தோனி, கே. எல். ராகுல் வரிசையில் லக்னோ சூப்பர் ஜெயன்ட்ஸில் சிக்கிய ரிஷப் பண்ட்…!

IPL 18-வது தொடர், 2025 -ஆம் ஆண்டு மார்ச் 14-ஆம் தேதி தொடங்கி மே 25-ஆம் தேதி வரை நடைபெற உள்ளது. இந்த 2025 IPL தொடரில் லக்னோ சூப்பர் ஜெயன்ட்ஸ் அணியின் கேப்டனாக ரிஷப் பண்ட் நியமிக்கப்பட இருக்கிறார்.

இந்நிலையில் ரசிகர்கள் பலரும் லக்னோ சூப்பர் ஜெயன்ட்ஸ் உரிமையாளர் சஞ்சீவ் கோயங்காவுக்கும், ரிஷப் பண்ட்டுக்கும் மோதல் வர வாய்ப்பு உள்ளதாக பதிவுகளை வெளியிட்டு வருகின்றனர். லக்னோ சூப்பர் ஜெயன்ட்ஸ் அணியின் உரிமையாளர் சஞ்சீவ் கோயங்கா சில ஆண்டுகளுக்கு முன்பு ரைசிங் புனே சூப்பர் ஜெயன்ட்ஸ் என்ற அணியை நடத்தி வந்தபோது அந்த அணியின் கேப்டனாக 2016 -இல் மகேந்திரசிங் தோனியின் நியமிக்கப்பட்டு இருந்தார்.

அப்போது அந்த அணி தோல்விகளை சந்தித்ததால் சஞ்சீவ் கோயங்காவுக்கு மகேந்திரசிங் தோனி மீது அதிருப்தி ஏற்பட்டது. மகேந்திரசிங் தோனி மீது இருந்த அதிருப்தியை சஞ்சீவ் கோயங்கா பொதுவெளியில் வெளிப்படுத்தியது மட்டுமின்றி மகேந்திரசிங் தோனியை கேப்டன் பதவியில் இருந்து நீக்கினார். அதே போல 2024 தொடரின் போது லக்னோ சூப்பர் ஜெயன்ட்ஸ் அணியில் கேப்டன் கே. எல். ராகுல் இருந்தார்.

ஆனால், 2024 IPL தொடரில் லக்னோ சூப்பர் ஜெயன்ட்ஸ் அணி ப்ளே -ஆஃப் சுற்றிற்கு தகுதி பெறாமல் புள்ளி பட்டியலில் 7-வது இடம் பிடித்ததால் கே எல் ராகுல்லுக்கும், சஞ்சீவ் கோயங்காவுக்கும் கசப்பான சம்பவம் நடந்தது. ஒரு போட்டியில் லக்னோ சூப்பர் ஜெயன்ட்ஸ் தோல்வி அடைந்தபோது கே எல் ராகுலை மைதானத்தில் வைத்து சஞ்சீவ் கோயங்கா திட்டி இருந்தார் . இத்தனை தொடர்ந்து கே எல் ராகுல் லக்னோ சூப்பர் ஜெயன்ட்ஸ் அணியில் இருந்து நீக்கப்பட்டார்.

தற்போது IPL 2025 மெகா ஏலத்தில் 27 கோடி ரூபாய்க்கு ரிஷப் பண்ட்டை சஞ்சீவ் கோயங்கா வாங்கினார் பண்ட்டை லக்னோ அணி வாங்கி இருக்கிறது. அவரை கேப்டனாகவும் நியமிக்க முடிவு செய்தார். ஏற்கனவே, டெல்லி கேப்பிடல்ஸ் அணியின் உரிமையாளர்களுடன் ஏற்பட்ட கருத்து வேறுபாட்டால்தான் ரிஷப் பண்ட் அந்த அணியில் இருந்து விலகி ஏலத்தில் பங்கேற்றார்.

இந்நிலையில், சஞ்சீவ் கோயங்கா போன்ற ஒரு அணி உரிமையாளருடன் ரிஷப் பண்ட் இணக்கமாக செயல்பட முடியுமா? என ரசிகர்கள் தங்கள் சந்தேகத்தை வெளிப்படுத்தி வருகின்றனர். மேலும், லக்னோ சூப்பர் ஜெயன்ட்ஸ் அணி ஏலத்தில் ஸ்ரேயாஸ் ஐயரை வாங்கி அவரை கேப்டனாக நியமிக்க விரும்பியதாகவும், ஆனால் ஸ்ரேயாஸ் ஐயரை பஞ்சாப் கிங்ஸ் அணி 26.75 கோடி கொடுத்து வாங்கியதால், லக்னோ சூப்பர் ஜெயன்ட்ஸ் அணி தயக்கத்தில் அவரை வாங்காமல் கைவிட்டு விட்டதாகவும் தகவல் வெளியாகி உள்ளது. இந்நிலையில், லக்னோ சூப்பர் ஜெயன்ட்ஸ் அணி 2025 IPL போட்டியில் சஞ்சு சாம்சனுக்கு பதில் ரிஷப் பண்ட் தேர்வு செய்யப்பட்டு உள்ளார்.

இந்திய இளம் அதிரடி வீரர் ரிஷாப் பண்டின் தலைமையில் டெல்லி கேப்பிட்டல்ஸ் அணியின் வெற்றிப்பயணம் தொடருமா…?

இந்தியாவில் கொரோனா பாதிப்பு உச்சத்தில் இருந்தபோது ரசிகர்கள் அனுமதிக்கப்படாத நிலையில் 14-வது ஐ.பி.எல். போட்டிகள் மும்பை, டில்லி, சென்னை உள்ளிட்ட பல்வேறு நகரங்களில் கடந்த ஏப்ரல் மாதம் 9-ந்தேதி தொடங்கியது. வீரர்கள், கொரோனா தடுப்பு மருத்துவ பாதுகாப்பு வளையத்திற்குள் தங்களை இணைத்து போட்டியில் பங்கேற்றனர். முதல் 29 ஆட்டங்கள் எந்தவித சலசலப்பும் இன்றி நடந்து முடிந்தது.

அதன் பிறகு திடீரென 4 அணிக்குள் கொரோனா ஊடுருவி சில வீரர்கள் கொரோனா தொற்றுக்குள்ளானதால் வேறு வழியின்றி மே 3-ந்தேதியுடன் ஐ.பி.எல். போட்டி நிறுத்தப்பட்டு காலவரையின்றி ஒத்திவைக்கப்பட்டது. மீதமுள்ள ஆட்டங்களை நடத்த முடிக்க இந்திய கிரிக்கெட் வாரியம் அதை ஐக்கிய அரபு அமீரகத்துக்கு மாற்றியது. லீக் சுற்று நேற்று முன்தினம் நிறைவடைந்தது.

புள்ளி பட்டியலில் டாப்-4 இடங்களை பிடித்த டெல்லி கேப்பிட்டல்ஸ், சென்னை சூப்பர் கிங்ஸ், பெங்களூரு ராயல் சேலஞ்சர்ஸ், கொல்கத்தா நைட் ரைடர்ஸ் ஆகிய அணிகள் ‘பிளே-ஆப்’ சுற்றுக்கு தகுதி பெற்றது. இந்நிலையில் இறுதிப்போட்டிக்கான முதலாவது தகுதி சுற்று துபாயில் இன்றிரவு புள்ளி பட்டியலில் முதல் 2 இடங்களை பிடித்த டெல்லி கேப்பிட்டல்ஸ் அணிக்கும் , சென்னை சூப்பர் கிங்ஸ் அணிக்கும் பலப்பரீட்சை நடத்துகின்றன.

மகேந்திர சிங் தோனி தலைமையிலான சென்னை சூப்பர் கிங்ஸ் அணி லீக் சுற்றில் 14 ஆட்டங்களில் விளையாடி 9-ல் வெற்றியும், 5-ல் தோல்வியும் சந்தித்தது. இதில் சென்னை சூப்பர் கிங்ஸ் அணியின் மிடில் ஆர்டரில் சுரேஷ் ரெய்னாவுக்கு காயம் ஏற்பட்டதால் கடைசி 3 ஆட்டங்களில் தொடர்ச்சியாக தோல்விக்கு முக்கிய காரணமாக பார்க்கப்படுகிறது. சென்னை சூப்பர் கிங்ஸ் அணியின் தொடக்க ஆட்டக்காரர்கள் ருதுராஜ் கெய்க்வாட் (533 ரன்கள் ) மற்றும் பாப் டு பிளிஸ்சிஸ் (546 ரன்கள் ) எடுத்து திருப்திகரமான தொடக்கம் தருகின்றனர்.

ஆனால் மிடில் வரிசையில் சுரேஷ் ரெய்னா, மொயீன் அலி, மகேந்திர சிங் தோனியின் பேட்டிங் பெரும்பாலும் சொதப்பிய விடுகிறது. இதே போல் சென்னை சூப்பர் கிங்ஸ் அணியின் பந்து வீச்சிலும் அவ்வப்போது தான் நன்றாக செயல்படுகிறார்கள். ஏற்கனவே டெல்லியிடம் லீக்கில் தோற்று இருப்பதால் அதற்கு பதிலடி கொடுக்க இதைவிட கச்சிதமான சந்தர்ப்பம் அமையாது. இதில் வெற்றி பெற்றால் சென்னை அணி 9-வது முறையாக இறுதிப்போட்டிக்குள் கால்பதிக்குமா ..?

டெல்லி கேப்பிட்டல்ஸ் அணி நடப்பு தொடரில் எல்லா விதமான மைதானங்களிலும் தொடர்ந்து நிலையான ஆட்டத்தை (10 வெற்றி, 4 தோல்வியுடன் 20 புள்ளி) வெளிப்படுத்தியுள்ளது. டெல்லி கேப்பிட்டல்ஸ் அணியில் ஷிகர் தவான் (544 ரன்), பிரித்வி ஷா (401 ரன்), ரிஷாப் பண்ட் (362 ரன்), ஸ்ரேயாஸ் அய்யர் (6 ஆட்டத்தில் 144 ரன்) பேட்டிங்கில் சூப்பர் பார்மில் உள்ளனர். அதேபோல பந்து வீச்சில் அவேஷ்கான் (22 விக்கெட்), அக்‌ஷர் பட்டேல் (15 விக்கெட்), அன்ரிச் நோர்டியா, ககிசோ ரபாடா, ரவிச்சந்திரன் அஷ்வின் ஆகியோர் வலு சேர்க்கிறார்கள்.

டெல்லி கேப்பிட்டல்ஸ் அணியிடம் கடந்த ஆண்டும் இரண்டு லீக்கிலும் உதை வாங்கிய சென்னை சூப்பர் கிங்ஸ் அணி இந்த சீசனில் இரண்டு லீக்கிலும் உதை வாங்கியுள்ளது. கடந்த ஆண்டு முதல்முறையாக இறுதி ஆட்டத்திற்கு வந்து தோல்வி அடைந்த டெல்லி கேப்பிட்டல்ஸ் அணி, இந்த சீசனில் முதல்முறையாக கோப்பையை உச்சிமுகர்ந்து விட வேண்டும் என்பதில் கங்கணம் கட்டி நிற்கிறது. அவர்களது பயிற்சியாளர் ரிக்கிபாண்டிங்கின் திட்டமிட்ட வழிநடத்துதலும் இந்திய இளம் அதிரடி வீரர் ரிஷாப் பண்டின் தலைமையில் டெல்லி கேப்பிட்டல்ஸ் அணியின் வெற்றிப்பயணம் தொடருமா…?