ஜப்பான் தலைநகர் டோக்கியோவில் கோலாகலமாக நடந்து முடிந்த 32-வது ஒலிம்பிக் போட்டியில் இந்தியா 1 தங்கம் ரெண்டு 2 வெள்ளி மற்றும் 4 வெண்கல என மொத்தம் 7 பதக்கங்களுடன் ஒட்டுமொத்த மக்களின் கனவும் நனவாகாமல் நாடு திரும்பியது. ஆனால் ஜப்பான் தலைநகர் டோக்கியோவில் மாற்றுத்திறனாளிகளுக்கான 16-வது பாரா ஒலிம்பிக் போட்டியில் இந்தியா 5 தங்கம் ரெண்டு 8 வெள்ளி மற்றும் 6 வெண்கல என மொத்தம் 19 பதக்கங்களை வென்று ஒலிம்பிக் வரலாற்றில் ஒரு சகாப்தம் எழுதி ஒட்டுமொத்த மக்களின் கனவும் நனவாக்க மாற்றுத்திறனாளிகான நாங்கள் இருக்கின்றோம் இந்திய ரசிகர்களுக்கு நினையூட்டியுள்ளார்.
இயற்கையின் படைப்பில் ஒவ்வொன்றும் வித்தியாசமானவை. ஒவ்வொன்றும் ஒவ்வொரு விதத்தில் அழகானவை. மனிதன் அதற்கு விதிவிலக்கில்லை. இன்று நம்மில் பலர் மனதில் ஊனத்தோடு வாழ்ந்து கொண்டிருப்பவர்கள் மத்தியில் ஊனம் என் உடம்பில் இல்லை என தைரியமாக வாழ்ந்துவரும் பல மாற்றுத்திறனாளி களும், எதையாவது சாதிக்க வேண்டும் எனும் தாகம் தன்னகத்தே கொண்டவர்களுக்கு உடலில் உள்ள குறைபாடு ஒரு பொருட்டே அல்ல… குறைகள் ஒவ்வொருவரிடமும், அவர்களுக்கு ஏற்றவாறு இருக்கத்தான் செய்கின்றன. அவர்கள் அந்த குறைகளை பெரிதாய் நினைத்து வருத்தப்படாமல், அதை அந்த குறைகளை உடைத்து எழுபவர் உலகையே திரும்பிப் பார்க்க வைக்கிறார்.
பாரா ஒலிம்பிக் போட்டிகள் தொடங்கி 4 நாட்கள் முடிவடைந்து விட்டன இந்தியா பதக்க பட்டியலில் இடம்பெறவில்லையே என்று பி[பல கோடி இதயங்கள் துடிதுடித்து கொண்டிருக்கையில் 5 நாள் ஆட்டத்தில் வீல் சேரில் அமர்ந்தபடி இடது கையால் பந்தை விரட்டி தொடக்க லீக்கில் யாரிடம் தோற்றாரோ கடைசியில் இறுதி சுற்றிலும் அவரிடமே மீண்டும் தோற்று தங்க பதக்கத்தை இழந்தாலும் வெள்ளிப் பதக்கம் வென்று பாராஒம்பிக்கிக் போட்டிகள் தொடங்கி நான்கு நாட்கள் முடிந்தும் பதக்க பட்டியலில் இடம்பெறாத தவித்தது வந்த நம் நாட்டிற்கு முதல் பதக்கத்தை பவினா படேல் உச்சிமுகர வைத்தார்.
குஜராத் மாநில மெக்சனா நகரைச் சேர்ந்த ஒரு சாதாரண நடுத்தர குடும்பத்தில் 1986 ஆம் ஆண்டு நவம்பர் மாதம் 6 ஆம் தேதி பிறந்த அதிஷ்ட பெண் பவினா படேல் முதல் பதக்கம் வென்ற ஒரு சில மணித்துளிகளில் உயரம் தாண்டுதலில் இந்திய வீரர் நிஷாத் குமார் வெள்ளி பதக்கம் வென்று அசத்தினார்.
முடியாதென்ற முடிவவை முடமாக்கும் நம் வாழ்க்கையை; முடியுமென்ற தீர்வவை திடமாக்கும் நம் சாதனையை. எதையும் எதிர்கொள்ளும் வலிமை படைத்த, மாற்றுத்திறன் படைத்த மாற்றுத்திறனாளிகள்
நம்மை சில நேரங்களில் வியக்க வைக்கிறார்கள். போட்டியின் 6-வது நாளில் வட்டு எறிதல் எப்52 பிரிவில் களம் கண்ட இந்திய வீரர் வினோத்குமார் வெண்கல பதக்கம் வென்றார். ஆனால் அவருடைய பதக்கத்தை எதோ காரணம் காட்டி திரும்பபெற்று கொண்டனர்.
நீங்கள் என்ன நிறுத்தி வைப்பது இதோ நாங்கள் இருக்கின்றோம் என்று போட்டியின் 7-வது நாள் இரண்டே மணிநேரத்தில் 1 தங்கம், 2 வெள்ளி, 1 வெண்கலம் என இந்திய அணி 4 பதக்கங்களை குவித்து இந்திய வீரர்கள் சாதனை படைத்தனர். மேலும் 1 தங்கம், 4 வெள்ளி, 1 வெண்கலம் வென்று இந்திய அணி பதக்க பட்டியலில் 46-வது இடத்திலிருந்து 34 வது இடத்திற்கு முன்னேறியது.
காலை, மகளிர் துப்பாக்கி சுடுதல் 10 மீட்டர் ஏர் ரைபிள் போட்டியில் களமிறங்கிய இந்திய வீராங்கனை அவனி லெகாரா அதிரடியாக விளையாடி தங்கம் வென்றார். ராஜஸ்தானின் ஜெய்ப்பூர் நகரை சேர்ந்த அவனி லெகாரா இந்தியாவுக்கு முதல் தங்க பதக்கம் பெற்று தந்து வரலாறு படைத்து உள்ளார். 9 வயது வரை மற்ற குழந்தைகளைப்போல இயல்பாக இருந்த அவனி லெகாரா 2012-ம் ஆண்டு நடைபெற்ற ஒரு கார் விபத்து அவரது வாழ்க்கையையே ஒட்டுமொத்தமாகப் புரட்டிப் போட்டிருக்கிறது. அந்த விபத்து காரணமாக அவருடைய முதுகுத் தண்டுவடத்தில் பலத்த அடிபட, அதன் பின்னர் நடக்க இயலாமல் அவனி லெகாரா முடங்கினார்.
அதற்குப் பிறகு சக்கர நாற்காலியே அவரது உலகமாகியிருக்கிறது. தன் மகள் இப்படியே முடங்கிப்போய்க் கிடப்பதை அவனியின் தந்தை வாழ்வை இழந்து சக்கர நாற்காலியில் சோர்ந்து கிடக்கும் பெண்ணல்ல நீ “உனக்கென ஒரு பாதையைத் தேர்ந்தெடுத்து அதில் பயணப்படு” என்று தொடர்ந்து ஊக்கப்படுத்த தன்னைத் தானே செதுக்கிக் கொண்டு பாராலிம்பிக் போட்டியில் பாராலிம்பிக்கில் தங்கம் வென்ற முதல் இந்தியப் பெண் என்ற சாதனை செய்த 19 வயதேயான அவனி லெகாரா.
தொடர்ந்து நடந்த ஆண்களுக்கான எப்56 வட்டு எறிதலில் வீரர் டெல்லியை சேர்ந்த இந்தியவின் 24 வயதான யோகேஷ் கதூனியா வெள்ளிப்பதக்கம் வென்று அசத்தினார். மேலும் ஆண்களுக்கான எப்46 ஈட்டி எறிதல் போட்டியில் இந்தியாவின் தேவேந்திரா 64.35 மீ, சுந்தர் சிங் குர்ஜார் 64.01 மீ தொலைவுக்கு ஈட்டி எறிந்து முறையே வெள்ளி மற்றும் வெண்கல பதக்கங்களை வென்றனர். ஈட்டி எறிதலில் வெள்ளி வென்ற தேவேந்திர ஜஜாரியா தனது 23 வயதில் ஏதென்ஸ் பாரா ஒலிம்பிக் போட்டியில் முதல் முறையாக தங்கப் பதக்கம் வென்றார். அதன் பிறகு 2016 ரியோ ஒலிம்பிக்கில் மீண்டும் தங்கப் பதக்கம் வென்று அசத்தினார்.
இந்திய வீரர்கள் பதக்கங்கள் வெல்ல வெல்ல மற்ற வீரர்களும் ரசிகர்கள் மிகுந்த உற்சாகம் அடைந்தனர். அதன்விளைவு 8 வது நாள் போட்டியில் டோக்கியோ பாரா ஒலிம்பிக் ஈட்டி எறிதல் போட்டியில் இந்திய வீரர் சுமித் அண்டில் தங்கம் வென்று அசத்தியுள்ளார். பாரா ஒலிம்பிக்கில் தங்கம் வென்றதுடன் 68.55 மீட்டர் தூரம் ஈட்டி எறிந்து உலக சாதனையும் சுமித் அண்டில்வர் படைத்தார். டோக்கியோ பாரா ஒலிம்பிக்கில் இந்தியா வெல்லும் 2-வது தங்கம் இதுவாகும்.
டோக்கியோ பாரா ஒலிம்பிக்கில் 8 வது நாளில் இந்திய ஷூட்டிங் குழுவினரின் அற்புதமான ஓட்டத்தை தொடங்கினர். இதில் துப்பாக்கி சுடும் வீரர்களான மணீஷ் நர்வால் மற்றும் சிங்கராஜ் அதானா ஆகியோர் அசாகா ஷூட்டிங் ரேஞ்சில் நடந்த ஆண்கள் 10 மீட்டர் ஏர் பிஸ்டல் SH1 இல் பதக்க சுற்றுக்கு தகுதி பெற்றனர். ஆனால் தகுதி சுற்றில் ஆறாவது இடத்தில் இருந்த இந்திய வீரர் சிங்ராஜ் அதானா 3வது இடம் பிடித்து வெண்கல பதக்கம் வென்றார்.
இந்நிலையில் ஆடவர் உயரம் தாண்டுதலின் இந்திய வீரர்கள் கடந்த ஒலிம்பிக்கில் தங்கம் வென்ற தமிழக வீரர் மாரியப்பன் தங்கவேலு, ஷரத் குமார், வருண் பாட்டி ஆகியோர் கலந்துக்கொண்டனர். இதில், மாரியப்பன் தங்கவேலு வெள்ளிப்பதக்கம் மற்றும் ஷரத் குமார் வெண்கலப்பதக்கம் வென்றார். அரியானா மாநிலம் சோனிபட் பகுதியை சேர்ந்த 23 வயதான சுமித் அண்டில்வர் 2005 ஆம் ஆண்டு நேரிட்ட பைக் விபத்தில் இடது முழங்காலுக்கு கீழ் உள்ள பகுதியை இழந்தவர் சுமித் அண்டில்வர்.
துயரம் வேண்டாம் உடல் உறுப்பை இழத்தல் குறையன்று; உற்சாகத்தை இழப்பதே உண்மையில் குறை என்பதை உணர்ந்து செயற்கை கால் பொருத்தி நம்பிக்கை உள்ள பறவை ஒற்றைச் சிறகிலும் பறந்து செல்லுமாம் என்ற முதுமொழியை முன்னுதாரணமாக கொண்டு சுமித் அண்டில்வர் ஒரே போட்டியில் 3 முறை சாதனைகளை முறியடித்த இந்திய வீரர் சுமித் அண்டில்வர், தங்க பதக்கத்தை வென்றார்.
உத்தரபிரதேச மாநிலம் நொய்டாவைச் சேர்ந்த 18 வயது பிரவீன்குமார் உயரம் தாண்டுதல் போட்டியில் வெள்ளி பதக்கத்தை வென்று இந்திய பதக்க பட்டியலில் மேலும் ஒரு பதக்கத்தை சேர்த்தார். மேலும் துப்பாக்கிச்சுடுதலில் ஏற்கனவே தங்கம் வென்ற அவனி லெகாரா 50 மீ. ரைபிள் பிரிவில் வெண்கலம் பதக்கத்தை கைப்பற்றினார். இந்நிலையில் வில்வித்தை போட்டியில் இந்திய வீரர் ஹர்விந்தர் சிங் வெண்கலம் வென்று அசத்தினார்.
அடுத்த நாள் நடைபெற்ற 50 மீட்டர் துப்பாக்கிச் சுடுதல் போட்டியில் ஒரே பிரிவில் இந்திய வீரர்கள் மணீஷ் நர்வால் தங்கம், சிங்ராஜ் ஏற்கனவே வெண்கலம் வென்ற வெள்ளி பதக்கம் வென்றனர். டோக்கியோ பாராலிம்பிக் போட்டியில் தொடர்ந்து பதக்கங்களை குவித்து வரும் இந்திய அணிக்கு ஆடவர் பேட்மிண்டன் ஒற்றையர் பிரிவில் இந்திய வீரர் பிரமோத் பகத் தங்கப்பதக்கத்தை கைப்பற்ற மற்றொரு இந்திய பேட்மிண்டன் வீரர் மனோஜ் சர்க்கார் வெண்கலப் பதக்கம் வென்றார்.
இந்தியாவின் பதக்க வேட்டை தொடர கடைசி நாள் போட்டியில் பேட்மிண்டன் ஆடவர் ஒற்றையர் பிரிவில் இந்தியாவின் சுகாஷ் யத்திராஜ் வெள்ளிப்பதக்கம் வெல்ல மற்றொரு போட்டியில் இந்திய வீரர் கிருஷ்ணா நாகர் தங்கம் வென்றார். இதன் மூலம் பாராலிம்பிக் போட்டியில் இந்தியா 5 தங்கம், 8 வெள்ளி, 6 வெண்கலம் என 19 பதக்கங்களை வென்றது. இந்தியா ஒலிம்பிக் வரலாற்றில் அதிக பதக்கங்களை குவித்த முதல் ஒலிம்பிக் இதுவே ஆகும்.
ஒரு கை போனால் என்ன மறு கை உண்டு, மறுகையும் போனால் இன்னும் ஒரு கை உண்டு. அது உறுதியான கை, உற்சாகத்தின் கை, அது நாங்கள் நம்பும் கை. மாற்றுத்திறனாளிகளாகிய அவர்கள் நம்பிக்கை என்று நம்பிக்கையுடன் சாதித்துக் காட்டியிருக்கிறார்கள். “இல்லாததை எண்ணி ஏங்காமல் இருப்பதை வைத்து பல சாதனைகளைச் சாதிக்க தொடங்கியுள்ளார்கள்.”
