தாராபுரத்தில் சுப்பிரமணிய சுவாமி திருக்கோவிலில் சூரசம்ஹார நிகழ்ச்சி தன்சுய ரூபத்துடன் வந்த சூரபத்மனை வதம் முருகன் செய்தார். திருப்பூர் மாவட்டம் தாராபுரத்தில் சுப்பிரமணிய சுவாமி கோவிலில், கந்தசஷ்டி திருவிழாவின் சஷ்டி நிகழ்ச்சியான சூரசம்ஹாரம், 7-ஆம் நாளான நேற்று அதிகாலை 1 மணிக்கு நடை திறக்கப்பட்டு, 1.30 மணிக்கு விசுவரூப தீபாராதனை, 2 மணிக்கு உதய மார்த்தாண்ட அபிஷேகம், காலை 9 மணிக்கு உச்சிகால அபிஷேகம், மதியம் 1 மணிக்கு சாயரட்சை தீபாராதனை நடைபெற்றது.
இரவு 7.30 மணி அளவில் புதிய காவல் நிலைய வீதியில் உள்ள முருகன், கோவில் எதிரே முருகன் சூரபத்மனை வதம் செய்யும் சூரசம்ஹார நிகழ்ச்சி நடந்தது. இதனைத் தொடர்ந்து அலங்கியம் சாலை, புறவழிச் சாலை, தெந்தாரை, சர்ச்சாலை, அண்ணாசாலை, பெரிய கடை வீதி, டி.எஸ்.கார்னர், வழியாக அங்காளம்மன் கோவில் சென்றது.
சுப்பிரமணிய சுவாமி திருக்கோவிலில் கந்தசஷ்டி விழாவின் முக்கிய நிகழ்வான சூரசம்ஹாரத்தில் கஜமுக வடிவில் வந்த சூரபத்மனை முதலில் முருகன் வதம் செய்தார். பின்பு சிங்க முகத்தில் வந்த சூரபத்மனையும், தொடர்ந்து சுய ரூபத்தில் வந்த சூரபத்மனையும் முருகன் வதம் செய்தார். இறுதியில் சூரபத்மனை சேவலும், மயிலும் ஆக முருகன் ஆட்கொண்ட நிகழ்வு நடந்தது.
இந்த நிகழ்ச்சியை காண தாராபுரம் நகர் முழுவதும் இருந்து ஆயிரக்கணக்கான பக்தர்கள் குவிந்தனர். அப்போது, அங்கு கூடியிருந்த பக்தர்கள், “வெற்றிவேல் முருகனுக்கு அரோகரா என கோஷமெழுப்பினர். இறுதியாக மீண்டும் சுப்பிரமணிய சாமி கோவிலில் நிகழ்ச்சி நிறைவடைந்தது.