டாடா குழுமத்தின் முன்னாள் தலைவர் ரத்தன் நேவல் டாடா வயது மூப்பு மற்றும் உடல் நலக்குறைவு காரணமாக மும்பையில் உள்ள மருத்துவமனையில் காலமானார். அவரது உடலுக்கு அரசு மரியாதையுடன் மும்பையிலுள்ள வொர்லி மயானத்திற்கு எடுத்துச் செல்லப்பட்டு இறுதிச்சடங்கு செய்யப்பட்டது.
டாடா குழுமத்தின் முன்னாள் தலைவர் ரத்தன் நேவல் டாடா வயது மூப்பு மற்றும் உடல்நலக்குறைவு காரணமாக மும்பையில் உள்ள பிரீச் கேண்டி மருத்துவமனையில் கடந்த 7-ஆம் தேதி அனுமதிக்கப்பட்டார். அவருக்கு மருத்துவர்கள் தீவிர சிகிச்சை அளிக்கப்பட்டு வந்த நிலையில் நேற்று நள்ளிரவு 11.30 மணியளவில் காலமானார்.
இவரது மறைவைத் தொடர்ந்து, மகாராஷ்டிர மாநிலத்தில் ஒருநாள் துக்கம் அனுசரிக்கப்படும் என்றும், ரத்தன் நேவல் டாடாவின் உடல் முழு அரசு மரியாதையுடன் இறுதி அஞ்சலி செலுத்தப்படும் என்று அம்மாநில முதலமைச்சர் ஏக்நாத் சாம்பாஜி ஷிண்டே அறிவித்தார்.
இந்நிலையில் ரத்தன் நேவல் டாடாவின் உடல் மீது தேசிய கொடி போர்த்தப்பட்டு பொதுமக்கள் அஞ்சலிக்காக தெற்கு மும்பையிலுள்ள என்.சி.பி.ஏ., அரங்கில் அஞ்சலிக்காக வைக்கப்பட்டது. இதனையடுத்து ரத்தன் நேவல் டாடாவின் இறுதி ஊர்வலம் நடைபெற்றது. இதில், பொதுமக்கள் உள்ளிட்ட முக்கிய பிரமுகர்கள் கலந்து கொண்டனர். அவரது உடல் வொர்லி மயானத்திற்கு எடுத்து செல்லப்பட்டு அரசு மரியாதையுடன் அவரது இறுதிச்சடங்கு செய்யப்பட்டு அடக்கம் செய்யப்பட்டது.
இறுதி ஊர்வலத்தின் போது ரத்தன் நேவல் டாடாவின் முகத்தை பார்த்த படியே பிரிய மனமில்லாமல் பக்கத்திலேயே உட்கார்ந்த வளர்ப்பு நாய் கோவா நின்றது. இந்த சம்பவம் அங்கு குடியிருந்தவர்களுக்கு மிகுந்த மனவருத்தம் கொடுத்தது.