கோயம்புத்தூர் இ.எஸ்.ஐ.,மருத்துவமனை ஆர்.எம்.ஓ., கோயம்புத்தூர் அரசு மருத்துவமனைக்கு இடமாற்றம்

கோயம்புத்தூர் அரசு மற்றும் இ.எஸ்.ஐ.,மருத்துவமனைகளில், கடந்த சில தினங்களுக்கு முன் மாவட்ட ஆட்சியர் நாகராஜன் நேரில் ஆய்வு நடத்தினார். ஆய்வில், அரசு மருத்துவமனையில் ஆர்.எம்.ஓ., பணியிடம் நீண்ட காலமாக காலியாக இருப்பது தெரியவந்தது. கோவிட் -19 நோயாளிகள் அதிகம் சிகிச்சை பெற்று வரும் இந்த சூழலில், மருத்துவ பணிகளை கண்காணிக்க ஒரு அதிகாரி நியமிக்கப்பட வேண்டும் என, மாவட்ட ஆட்சியர் முடிவெடுத்தார்.

இ.எஸ்.ஐ.,மருத்துவமனையில் இருப்பிட மருத்துவராக பணியாற்றி வந்த குழந்தைவேலுவை, அரசு மருத்துவமனை இருப்பிட மருத்துவராக நியமித்து மாவட்ட ஆட்சியர் உத்தரவிட்டதை தொடர்ந்து குழந்தைவேலு நேற்று பொறுப்பேற்றுக் கொண்டார்.