நீலகிரி மாவட்டம், குன்னூர் தாலுகா பந்துமை வழியாக கோத்தகிரி செல்லும் சாலை மற்றும் கம்பிசோலை கிராமம் கீழ்ப்புறம் பகுதி சாலை ஓரங்கள் மற்றும் வனப்பகுதியில், இருக்கக்கூடிய மரங்களை டேஞ்சர் மரங்கள் என்ற போர்வையில் மாவட்ட ஆட்சித்தலைவர் எழுத்துப்பூர்வமாக அனுமதி எதுவும் கொடுக்காமல், வாய் வார்த்தையில் சொன்னதாகக் கூறி சுமார் 50 மரங்களை சில சமூக விரோதிகள் தங்களுடைய சுய லாபத்திற்காக மரங்களை வெட்டும் வேலையை செய்து வருகின்றனர்.
இதனை அந்த பகுதியில் வாழும் சமூக ஆர்வலர்கள் குன்னூர் வட்டாட்சியர் அலுவலகத்தில்.சென்று வருவாய் ஆய்வாளர் சுப்பு அவர்களிடம் புகார் செய்தனர். ஆனால் வருவாய் ஆய்வாளர் சுப்பு எனக்கு எதுவும் தெரியாது என்று அலட்சியமாக பதில் கொடுக்கிறார். அதுமட்டுமல்லாமல் கிராம நிர்வாக அலுவலகம் சென்று கிராம நிர்வாக அலுவலர் அருள் ரத்னா அவர்களிடம் சென்று கேளுங்கள் என தெரிவிக்கிறார்.
அதனைத்தொடர்ந்து கிராம நிர்வாக அலுவலர் அருள் ரத்னா அவர்களிடம் இதுபற்றி விசாரித்தபோது எனக்கு ஒன்றும் தெரியாத ( கிராமத்திலுள்ள சாலை ஓர மரங்களை காப்பாற்றுவது கிராம நிர்வாக அலுவலரின் முக்கிய கடமை என்பதனை மறந்து) நீங்கள் தாசில்தார் தினேஷ் அவர்களிடம் சென்று கேளுங்கள் என்று சொல்கிறார்.
சமூக ஆர்வலரும் விடாது இறுதியாக தாசில்தாரிடம் சென்று கேட்போம் என்று போய்க் கேட்டால் எனக்கு அப்படி ஒன்றும் தெரியல… நான் வந்து பார்த்துட்டு என்ன ஏதுன்னு உங்களுக்கு சொல்றேன் என்று அலட்சியமான பதிலை சொல்கிறார்.
“நான் கடவுள்” பாணியில் சமூக ஆர்வலர் கிராம நிர்வாக அலுவலர், வருவாய் ஆய்வாளர், தாசில்தார் என ஒவ்வொருவராக நடந்தது தான் மிசசம். இது இப்படியே போய்க் கொண்டிருந்தால் சமூக விரோதிகளின் செயல்கள் அதிகமாகி மரங்கள் அழிந்து சுற்றுச்சூழல் பாதிக்கப்படும் என்பதே சமூக ஆர்வலர்களின் வேதனையாக அமைகிறது.