துபாய் சர்வதேச மைதானத்தில் சென்னை சூப்பர் கிங்ஸ் அணி – டெல்லி கேப்பிட்டல்ஸ் அணியும் தும் ஐபிஎல் தொடரின் 40-வது லீக் ஆட்டம் இன்று நடைபெற்று வருகிறது. அதில் டாஸ் வென்ற டெல்லி கேப்பிட்டல்ஸ் அணியின் தலைவர் ரிஷப் பண்ட் முதலில் பேட்டிங்கை தேர்வு செய்தார். இதனை தொடர்ந்து சென்னை சூப்பர் கிங்ஸ் அணியின் தொடக்க வீரர்களாக ருதுராஜ் கெய்க்வாட் மற்றும் பாப் டு பிளிஸ்சிஸ் களமிறங்கினர்.
அக்சர் பட்டேல் 2.4 ஓவரில் பாப் டு பிளிஸ்சிஸ் 10 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ராபின் உத்தப்பா, ருதுராஜ் கெய்க்வாட்டுடன் ஜோடி சேர்த்தார். அண்ட்ரிட்ச் நோர்ட்ஜி 4.4 ஓவரில் ருதுராஜ் கெய்க்வாட் 13 ரன்கள் எடுத்த நிலையில் ஆட்டமிழந்து வெளியேறினர். அதனைத் தொடர்ந்து களமிறங்கிய மொயீன் அலி, ராபின் உத்தப்பாவுடன் ஜோடி சேர்த்தார்.
அக்சர் பட்டேல் 7.4 ஓவரில் மொயீன் அலி 5 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய அம்பதி ராயுடு, ராபின் உத்தப்பாவுடன் ஜோடி சேர்த்தார். ரவிச்சந்திரன் அஷ்வின் 8.3 ஓவரில் ராபின் உத்தப்பா 19 ரன்கள் எடுத்த நிலையில் ஆட்டமிழந்து வெளியேறினர். சென்னை சூப்பர் கிங்ஸ் அணி 9 ஓவரில் 62 ரன்களுக்கு 4 விக்கெட்டுகளை கொண்டிருக்கையில் மகேந்திர சிங் தோனி, அம்பதி ராயுடுவுடன் ஜோடி சேர்த்தார். இருவரும் நிதானமான ஆட்டத்தை வெளிப்படுத்தினர்.
ஆவேஷ் கானின் 19.1 ஓவரில் மகேந்திர சிங் தோனி 18 ரன்கள் எடுத்த நிலையில் ஆட்டமிழந்து வெளியேறினர். அதனை தொடர்ந்து களமிறங்கிய ரவீந்திர ஜடேஜா, அம்பதி ராயுடுவுடன் ஜோடி சேர சென்னை சூப்பர் கிங்ஸ் அணி 20 ஓவர்கள் முடிவில் 5 விக்கெட்டுகள் இழப்பிற்கு 136 ரன்கள் எடுத்தது. டெல்லி கேப்பிட்டல்ஸ் அணி தரப்பில் அக்சர் பட்டேல் 2 விக்கெட்டையும், ஆவேஷ் கான், ரவிச்சந்திரன் அஷ்வின் மற்றும் அண்ட்ரிட்ச் நோர்ட்ஜி தல 1 விக்கெட்டையும் வீழ்த்தினார்.
இதனை தொடர்ந்து 137 ரன்கள் எடுத்தால் வெற்றி என்ற இலக்குடன் டெல்லி கேப்பிட்டல்ஸ் அணியின் தொடக்க வீரர்கள் பிரித்வி ஷா மற்றும் ஷிகர் தவான் ஆகியோர் களமிறங்கினர். இருவரும் தொடக்கத்தில் மீண்டும் அதிரடியை கையில் எடுத்தபோது பிரித்வி ஷா 18 ரன்கள் எடுத்த நிலையில் 2.3 ஓவரில் தீபக் சாஹரிடம் விக்கெட்டை பறிகொடுத்து வெளியேறினார். அதனைத் தொடர்ந்து களமிறங்கிய ஸ்ரேயாஸ் அய்யர வந்த வேகத்தில் 2 ரன்களுக்கு ஜோஷ் ஹேசில்வுடிடம் விக்கெட்டை பறிகொடுத்து வெளியேறினார்.
அடுத்து களமிறங்கிய ரிஷப் பண்ட், ஷிகர் தவானுடன் ஜோடி சேர்த்தார். ரவீந்திர ஜடேஜா 8.5 ஓவரில் ரிஷப் பண்ட் 15 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ரிபால் படேல், ஷிகர் தவானுடன் ஜோடி சேர்த்தார். ரிபால் படேல் 18 ரன்கள் மற்றும் ரவிச்சந்திரன் அஷ்வின் 1 ரன் என வெளியேற மறுமுனையில் நிலைத்து விளையாடிய ஷிகர் தவான் 39 ரன்கள் எடுத்த நிலையில் ஆட்டமிழந்து வெளியேற டெல்லி கேப்பிட்டல்ஸ் அணி 15 ஓவர் முடிவில் 99 ரன்களுக்கு 6 விக்கெட்டுகளை இழந்தது.
பின்னர் வந்த ஷிம்ரான் ஹெட்மியர் மற்றும் அக்சர் பட்டேல் ஆகியோர் 30 பந்துகளில் 38 ரன்கள் எடுத்தால் வெற்றி என்ற இலக்குடன் ஜோடி சேர்ந்தனர். ஆனால் அக்சர் பட்டேல் 5 ரன்கள் எடுத்த நிலையில் ஆட்டமிழந்து வெளியேற ககிசோ ரபாடா, ஷிம்ரான் ஹெட்மியருடன் ஜோடி சேர்ந்தனர். கடைசியில் ஷிம்ரான் ஹெட்மியர் 28 ரன்கள் எடுத்த டெல்லி அணியை வெற்றி பெறச் செய்தனர். இதன்மூலம் சென்னை சூப்பர் கிங்ஸ் அணியை 3 விக்கெட்டுகள் வித்தியாசத்தில் டெல்லி கேப்பிடல்ஸ் அணி வீழ்த்தியது.