46 பேர் பாஜகவில் இணைந்தனர்.