Tag: Suresh Raina

தோல்வியை நோக்கி சென்னை சூப்பர் கிங்ஸ்

அபுதாபியில் உள்ள ஷேக் சயீத் மைதானத்தில் சென்னை சூப்பர் கிங்ஸ் அணி – ராஜஸ்தான் ராயல்ஸ் அணியும் மோதும் ஐபிஎல் தொடரின் 47-வது லீக் ஆட்டம் இன்று நடைபெற்று வருகிறது. அதில் டாஸ் வென்ற ராஜஸ்தான் ராயல்ஸ் அணியின் கேப்டன் சஞ்சு சாம்சன் முதலில் பந்து வீச்சை தேர்வு செய்தார். இதனை தொடர்ந்து சென்னை சூப்பர் கிங்ஸ் அணியின் தொடக்க வீரர்களாக ருதுராஜ் கெய்க்வாட் மற்றும் டு பிளிஸ்சிஸ் ஆகியோர் களமிறங்கினர். தொடக்கத்தில் சற்று நிதானமான ஆட்டத்தை வெளிப்படுத்திய இருவரும் பவர்-பிளே முடிவில் சென்னை சூப்பர் கிங்ஸ் அணி 44 ரன்கள் சேர்த்தது.

ராகுல் தியோடியா 7.6 ஓவரில் டு பிளிஸ்சிஸ் 25 ரன்களுக்கு ஆட்டமிழந்தார். அடுத்து களமிறங்கிய சுரேஷ் ரெய்னா வந்த வேகத்தில் 3 ரன்களில் நடையை காட்டினார். அதனை அடுத்து மொயின் அலி, ருதுராஜ் கெய்க்வாட்வுடன் ஜோடி சேர்ந்தார். ராகுல் தியோடியா 14.3 ஓவரில் மொயின் அலி 21 ரன்களுக்கு ஆட்டமிழந்தார். அடுத்து களமிறங்கிய அம்பதி ராயுடு வந்த வேகத்தில் 2 ரன்களில் நடையை காட்டினார். அடுத்து களமிறங்கிய ரவீந்திர ஜடேஜா, ருதுராஜ் கெய்க்வாட்வுடன் ஜோடி சேர்ந்தார்.

ஒருமுனையில் விக்கெட்கள் வீழ்ந்தாலும் மறுமுனையில் நிலைத்து நின்ற ருதுராஜ் கெய்க்வாட் அதிரடியாக ஆடி ராஜஸ்தான் அணி பந்துவீச்சாளர்களை வெளுத்து வாங்கினார். மறுமுனையில் இருந்த ஜடேஜாவும் தன பங்குக்கு அதிரடியில் இறங்க ரன் ரேட் ஜெட் வேகத்தில் உயர்ந்தது. இறுதியில் 20 ஓவர்கள் முடிவில் சென்னை சூப்பர் கிங்ஸ் அணி 4 விக்கெட்டுகளை இழந்து 189 ரன்கள் எடுத்தது. ருதுராஜ் கெய்க்வாட் 101) ரன்களும், ஜடேஜா 32 ரன்களும் எடுத்து கடைசி வரை ஆட்டமிழக்காமல் களத்தில் இருந்தனர். ராஜஸ்தான் அணி சார்பில் அதிகபட்சமாக ராகுல் திவாட்டியா 3 விக்கெட்டுகளை கைப்பற்றினார்.

190 ரன்கள் என்ற கடின இலக்குடன் களமிறங்கிய ராஜஸ்தான் ராயல்ஸ் அணியின் தொடக்க வீரர்களாக எவின் லிவிஸ் மற்றும் யாஷஸ்வி ஜெய்ஸ்வால் களமிறங்கினர்.தொடக்கம் முதலே அதிரடி ஆட்டத்தை வெளிப்படுத்திய ராஜஸ்தான் ராயல்ஸ் அணி வீரர்கள் சென்னை சூப்பர் கிங்ஸ் பந்துவீச்சாளர்களை வெளுத்து வாங்கினார். இதனால் ராஜஸ்தான் ராயல்ஸ் அணி ரன் ரேட் ஜெட் வேகத்தில் உயர்ந்தது. 5.2 ஓவரில் ராஜஸ்தான் ராயல்ஸ் அணி 77 ரன்கள் என்ற நிலையில் எவின் லிவிஸ் 27 ரன்கள் எடுத்திருந்த நிலையில் ஷர்துல் தாக்கூரிடம் சரணடைந்தார்.

அடுத்து களமிறங்கிய சஞ்சு சாம்சன்ஸ், யஷஸ்வி ஜெய்ஸ்வாலுடன் ஜோடி சேர்த்தார். 19 பந்துகளில் 50 ரன்களை கடந்த யாஷஸ்வி ஜெய்ஸ்வால் ஆசிஃப்பிடம் விக்கெட்டை பறிகொடுத்தார்.அடுத்து களமிறங்கிய .சிவம் துபே, சஞ்சு சாம்சன்ஸுடன் ஜோடி சேர்த்தார்.யாஷஸ்வி ஜெய்ஸ்வால் விக்கெட் விழுந்தாலும் அதிரடி மாறவில்லை சிவம் துபே சென்னை சூப்பர் கிங்ஸ் பந்துவீச்சை பந்தாடினர். இதன் விளைவாக ராஜஸ்தான் ராயல்ஸ் அணி 12.4 ஓவர்களில் 150 ரன்களை கடந்தது.

ஐபிஎல்: சென்னை சூப்பர் கிங்ஸ் 6 விக்கெட் வித்தியாசத்தில் அபார வெற்றி

ஷார்ஜா கிரிக்கெட் சங்க மைதானத்தில் சென்னை சூப்பர் கிங்ஸ் – ராயல் சேலஞ்சர்ஸ் பெங்களூரு அணிகள் மோதும் ஐபிஎல் தொடரின் 35-வது லீக் ஆட்டம் இன்று நடைபெற்று வருகிறது. இதில் டாஸ் வென்ற சென்னை சூப்பர் கிங்ஸ் அணியின் தலைவர் மகேந்திர சிங் தோனி முதலில் பந்து வீச்சை தேர்வு செய்தார். இதனை தொடர்ந்து ராயல் சேலஞ்சர்ஸ் பெங்களூரு அணியின் தொடக்க வீரர்களாக தேவதூத் படிக்கல் மற்றும் தலைவர் விராட் கோலி களமிறங்கினர்.

தொடக்கம் முதலே தேவதூத் படிக்கல் மற்றும் தலைவர் விராட் கோலி அதிரடி ஆட்டத்தை வெளிப்படுத்தினர். ராயல் சேலஞ்சர்ஸ் பெங்களூரு அணி 111 ரன்கள் எடுத்த நிலையில் டுவைன் பிராவோ 13.2 ஓவரில் விராட் கோலி 53 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ஏபி டிவில்லியர்ஸ், தேவதூத் படிக்கலுடன் ஜோடி சேர்த்தார். ஷர்துல் தாக்குர் 16.5 ஓவரில் ஏபி டிவில்லியர்ஸ் 12 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய க்ளென் மேக்ஸ்வெல் , தேவதூத் படிக்கலுடன் ஜோடி சேர்த்தார்.

ஆனால் ஷர்துல் தாக்குர் 16.6 ஓவரில் அதாவது அடுத்த பந்தே தேவதூத் படிக்கல் 70 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய டிம் டேவிட், க்ளென் மேக்ஸ்வெலுடன் ஜோடி சேர்த்தார். ஆனால் தீபக் சாஹர் 18.2 ஓவரில் டிம் டேவிட் 1 ரன் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ஹர்ஷல் படேல், க்ளென் மேக்ஸ்வெலுடன் ஜோடி சேர்த்தார்.

ஆனால் டுவைன் பிராவோ 19.2 ஓவரில் க்ளென் மேக்ஸ்வெல் 11 ரன் எடுத்த நிலையில் ஆட்டமிழந்து வெளியேறினர். அடுத்து களமிறங்கிய வனிந்து ஹசரங்கா, ஹர்ஷல் படேலுடன் ஜோடி சேர்த்தார்.இறுதியில் 20 ஓவர் முடிவில் 6 விக்கெட்டுகளை இழந்த ராயல் சேலஞ்சர்ஸ் பெங்களூரு அணி 156 ரன்கள் எடுத்தது. சென்னை சூப்பர் கிங்ஸ் அணி தரப்பில் டுவைன் பிராவோ 3விக்கெட்டுகளையும் , ஷர்துல் தாக்குர் 2 விக்கெட்டுகளை வீழ்த்தினர்.

இதனை தொடர்ந்து 157 ரன்கள் எடுத்தால் வெற்றி என்ற இலக்குடன் விளையாடி சென்னை சூப்பர் கிங்ஸ் அணியின் தொடக்க வீரர்களாக ருதுராஜ் கெய்க்வாட் மற்றும் பாப் டு பிளிஸ்சிஸ் களமிறங்கினர். யுஸ்வேந்திர சாஹல் 8.2 ஓவரில் ருதுராஜ் கெய்க்வாட் 38 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய மொயீன் அலி, பாப் டு பிளிஸ்சிஸ்ஸிடன் ஜோடி சேர்த்தார்.

க்ளென் மேக்ஸ்வெல் 9.1 ஓவரில் பாப் டு பிளிஸ்சிஸ் 31 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய அம்பதி ராயுடு, மொயீன் அலியுடன் ஜோடி சேர்த்தார். ஷர்ஷல் பட்டேல்13.6 ஓவரில் மொயீன் அலி 23 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய சுரேஷ் ரெய்னா,அம்பதி ராயுடுடன் ஜோடி சேர்த்தார்.ஷர்ஷல் பட்டேல்15.4 ஓவரில் அம்பதி ராயுடு 32 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய மகேந்திர சிங் தோனி, சுரேஷ் ரெய்னாவுடன் ஜோடி சேர்த்தார்.

இறுதியில் சுரேஷ் ரெய்னா 17 ரன்களும், மகேந்திர சிங் தோனி 11 ரன்களும் எடுத்து கடைசிவரை ஆட்டமிழக்காமல் களத்தில் இருந்தனர். முடிவில் கொல்கத்தா நைட் ரைடர்ஸ் அணி 18.1 ஒவர்களில் 4 விக்கெட்டுகளை மட்டுமே இழந்து 157 ரன்கள் எடுத்தது. இதன்மூலம் ராயல் சேலஞ்சர்ஸ் பெங்களூரு அணிக்கு எதிரான ஆட்டத்தில் 6 விக்கெட்டுகள் வித்தியாசத்தில் சென்னை சூப்பர் கிங்ஸ் அணி அபார வெற்றி பெற்றது.