காங்கிரஸ் தலைவர் சோனியாகாந்தி தலைமையில் டந்த மாதம் 20-ந் தேதி எதிர்க்கட்சி தலைவர்கள் கூட்டம் காணொலிக்காட்சி வழியாக நடைபெற்றது. இந்த கூட்டத்தில், மத்தியில் ஆளும் பாஜக அரசு பெட்ரோல் – டீசல் – சமையல் கியாஸ் சிலிண்டர் விலை உயர்வு குறித்தும், 3 வேளாண் சட்டங்களை ரத்து செய்ய மறுப்பது, பொருளாதார சீரழிவு, விலைவாசி உயர்வு, வேலையில்லா திண்டாட்டம், தனியார் மயமாக்கல், பொதுத்துறை நிறுவனங்களை விற்பது குறித்தும், பிகாசஸ் ஒட்டுக்கேட்பு விவகாரம் குறித்தும் விவாதிக்கப்பட்டது.
இந்தக் கூட்டத்தில், மத்திய பா.ஜ.க. அரசை கண்டித்து நாடு முழுவதும் செப்டம்பர் 20-ந் தேதி முதல் செப்டம்பர் 30-ந் தேதி வரை பல்வேறு போராட்டங்களை நடத்துவது என்று ஒருமனதாக தீர்மானம் நிறைவேற்றப்பட்டது.
அதன்படி, தி.மு.க. தலைமையிலான அனைத்து கூட்டணி கட்சிகள் சார்பில் இன்று காலை 10 மணிக்கு தமிழகம் முழுவதும் கண்டன போராட்டம் நடைபெற்று கொண்டுள்ளது. அதன்வரிசையில் இன்று ஒன்றிய அரசை கண்டித்து ஈரோடு கொங்குநாடு மக்கள் தேசிய கட்சியின் தலைமை அலுவலகம் முன்பு கருப்பு கொடி ஏந்தி கண்டன போராட்டத்தில் ஈடுபட்டனர்