கோயம்புத்தூர் இ.எஸ்.ஐ.மருத்துவமனையில் கோவிட் -19 நோயாளிகள் சிகிச்சைக்கென 240 படுக்கை வசதிகள் கொண்ட தனி மையத்தை தன்னார்வல அமைப்புகள் இணைந்து தத்தெடுத்து உள்ளனர். இதில் ஆக்சிஜன் வசதி, நோயாளிகளுக்கு உணவு வழங்குதல், மருந்து மாத்திரைகள் மற்றும் செவிலியர்கள் வசதி போன்ற கூடுதல் கட்டமைப்புகளை ஏற்படுத்த உள்ள நிலையில் இது குறித்த செய்தியாளர்கள் சந்திப்பு இ.எஸ்.ஐ.மருத்துவமனை வளாக அரங்கில் நடைபெற்றது.
இதில் இ.எஸ்.ஐ. மருத்துவமனை டீன் மருத்துவர் ரவீந்திரன், கண்காணிப்பாளர் மருத்துவர் ரவிக்குமார் மற்றும் அரிமா சங்கம் 324 பி.1 மாவட்ட ஆளுநர் கருணாநிதி, செய்தி தொடர்பாளர் செந்தில் குமார் ஆகியோர் கூட்டாக செய்தியாளர்களிடம் பேசினர்.