16 அணிகள் இடையிலான 7-வது 20 ஓவர் உலக கோப்பை கிரிக்கெட் திருவிழா தொடங்கியது. இதில் ஓமனில் 6 லீக் ஆட்டங்கள் மட்டுமே நடத்தப்படும் நிலையில் மற்ற அனைத்து போட்டிகளும் ஐக்கிய அரபு அமீரகத்தில் உள்ள துபாய், அபுதாபி, சார்ஜா ஆகிய நகரங்களில் அரங்கேறுகிறது. தரவரிசையில் முதல் 8 இடங்களை பிடித்த அணிகள் நேரடியாக சூப்பர்-12 சுற்றில் கால்பதிக்கும் நிலையில், கடந்த 17 -ஆம் தேதி முதல் சுற்று போட்டிகள் நடைபெறுகின்றது.
முதல் சுற்றில் பங்கேற்கும் 8 அணிகளில் ‘ ‘பி’ பிரிவில் வங்காளதேசம், ஸ்காட்லாந்து, பப்புவா நியூ கினியா, ஓமன் ஆகிய அணிகள் இடம் பெற்றுள்ளன. இதில் ஸ்காட்லாந்து அணி ‘பி’ பிரிவில் முதலிடம் பிடித்து சூப்பர் 12 சுற்றில் ஏற்கனவே குரூப்-2-ல் இந்தியா, நியூசிலாந்து, பாகிஸ்தான், ஆப்கானிஸ்தான் அணிகளுடன் ஸ்காட்லாந்து இணைத்துக்கொண்டது. அதேபோல இரண்டாவது இடம் பிடித்த வங்காளதேசம் அணி சூப்பர் 12 சுற்றுக்கு முன்னேறி ஏற்கனவே குரூப்-1-ல் ஆஸ்திரேலியா, இங்கிலாந்து, வெஸ்ட் இண்டீஸ், தென்ஆப்பிரிக்கா அணிகளுடன் வங்காளதேசம் தன்னை கொண்டது.
இந்நிலையில் ‘ஏ’ பிரிவில் இலங்கை, நெதர்லாந்து, அயர்லாந்து, நமிபியா ஆகிய அணிகள் இடம் பெற்றுள்ளன. இதில் ஏற்கனவே அயர்லாந்து, நமிபியாவை 7 விக்கெட்கள் வித்தியாசத்திலும், அயர்லாந்து அணியை 70 ரன்கள் வித்தியாசத்திலும் வீழ்த்திய இலங்கை அணி ‘ஏ’ பிரிவில் முதலிடம் பிடித்து இருந்த நிலையில் நெதர்லாந்து அணியை 8 விக்கெட்கள் வித்தியாசத்தில் வீழ்த்த முதலிடம் பிடித்து ஏற்கனவே குரூப்-1-ல் ஆஸ்திரேலியா, இங்கிலாந்து, வெஸ்ட் இண்டீஸ், தென்ஆப்பிரிக்கா, வங்காளதேசம் அணிகளுடன் இலங்கை அணி தன்னை கொண்டது.
இரண்டாவது இடத்திற்காக அயர்லாந்து மற்றும் நமிபியா அணிகளுக்கு இடையே கடுமையான போட்டி நிலவி வரும் நிலையில் அயர்லாந்து மற்றும் நமிபியா அணிகள் வாழ்வா சாவா என்ற நிலையில் இரு அணிகளும் நேருக்கு நேர் பலப்பரிட்சையில் இறங்கியது. இன்று நடைபெற்ற போட்டியில் நமிபியா அணி 8 விக்கெட்கள் வித்தியாசத்தில் அயர்லாந்து அணியை வீழ்த்தி ‘ஏ’ பிரிவில் இரண்டாவது இடம் பிடித்து சூப்பர் 12 சுற்றில் ஏற்கனவே குரூப்-2-ல் இந்தியா, நியூசிலாந்து, பாகிஸ்தான், ஆப்கானிஸ்தான், ஸ்காட்லாந்து அணிகளுடன் நமிபியா இணைத்துக்கொண்டது.
