ஐ லவ் யூ அம்மா…சித்தப்பா…மணிமாமா, அம்மு,, உங்க எல்லாரையும் எனக்கு ரொம்ப புடிக்கும் ஆனா நான் உங்க கிட்டலாம் சொல்லாம போறேன்..

பெண்ணாக பிறந்து இந்த பூமியில் வாழ்வதற்குள் எவ்வளவோ அவர்கள் படும் இன்னல்கள் சொல்லில் அடங்காதவை. இன்று வாழ வேண்டிய பல பிஞ்சுகள் தங்களை தாங்களாகவே மாய்த்துக்கொண்டு இருப்பதும் அதற்கு சரியான தீர்வு காண வேண்டியவர்கள் வேடிக்கை பார்ப்பதும் மிகவும் கொடுமையான சம்பவங்கள் ஆகும். இன்று கரூர் அரசு காலனியைச் சேர்ந்த ஜெயந்தியின் மகள் வெண்ணமலையில் ஒரு உள்ள தனியார் மேல்நிலைப்பள்ளியில் 12-ம் வகுப்பு படித்து வந்த நிலையில், கடந்த சில நாட்களுக்கு முன்பு மாணவியின் தந்தை மற்றும் பாட்டி ஆகியோர் அடுத்தடுத்து இறந்துள்ளார்.

இந்நிலையில் நேற்று காலை வழக்கம் போல் பள்ளிக்கு சென்ற மாணவி, வீட்டு திரும்பிய நிலையில், வீட்டில் யாரும் இல்லாத நிலையில் தூக்கிட்டு தற்கொலை செய்து கொண்டார். இது குறித்து அவரது தாய் ஜெயந்தி, வெங்கமேடு காவல் நிலையத்தில் புகார் அளித்தார். புகாரின் பேரில் காவல்துறை விரைந்து சென்று மாணவியின் உடலை கைப்பற்றி, பிரேத பரிசோதனைக்காக, கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர்.

அதன்பின்னர் காவல்துறை இறந்த மாணவியின் அறையில் சோதனை போது இறப்பதற்கு முன்பு அவர் எழுதி வைத்துள்ள உருக்கமான கடிதம் ஒன்றை காவல்துறை கைப்பற்றியதாக கூறப்படுகிறது. அந்த கடிதத்தில், பாலியல் தொல்லையால் சாகும் கடைசி பொண்ணு நானாகத்தான் இருக்கனும்….என்னை யார் இந்த முடிவை எடுக்க வச்சார்ன்னு நான் சொல்ல பயமா இருக்கு. இந்த பூமில வாழன்னு ஆசைப்பட்டேன்.

ஆனா இப்போ பாதிலேயே போகுறேன்…இன்னோரு தடவ இந்த உலகத்துல வாழ வாய்ப்பு கிடைச்சா நல்லா இருக்கும். பெருசாகி நிறைய பேருக்கு உதவி பண்ணனுன் நு ஆச ஆன முடியாதில்ல.. ஐ லவ் யூ அம்மா…சித்தப்பா…மணிமாமா, அம்மு,, உங்க எல்லாரையும் எனக்கு ரொம்ப புடிக்கும் ஆனா நான் உங்க கிட்டலாம் சொல்லாம போறேன்.. மன்னிச்சிருங்க இனி எந்த ஒரு பொண்ணும் என்ன மாதிரி சாகக்கூடாது. சாரி…என அந்த கடிதத்தில் குறிப்பிடப்பட்டுள்ளார்.