என்ஜினீயரிங், கலைக்கல்லூரி மற்றும் டிப்ளமோ படிக்கும் மாணவர்களுக்கு கொரோனா பரவல் காரணமாக ஆன்லைன் மூலம் தேர்வு நடத்தப்பட்டு வருகிறது. இவ்வாறு ஆன்லைன் தேர்வு எழுதும் மாணவர்கள் தங்களது விடைத்தாள்களை அன்றைய நாட்களில் இணையதளம் மூலம் அனுப்புவதோடு, விரைவுத் தபால் மூலமும் மாணவர்கள் பயிலும் கல்லூரிகளுக்கு அனுப்பி வைக்க வேண்டும் என்று அறிவுறுத்தப்பட்டுள்ளது.
தற்போது ஊரடங்கு தளர்வு அறிவிக்கப்பட்டு, தபால் நிலையங்கள் திறக்கப்பட்டதை தொடர்ந்து கடந்த சில நாட்களாக மாணவர்கள் தங்களது விடைத்தாள்களை மாவட்ட கல்லூரிகள் மட்டுமின்றி சென்னை உள்ளிட்ட பல்வேறு வெளி மாவட்ட கல்லூரிகளுக்கும் அனுப்பி வைத்து வருகிறார்கள். இதனால் இங்கு மாணவர்களின் கூட்டம் அதிகமாக இருக்கிறது.