கொரோனா காலத்தில் அனைத்து தொழில் நிறுவனங்கள், அரசு அலுவலகங்கள் மூடி இருந்த சமயத்தில் அரசு தேயிலை தோட்டக் கழக தொழிலாளர்கள் மட்டுமே பணியாற்றி வந்தனர். இந்நிலையில், தீபாவளி பண்டிகையையொட்டி நீலகிரி மாவட்டத்தில் உள்ள தமிழ்நாடு தேயிலை தோட்ட தொழிலாளர்களுக்கு மாநில அரசு 10 சதவீதம் போனஸ் வழங்கப்படும் என்று அறிவித்தது.
ஆனால் 20 சதவீத போனஸ் வழங்க தோட்ட தொழிலாளர்கள் மற்றும் தொழிற்சங்கத்தினர் வலியுறுத்தி வருகின்றனர். இதுவரை , போனஸ் உயர்த்தி வழங்கப்படுவது குறித்து எந்த தகவலும் வெளியாகாததால் ஏமாற்றமடைந்த அரசு தேயிலை தோட்ட கழக தொழிலாளர்கள் நேற்று காலை வழக்கம்போல் பணிக்கு வந்து, பின்னர் பாண்டியாறு அரசு தேயிலை தோட்ட கழகத்தில் உள்ள அலுவலகத்தை முற்றுகையிட்டு போராட்டம் நடத்தினர்.