திண்டுக்கல் மாவட்டத்தில் சிறப்பாக பணிபுரிந்தது பதக்கம் பெற்றவர்களை மாவட்ட காவல் கண்காணிப்பாளர் பாராட்டு..!

நாட்டின் 78-வது சுதந்திர தினத்தை முன்னிட்டு காவல்துறை, தீயணைப்பு படை, ஊர்க்காவல் படை உள்ளிட்ட சீர்திருத்த சேவைகளில் சிறப்பாக பணியாற்றிய 1307 காவல்படை வீரர்களுக்கு அதிகாரபூர்வ அறிவிப்பை மத்திய உள்துறை அமைச்சகம் அறிவித்துள்ளது. இந்நிலையில், தமிழ்நாட்டில் காவல்துறையில் சிறப்பாக பணியாற்றிய 26 காவல்துறை அதிகாரிகளுக்கு குடியரசு தலைவரின் விருதுகளானது அதிகாரபூர்வமாக அறிவிக்கப்பட்டுள்ளது.

இந்நிலையில், திண்டுக்கல் மாவட்டத்தில் சிறப்பாக பணிபுரிந்தமைக்காக இந்திய குடியரசு தலைவர் பதக்கம் ஒட்டன்சத்திரம் உட்கோட்ட காவல் துணை கண்காணிப்பாளர் திரு.முருகேசன் அவர்களுக்கும், மாண்புமிகு தமிழக முதலமைச்சர் பதக்கம் திண்டுக்கல் ஊரக அனைத்து மகளிர் காவல் நிலைய ஆய்வாளர் திருமதி.சுமதி அவர்களுக்கும், உள்துறை அமைச்சர் பதக்கம் குழந்தைகள் கடத்தல் தடுப்பு பிரிவு ஆய்வாளர் திருமதி.அமுதா அவர்களுக்கும், அண்ணா பதக்கம் நிலக்கோட்டை சிறப்பு பிரிவு குற்றப் புலனாய்வுத்துறை சிறப்பு சார்பு ஆய்வாளர் திரு.செல்வம் அவர்களுக்கும் 23.08.2024 அன்று மாண்புமிகு தமிழக முதலமைச்சர் மு.க. ஸ்டாலின் அவர்களால் வழங்கப்பட்டது.
இதனையடுத்து இன்று சிறப்பாக பணிபுரிந்தமைக்காக பதக்கம் பெற்றவர்களை மாவட்ட காவல் கண்காணிப்பாளர் அ.பிரதீப் அவர்கள் நேரில் அழைத்து பாராட்டுக்கள் தெரிவித்தார்.