பசும்பொன் முத்துராமலிங்க தேவரின் 119-வது ஜெயந்தி விழா மற்றும் 53 வது குருபூஜை சனிக்கிழமை நடைபெறுகிறது. இதையொட்டி ராமநாதபுரம் மாவட்டம் பசும்பொன் கிராமத்தில் உள்ள முத்துராமலிங்கத் தேவரின் நினைவிடத்தில் ஜெயந்தி விழா மற்றும் குருபூஜை நிகழ்ச்சிகள் நேற்று தொடங்கின.
இந்நிலையில், கோரிப்பாளையம் தேவர் சிலை, தெப்பகுளம் மருதுபாண்டியர் சிலை ஆகியவற்றுக்கு மாலை அணிவிப்பதற்காக தேர்தல் பிரச்சார அ.தி.மு.க கட்சி கொடி பொருத்தப்பட்டு வாகனத்தில் வி.கே. சசிகலா வந்து மாலை அணிவித்து மரியாதை செலுத்தினார். கோரிப்பாளையம் மற்றும் தெப்பக்குளம் பகுதிகளில் ஏராளமான தொண்டர்கள் சசிகலாவுக்கு வரவேற்பு அளித்தனர்.