அமமுக பொதுச் செயலாளர் டிடிவி தினகரனின் மகள் ஜெயஹரிணிக்கும் முன்னாள் காங்கிரஸ் எம்.பி துளசி வாண்டையார் பேரன் ராமநாதன் துளசி வாண்டையாருக்கும் கடந்த செப்டம்பரில் திருவண்ணாமலை கோயிலில் திருமணம் நடைபெற்றது. கொரோனா கட்டுப்பாடுகள் காரணமாக முக்கிய அரசியல் பிரமுகர்கள், அமமுக நிர்வாகிகள் மற்றும் தொண்டர்கள் யாருக்கும் அழைப்பு விடுக்கப்படவில்லை.
இந்நிலையில் தஞ்சாவூர் மாவட்டம், பூண்டியில் உள்ள கல்லூரியில் நடைபெற்ற, டிடிவி தினகரன் – கிருஷ்ணசாமி வாண்டையார் இல்ல திருமண வரவேற்பு விழாவில், வி.கே.சசிகலா மற்றும் அதிமுக ஒருங்கிணைப்பாளர் ஓ.பி.எஸ்ஸின் சகோதரர் ஓ.ராஜா பங்கேற்று மணமக்களை வாழ்த்தினார்கள். திருமண வரவேற்பு விழாவில் பங்கேற்ற சசிகலா பின்னர், அப்பகுதியில் உள்ள மக்களை சந்தித்து பேசினார். மேலும் வயலில் வேலை செய்துகொண்டிருந்த பெண்களை சந்தித்துப் பேசினார்.