அ.தி.மு.க.முன்னாள் நீலகிரி நாடாளுமன்ற தொகுதி உறுப்பினரான குன்னூரை சேர்ந்த கோபாலகிருஷ்ணன்.தற்போது குன்னூர் நகர்மன்ற தலைவராக பதவி வகித்து உள்ளார். நேற்று முன்தினம் தீபாவளி நாளில் அ.தி.மு.க. முன்னாள் எம்.பி. கோபாலகிருஷ்ணன் குடிபோதையில் இரவு 10 மணியளவில் ஓட்டுப்பட்டறை அருகே முத்தாளம்மன் பேட்டை குடியிருப்பு பகுதியில் உள்ள கோபி என்பவரது வீட்டுக்குள் ஆடையின்றி நிர்வாண கோலத்தில் திடீரென புகுந்தார்.
அப்போது வீட்டில் பெண்கள் இருந்ததால்,அவரிடம், கோபாலகிருஷ்ணன் வாக்குவாதத்தில் ஈடுபட்டுள்ளார். மேலும் கோபி மற்றும் அ.தி.மு.க. முன்னாள் எம்.பி. கோபாலகிருஷ்ணன் இடையே தகராறு ஏற்பட்டது. அப்போது அ.தி.மு.க. முன்னாள் எம்.பி. கோபாலகிருஷ்ணனை கோபி தாக்கியதாக கூறப்படுகிறது. இதனால் காயமடைந்ததாக கூறி அ.தி.மு.க. முன்னாள் எம்.பி. கோபாலகிருஷ்ணன் குன்னூரில் உள்ள ஒரு தனியார் மருத்துவமனையில் சிகிச்சைக்காக சேர்ந்துள்ளார்.
இதையடுத்து முன்னாள் எம்.பி. கோபாலகிருஷ்ணன் தனது வீட்டிற்குள் நிர்வாணமாக நுழைந்தது குறித்து குன்னூர் நகர காவல் நிலையத்தில் கோபி புகார் அளித்தார். மற்றொரு புறம் தன்னை தாக்கியதாக கோபி மீது அ.தி.மு.க. முன்னாள் எம்.பி. கோபாலகிருஷ்ணன் புகார் கொடுத்தார். இதனால் அவர்கள் 2 பேர் மீதும் வழக்குப்பதிவு செய்யப்பட்டுள்ளது. இந்நிலையில் அ.தி.மு.க. முன்னாள் எம்.பி. கோபாலகிருஷ்ணன் நிர்வாணமாக அடுத்தவர் வீட்டுக்குள் புகுந்த காட்சி செல்போனில் வீடியோவாக பதிவு செய்யப்பட்டு உள்ளது. இதனால் குன்னூர் பகுதியில் பரபரப்பை ஏற்படுத்தி உள்ளது.