விளையாட்டு – Page 4

IND VS SA 3rd TEST: இந்திய அணியை சரிவிலிருந்து மீட்க போராடும் டெல்லி வீரர்களான விராட் கோலி மற்றும் ரிஷப் பண்ட்

இந்திய கிரிக்கெட் அணி தென் ஆப்பிரிக்காவில் சுற்றுப்பயணம் மேற்கொண்டுள்ள 3 போட்டிகள் கொண்ட டெஸ்ட் தொடரில் விளையாடுகிறது. இதில் செஞ்சூரியனில் நடந்த முதல் டெஸ்டில் இந்திய அணி 113 ரன்கள் வித்தியாசத்திலும், ஜோகன்னஸ்பர்க்கில் நடந்த 2-வது டெஸ்டில் தென் ஆப்பிரிக்க அணி 7 விக்கெட் வித்தியாசத்திலும் வெற்றி கண்டது.

இதனால் இரு அணிகளும் தலா ஒரு வெற்றி பெற்று இந்த தொடர் 1-1 என்ற கணக்கில் சமநிலையில் உள்ளது. இந்த நிலையில் 3-வது மற்றும் கடைசி டெஸ்ட் கிரிக்கெட் போட்டி கேப்டவுனில் உள்ள நியூலேண்ட்ஸ் ஸ்டேடியத்தில் நேற்று தொடங்கியது. இதில் டாஸ் வென்ற இந்திய அணி முதலில் பேட்டிங்கை தேர்வு செய்தது.

இந்திய அணி முதல் இன்னிங்சில் 77.3 ஓவர்களில் 223 ரன்களுக்கு ஆல்-அவுட் ஆனது. தென்ஆப்பிரிக்கா தரப்பில் காஜிசோ ரபடா 4 விக்கெட்டும், மார்கோ ஜான்சென் 3 விக்கெட்டும் வீழ்த்தினர். இந்திய அணியில் கேப்டன் விராட் கோலி அதிகபட்சமாக 79 ரன்கள் குவித்து ஆட்டமிழந்தார்.

பின்னர் தனது முதல் இன்னிங்சை தொடங்கிய தென்ஆப்பிரிக்க அணி ஆட்ட நேர முடிவில் கேப்டன் டீன் எல்கரின் (3 ரன்) விக்கெட்டை பறிகொடுத்து 17 ரன்கள் எடுத்துள்ளது. மார்க்ராம் (8 ரன்), கேஷவ் மகராஜ் (6 ரன்) களத்தில் இருந்தனர். இன்று 2- ஆம் நாள் ஆட்டத்தில் பீட்டர்சென் (72 ரன்கள்) தவிர ஏனைய வீரர்கள் சொற்ப ரன்களில் வெளியேற 76.3 ஓவர்கள் தென் ஆப்பிரிக்க அணி 210 ரன்களுக்கு ஆல் அவுட் ஆனது.

இந்திய அணி தரப்பில் அதிகபட்சமாக பும்ரா 5 விக்கெட்டுகள், முகம்மது ஷமி 3 விக்கெட்டுகள் மற்றும் ஷர்துல் தாக்கூர் 3 விக்கெட்டுகளளை கைப்பற்றினர். இதையடுத்து 13 ரன்கள் முன்னிலையுடன் இந்திய அணி தனது 2-வது இன்னிங்சில் களமிறங்கியது. தொடக்க ஆட்டக்காரர்களாக களமிறங்கிய மயங்க் அகர்வால் 7 ரன்களிலும், லோகேஷ் ராகுல் 10 ரன்களிலும் ஆட்டமிழந்து அதிர்ச்சி அளித்தனர்.

பின்னர் இரண்டாம் நாள் ஆட்டநேர முடிவில் இந்திய அணி 17 ஒவர்களில் 2 விக்கெட்டுகளை இழந்து 57 ரன்கள் எடுத்த நிலையில் இன்று மூன்றாம் நாள் ஆட்டம் தொடக்கத்திலேயே இன்று இந்திய ரன் ஏதும் எடுக்காத நிலையில் புஜாரா ஆட்டமிழக்க அவரை தொடர்ந்து வந்த வேகத்தில் ரஹானே 1 ரன் எடுத்து வெளியேறினார். இந்திய அணி 19 ஒவர்களில் 4 விக்கெட்டுகளை இழந்து வெறும் 58 ரன்கள் எடுத்த நிலையில் டெல்லி வீரர்களான விராட் கோலி (கேப்டன்) மற்றும் ரிஷப் பண்ட் அணியை மீட்க போராடி வருகின்றனர்.

IND VS SA 3rd TEST: லோகேஷ் ராகுல், மயங்க் அகர்வால் ஆகியவர்களின் பொறுப்பற்ற ஆட்டத்தால் 24 ரன்களுக்கு 2 விக்கெட்டுகளை இழந்து இந்திய அணி தடுமாற்றம்

இந்திய அணி தரப்பில் அதிகபட்சமாக பும்ரா 5 விக்கெட்டுகள், முகம்மது ஷமி 3 விக்கெட்டுகள் மற்றும் ஷர்துல் தாக்கூர் 3 விக்கெட்டுகளளை கைப்பற்றினர். 13 ரன்கள் முன்னிலையுடன் இந்திய அணி தனது 2-வது இன்னிங்சில் பேட்டிங் செய்ய லோகேஷ் ராகுல் 10 ரன்களுக்கும் மயங்க் அகர்வால் 7 ரன்களுக்கும் ஆட்டமிழந்து வெளியேற இந்திய அணி 24/2 என்ற நிலையில் புஜாரா, விராட் கோலி விளையாடி வருகின்றனர்.

IND VS SA 3rd TEST: தென்னாப்பிரிக்காவை 210 ரன்களுக்கு சுருட்டிய இந்திய பந்து வீச்சாளர்கள்..!! தென்னாப்பிரிக்காவை சுளுக்கெடுத்த ஜஸ்பிரித் பும்ரா..!!!

இன்று 2- ஆம் நாள் ஆட்டத்தில் பீட்டர்சென் (72 ரன்கள்) தவிர ஏனைய வீரர்கள் சொற்ப ரன்களில் வெளியேற 76.3 ஓவர்கள் தென் ஆப்பிரிக்க அணி 210 ரன்களுக்கு ஆல் அவுட் ஆனது. இந்திய அணி தரப்பில் அதிகபட்சமாக பும்ரா 5 விக்கெட்டுகள்,முகம்மது ஷமி 3 விக்கெட்டுகள் மற்றும் ஷர்துல் தாக்கூர் 3 விக்கெட்டுகளளை கைப்பற்றினர் என்பது குறிப்பிடதக்கது.

நியூலேண்ட்ஸ் மைதானத்தில் கண்டிப்பாக பல மடங்கு பதிலடி: தென்னாப்பிரிக்க வீரர்களின் சீண்டல்களை கவனித்த விராட் கோலி

விளையாட்டில் வெற்றி தோல்வி என்பது வீரனுக்கு ரொம்ப சகஜம் என்பதை T20 உலக கோப்பை போட்டியில் பாகிஸ்தானுக்கு எதிரான போட்டியில் இந்திய கிரிக்கெட் அணி தலைவர் விராட் கோலி செயல்பாடு உலகையே மெய் சிலிர்க்க வைத்தது.

சச்சின் தெண்டுல்கர் கிரிக்கெட் வாழ்வில் உலக கோப்பை எட்டாத கனவாக இருந்து சச்சின் தெண்டுல்கர் கிரிக்கெட் இருந்து ஓய்வு பெறும்போது அவருக்காக இந்திய அணி கோப்பையை வாங்கியதில் இந்திய அணி தலைவர் விராட் கோலி பங்கும், வெற்றி கோப்பையுடன் சச்சின் தெண்டுல்கர் தன் தோளில் சுமந்து சென்றபோதே நான் சுமந்து செல்வது உங்களை மடடுமல்ல நீங்கள் விட்டு செல்லும் இந்திய அணியையும் நான் சுமந்து செய்வேன் என்று அன்றே ஒவ்வொரு இந்திய கிரிக்கெட் ரசிகர்களுக்கும் சூசகமாக சொன்னவர் இந்திய அணி தலைவர் விராட் கோலி.

உலக கிரிக்கெட் அரங்கில், ஆஸ்திரேலிய வீரர்கள், எதிரணியினரை சீண்டுவதில் கில்லாடிகள் அவர்களுக்கே அவர்களின் பாணியில் நாங்கள் யாருக்கும் இழைத்தவர்கள் இல்லை என்ற பாணி சீண்டியும், மட்டையால் பதிலடி கொடுத்தும் வெற்றிகள் பல பெற்றவர் இந்திய அணி தலைவர் விராட் கோலி. அவரின் போதைக்குறை இந்திய உலக கோப்பை வெல்ல முடியவில்லை.

இதன் காரணமாகவும் இந்திய அணியின் எதிர்காலத்தை கருத்தில் கொண்டும் இந்திய அணியில் பல மாற்றங்கள். இந்நிலையில் இந்திய வீரர்கள் தென் ஆப்பிரிக்காவில் சுற்றுப்பயணம் மேற்கொண்டுள்ள 3 போட்டிகள் கொண்ட டெஸ்ட் தொடரில் விளையாடி வருகின்றது . செஞ்சூரியனில் மைதானத்தில் நடைபெற்ற முதலாவது டெஸ்ட் போட்டி இந்திய அணி வரலாற்றில் முதல் முறையாக செஞ்சூரியனில் மைதானத்தில் வெற்றி பெற்று விராட் கோலி அணி இமாலய சாதனை படைத்தது.

இந்நிலையில், ஜோகன்னஸ்பர்க் மைதானத்தில் நடைபெற்ற இரண்டாவது டெஸ்ட் போட்டியில் விராட் கோலி கடைசி நேரத்தில் தோள்பட்டை வலி காரணமாக விளையாடாத நிலையில் தென்னாப்பிரிக்க அணி வீரர்கள் பல அக்கப் போர்களை இந்திய வீரர்களுக்கு செய்தனர். இந்திய வீரர்களின் கவனத்தை குலைக்கும் வகையில் தென்னாப்பிரிக்க வீரர்கள் ரிஷப் பண்ட்க்கு ஷாட் பாலாக வீசியும் கேலியும் செய்ய, ரிஷப் பண்டை டக் அவுட்டாகி வெளியேறினார்.

மேலும் பும்ரா பேட்டிங் செய்த போது, அவருக்கு காயம் ஏற்படுத்தும் விதமாக பந்துவீசி சண்டைக்கு அழைத்து வம்பிழுத்தனர். இதனால் மார்கோ ஜென்சனுக்கும், பும்ராவுக்கும் மோதல் ஏற்படும் சூழல் உருவானது. ரிஷப் பண்ட் மற்றும் தற்காலிக கேப்டன் கே.எல்.ராகுலையும் இதே போன்று தென்னாப்பிரிக்க வீரர்கள் வம்பிழுத்தனர்.

காட்டில் தன்னுடைய குட்டிகள் விளையாடுவதை சிங்கம் தூரத்தில் இருந்து ரசித்து வேடிக்கை பார்த்து கொண்டிருப்பதை போல இந்திய வீரர்களின் விளையாடையும், தென்னாப்பிரிக்க வீரர்களின் சீண்டல்களையும் இந்திய அணியின் சிங்கம் விராட் கோலி பார்த்து கொண்டு தான் இருந்தார். இதற்கான பதிலடியை நியூலேண்ட்ஸ் மைதானத்தில் கண்டிப்பாக பல மடங்கு விராட் கோலி தருவார் என்பதில் எந்த வித ஐயமும் இல்லை.

செஞ்சூரியனில் டெஸ்ட் வரலாற்றில் விராட் கோலி அணி இமாலய சாதனை

இந்திய கிரிக்கெட் அணி தென்ஆப்பிரிக்காவில் சுற்றுப்பயணம் மேற்கொண்டுள்ள 3 போட்டிகள் கொண்ட டெஸ்ட் தொடரில் விளையாடுகிறது. இதில் முதலாவது டெஸ்ட் போட்டி செஞ்சூரியனில் நடைபெற்று வரும் நிலையில், டாஸ் வென்ற இந்திய அணி முதலில் பேட்டிங்கை தேர்வு செய்தது. இதனையடுத்து, முதல் நாள் ஆட்ட முடிவில் இந்தியா 3 விக்கெட் இழப்புக்கு 272 ரன் எடுத்திருந்தது.

இந்நிலையில் 2-வது நாள் ஆட்டம் மழையால் கைவிடப்பட்டது. மூன்று நாட்கள் மட்டுமே மீதமிருந்ததால் “ஒன் டே” போல விளையாட மூன்றாம் நாள் ஆட்டத்தில் வெறும் 52 ரன்கள் மட்டுமே எடுத்து 7 விக்கெட்களை இழக்க இந்திய அணி இன்னிங்சில 327 ரன்கள் எடுத்தது. அதனை தொடர்ந்து முதல் இன்னிங்சை துவங்கிய தென் ஆப்பிரிக்க அணி 197 ரன்களுக்கு ஆல் அவுட் ஆனது. இதன் மூலம் 130 ரன்கள் முன்னிலையுடன் இந்திய அணி தனது இரண்டாவது இன்னிங்சை தொடங்கியது.

மூன்றாம் நாள் ஆட்டம் முடிவில் இந்திய 16 ரங்களுக்கு ஒரு விக்கெட்டை இழந்தது. இந்நிலையில் நேற்றைய நான்காம் நாள் ஆட்டத்தில் இந்திய மறுபடியும் “ஒன் டே” போல விளையாட 174 ரன்களுக்கு ஆல் அவுட் ஆனது. இதன்மூலம் இந்திய அணி தென் ஆப்பிரிகாவை விட 304 ரன்கள் முன்னிலையில் உள்ளது. இதையடுத்து, 305 ரன்கள் எடுத்தால் வெற்றி என்ற இலக்குடன் தென் ஆப்பிரிக்கா தனது இரண்டாவது இன்னிங்சை தொடங்கி விளையாடி வந்தது.

இந்நிலையில், நேற்றைய 4-ம் நாள் ஆட்ட நேர முடிவில் தென் ஆப்பிரிக்க அணி 94 ரன்களுக்கு 4 விக்கெட் இழந்த நிலையில் இன்று 5-வது மற்றும் கடைசி நாள் ஆட்டம் பகல் 1.30 மணிக்கு தொடங்கியது. வெற்றிபெற மேலும் 211 ரன்கள் தேவை என்ற நிலையில் தென் ஆப்பிரிக்க அணி இன்று களமிறங்கியது. இந்திய அணியின் வேக பந்து வீச்சாளர்கள் முகமது சமி, ஜஸ்பிரீத் பும்ரா, முகம்மது சிராஜ் ஆகியோர் தென்னாபிரிக்கா அணியை நிலைகுலைய செய்தது.

தென்னாபிரிக்கா அணி 191 ரன்களுக்கு அனைத்து விக்கெட்டுகளையும் இழந்தது இதனால் இந்திய அணி 113 ரன்கள் வித்தியாசத்தில் வெற்றி பெற்றது .அதோடு 3 போட்டிகள் கொண்ட டெஸ்ட் தொடரில் இந்திய அணி 1-0 என்ற கணக்கில் முன்னிலை வகிக்கிறது. மேலும் செஞ்சூரியனில் மைதானத்தில் இந்திய அணி டெஸ்ட் வரலாற்றில் முதல் முறையாக வெற்றி பெற்று விராட் கோலி அணி இமாலய சாதனை படைத்துள்ளது.

T 20 உலகக்கோப்பை நமிபியாவிற்கு எதிரான ஆட்டத்துடன் ரவிசாஸ்திரி பயிற்சி முடிவுக்கு வந்தது

இந்திய கிரிக்கெட் அணியின் தலைமை பயிற்சியாளராக முன்னாள் ஆல்-ரவுண்டர் ரவிசாஸ்திரி 2017-ம் ஆண்டு ஜூலை மாதம் பொறுப்பேற்றார். 59 வயதான ரவி சாஸ்திரியின் பயிற்சியில் இந்திய அணி டெஸ்ட் போட்டிகளில் இந்தியா மகத்தான எழுச்சி பெற்று ஆஸ்திரேலிய மண்ணில் இரண்டு முறை டெஸ்ட் தொடரை கைப்பற்றி எந்த ஆசிய அணியும் செய்யாத வரலாற்று சாதனையை நிகழ்த்தியது. மேலும் தொடர்ந்து 42 மாதங்கள் டெஸ்ட் தரவரிசையில் இந்தியா ‘நம்பர் ஒன்’ சிம்மாசனத்தில் இருந்தது.

இதுமட்டுமின்றி ரவிசாஸ்திரி பயிற்சியில் இந்திய அணி 43 டெஸ்டு போட்டிகள் விளையாடி 25-ல் வெற்றியும், 76 ஒரு நாள் போட்டிகள் விளையாடி 51-ல் வெற்றியும் பெற்றது. ஆனால் 2019-ம் ஆண்டு 50 ஓவர் உலக கோப்பை போட்டியில் அரைஇறுதியோடு வெளியேறியது. 2021-ம் ஆண்டு உலக டெஸ்ட் சாம்பியன்ஷிப் இறுதிப்போட்டியில் நியூசிலாந்திடம் இந்தியா தோற்றது.

இன்று T 20 ஓவர் உலக கோப்பை போட்டியில் அரைஇறுதியை கூட எட்டவில்லை. நமிபியாவுக்கு எதிரான ஆட்டமே ரவிசாஸ்திரி பயிற்சியின் கீழ் இந்தியா விளையாடிய கடைசி போட்டியாகும்.

ICC T 20 World Cup: பாகிஸ்தான் அணி வெற்றி பெற 152 ரன்கள் நிர்ணயித்தது இந்திய அணி

உலக கோப்பை திருவிழா ஐக்கிய அரபு அமீரகத்தில் உள்ள துபாய், அபுதாபி, சார்ஜா ஆகிய நகரங்களில் 7-வது 20 ஓவர் உலக கோப்பை கிரிக்கெட் போட்டி நடந்து வருகிறது. இந்நிலையில் நேற்று குரூப்-1 பிரிவில் நடைபெற்ற போட்டியில் ஆஸ்திரேலியா அணி தென் ஆப்பிரிக்கா அணியையும் இங்கிலாந்து அணி, வெஸ்ட் இண்டீஸ் அணியையும் வீழ்த்தி இங்கிலாந்து அணி புள்ளி பட்டியலில் முதலிடத்திலும், ஆஸ்திரேலியா அணி இரண்டாவது இடத்திலும் உள்ளது.

இந்நிலையில் குரூப்-2 பிரிவில் இன்று மதியம் 3.30 மணிக்கு ஷார்ஜாவில் நடைபெறும் போட்டியில் இலங்கை-வங்கதேச அணிகள் மோதும் ஆட்டத்தில் வங்காளதேச அணியை 5 விக்கெட்டுகள் வித்தியாசத்தில் இலங்கை அணி வீழ்த்தியது. இந்நிலையில் குரூப்-2 பிரிவில் இன்று நடைபெறும் ஆட்டத்தில் விராட் கோலி தலைமையிலான இந்திய அணி தனது தொடக்க ஆட்டத்தில், பாபர் அசாம் தலைமையிலான பரம எதிரியான பாகிஸ்தானை துபாயில் எதிர்கொள்கிறது. இதில் டாஸ் வென்ற பாகிஸ்தான் அணி தலைவர் பாபர் அசாம் பந்துவீச்சை தேர்வு செய்தார்.

இதனை தொடர்ந்து இந்திய அணியின் தொடக்க வீரர்களாக ரோகித் சர்மா மற்றும் லோகேஷ் ராகுல் களமிறங்கினர். ஆனால் ஷாகின் ஷா அப்ரிடி வீசிய முதல் ஓவரின் 4-வது பந்தில் ரோகித் சர்மா ரன் ஏதுமின்றி ஆட்டமிழந்து வெளியேற மீண்டும் ஷாகின் ஷா அப்ரிடி வீசிய இரண்டாவது முதல் பந்தில் லோகேஷ் ராகுல் 3 ரன்களில் ஆட்டமிழந்து வெளியேற இந்திய அணி 2.1 ஓவரில் 6 ரன்களுக்கு 2 விக்கெட்டுகளை இழந்து தடுமாற விராட் கோலி மற்றும் சூர்யகுமார் யாதவ் ஜோடி சேர்ந்தனர். ஆனால் ஹசன் அலியின் 5.4 ஓவரில் சூர்யகுமார் யாதவ் 11 ரன்கள் எடுத்த நிலையில் ஆட்டமிழந்து வெளியேறினர்.

அடுத்து களமிறங்கிய ரிஷப் பன்ட், விராட் கோலியுடன் ஜோடி சேர்த்தார். இருவரும் நிதானமான ஆட்டத்தை வெளிப்படுத்தி இந்தியாவை சரிவிலிருந்து மீட்டனர். ஷதாப் கானின் 12.2 ஓவரில் ரிஷப் பன்ட் 39 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ரவீந்திர ஜடேஜா, விராட் கோலியுடன் ஜோடி சேர்த்தார். இறுதியில் இந்திய அணி 20 ஓவர் முடிவில் 7 விக்கெட்டுகளை இழந்த இந்திய அணி 151 ரன்கள் எடுத்தது.

ICC T 20 World Cup : வங்காளதேச அணியை 5 விக்கெட்டுகள் வித்தியாசத்தில் வீழ்த்திய இலங்கை அணி

உலக கோப்பை திருவிழா ஐக்கிய அரபு அமீரகத்தில் உள்ள துபாய், அபுதாபி, சார்ஜா ஆகிய நகரங்களில் 7-வது 20 ஓவர் உலக கோப்பை கிரிக்கெட் போட்டி நடந்து வருகிறது. இதில் சூப்பர்-12 சுற்றில் பங்கேற்றுள்ள 12 அணிகளில் குரூப்-1ல் ஆஸ்திரேலியா, இங்கிலாந்து, வெஸ்ட் இண்டீஸ், தென்ஆப்பிரிக்கா, இலங்கை, வங்காளதேசம் மற்றும் குரூப்-2ல் இந்தியா, பாகிஸ்தான், ஆப்கானிஸ்தான், நியூசிலாந்து, ஸ்காட்லாந்து, நமிபியா ஆகிய அணிகள் இடம் பெற்றுள்ளன.

இந்நிலையில் நேற்று குரூப்-1 பிரிவில் நடைபெற்ற போட்டியில் ஆஸ்திரேலியா அணி தென்ஆப்பிரிக்கா அணியையும் இங்கிலாந்து அணி, வெஸ்ட் இண்டீஸ் அணியையும் வீழ்த்தி இங்கிலாந்து அணி புள்ளி பட்டியலில் முதலிடத்திலும், ஆஸ்திரேலியா அணி இரண்டாவது இடத்திலும் உள்ளது. இந்நிலையில் குரூப்-2 பிரிவில் இன்று மதியம் 3.30 மணிக்கு ஷார்ஜாவில் நடைபெறும் போட்டியில் இலங்கை-வங்கதேச அணிகள் மோதும் ஆட்டத்தில் டாஸ் வென்ற இலங்கை அணி தலைவர் தசுன் ஷனகா பந்துவீச்சை தேர்வு செய்தார்.

இதனை தொடர்ந்து வங்காளதேசம் அணியின் தொடக்க வீரர்களாக முகமது நைம் மற்றும் லிட்டன் தாஸ் களமிறங்கினர். தொடக்கம் முதலே இலங்கை அணியின் பந்து வீசசை நிதானமாக விளையாடினர். லஹிரு குமாரா 5.5 ஓவரில் லிட்டன் தாஸ் 16 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ஷகிப் அல் ஹசன், முகமது நைமுடன் ஜோடி சேர்த்தார். சாமிக்க கருணாரத்னே 7.4 ஓவரில் ஷகிப் அல் ஹசன் 10 ரன்கள் எடுத்த நிலையில் ஆட்டமிழந்து வெளியேறினர்.

அடுத்து களமிறங்கிய முஷ்ஃபிகுர் ரஹிம், முகமது நைமுடன் ஜோடி சேர்த்தார். ஆனால் இருவரும் நிதானமாக ஆட்டத்தை வெளிப்படுத்த முகமது நைம் 50 ரன்களை கடந்து விளையாடினர். பினுரா பெர்னாண்டோ 16.1 ஓவரில் முகமது நைம் 62 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய வங்காளதேச அணி தலைவர் மஹ்முதுல்லா, முஷ்ஃபிகுர் ரஹிமுடன் ஜோடி சேர்த்தார். இறுதியில் வங்காளதேச அணி 20 ஓவர் முடிவில் 4 விக்கெட்டுகளை இழந்த மும்பை இந்தியன்ஸ் அணி 171 ரன்கள் எடுத்தது.

172 ரன்கள் எடுத்தால் வெற்றி என்ற இலக்குடன் தொடர்ந்து இலங்கை அணியின் தொடக்க வீரர்களாக குசல் பெரேரா மற்றும் பதும் நிசாங்கா களமிறங்கினர். ஆனால் நசும் அகமது முதல் ஓவரின் நான்காவது பந்தில் குசல் பெரேரா 3 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய சரித் அசலங்கா மற்றும் பதும் நிசாங்காவுடன் ஜோடி சேர்ந்து விளையாட ஷகிப் அல் ஹசன் 8.1 ஓவரில் பதும் நிசாங்கா 24 ரன்கள் எடுத்த நிலையில் ஆட்டமிழந்து வெளியேறினர்.

அடுத்து களமிறங்கிய அவிஷ்கா பெர்னாண்டோ(0), வனிந்து ஹசரங்கா (6) என அடுத்தடுத்து ஆட்டமிழக்க இலங்கை அணி 79 ரன்களுக்கு 4 விக்கெட்டுகளை இழந்து தடுமாறிய நிலையில் பானுக ராஜபக்ச, சரித் அசலங்காவுடன் ஜோடி சேர்ந்து வங்காளதேச அணியின் பந்து வீச்சை நாலாபுறமும் சிதறடித்தனர். கடைசியில் இலங்கை அணி 18.5 ஓவரில் 172 ரன்கள் எடுத்து வெற்றி பெற்றது. இதன்மூலம் வங்காளதேச அணியை 5 விக்கெட்டுகள் வித்தியாசத்தில் இலங்கை அணி வீழ்த்தியது.

ICC T 20 World Cup: இலங்கை அணி வெற்றி பெற172 ரன்கள் நிர்ணயித்தது வங்காளதேசம்

சாமிக்க கருணாரத்னே 7.4 ஓவரில் ஷகிப் அல் ஹசன் 10 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய முஷ்ஃபிகுர் ரஹிம், முகமது நைமுடன் ஜோடி சேர்த்தார். ஆனால் இருவரும் நிதானமாக ஆட்டத்தை வெளிப்படுத்த முகமது நைம் 50 ரன்களை கடந்து விளையாடினர். பினுரா பெர்னாண்டோ 16.1 ஓவரில் முகமது நைம் 62 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய வங்காளதேச அணி தலைவர் மஹ்முதுல்லா, முஷ்ஃபிகுர் ரஹிமுடன் ஜோடி சேர்த்தார். இறுதியில் வங்காளதேச அணி 20 ஓவர் முடிவில் 4 விக்கெட்டுகளை இழந்த வங்காளதேச அணி 171 ரன்கள் எடுத்தது.

ICC T 20 World Cup : இந்தியா, பாகிஸ்தானை வீழ்த்தி உலக கோப்பை திருவிழாவை வெற்றியுடன் தொடங்குமா…!?

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் முடிவில் இரு பிரிவிலும் டாப்-2 இடங்களை பிடிக்கும் அணிகள் அரைஇறுதிக்கு முன்னேறும். இந்நிலையில் நேற்று குரூப்-1 பிரிவில் நடைபெற்ற போட்டியில் ஆஸ்திரேலியா அணி தென்ஆப்பிரிக்கா அணியையும் இங்கிலாந்து அணி, வெஸ்ட் இண்டீஸ் அணியையும் வீழ்த்தி இங்கிலாந்து அணி புள்ளி பட்டியலில் முதலிடத்திலும், ஆஸ்திரேலியா அணி இரண்டாவது இடத்திலும் உள்ளது.

இந்நிலையில் குரூப்-2 பிரிவில் இன்று மதியம் 3.30 மணிக்கு ஷார்ஜாவில் நடைபெறும் போட்டியில் இலங்கை-வங்கதேச அணிகள் மோதுகின்றன. மேலும் விராட் கோலி தலைமையிலான இந்திய அணி தனது தொடக்க ஆட்டத்தில், பாபர் அசாம் தலைமையிலான பரம எதிரியான பாகிஸ்தானை துபாயில் எதிர்கொள்கிறது. இந்தியா, பாகிஸ்தான் மோதல் என்றாலே வீரர்கள் மட்டுமின்றி ரசிகர்களும் உணர்ச்சி பிழம்பாகி விடும் நிலையில், உலக கோப்பை என்பதால் அனல் பறக்கும்.

உலகக்கோப்பை வரலாற்றில் ஒருநாள் போட்டி உட்பட இந்திய அணியை, பாகிஸ்தான் அணி இதுவரை வீழ்த்தியதே இல்லை. தற்போது விராட் கோலி தலைமையிலான இந்திய அணியில் தலைவர் விராட் கோலி, ரோகித் சர்மா, லோகேஷ் ராகுல், ரிஷப் பண்ட், சூர்யகுமார் யாதவ் மற்றும் இஷான் கிஷன் போன்ற அதிரடி பேட்டிங் வரிசையில் ஜஸ்பிரித் பும்ரா, முகமது ஷமி, புவனேஷ்வர் குமார், ஷர்துல் தாக்குர், வருண் சக்ரவர்த்தி போன்ற தரமான பந்து வீச்சாளர்களும் அணிவகுத்து நிற்கிறார்கள்.

மகேந்திரசிங் தோனி ஆலோசனையில் விராட் கோலி தலைமையிலான இந்திய அணி ஒருங்கிணைந்து திறமையை வெளிப்படுத்தினால் 2-வது முறையாக ஐ.சி.சி. T 20 கோப்பையை வென்று எத்தனையோ சாதனைகளை படைத்த விராட் கோலியின் ஏக்கத்தை தணிக்கலாம்.

உலக கோப்பை போட்டிகளில் தொடர்ச்சியாக இந்தியாவிடம் உதை வாங்கி வரும் பாகிஸ்தான் இந்த முறை அந்த சோகத்துக்கு முடிவு கட்டும் வேட்கையுடன் வியூகங்களை தீட்டி வருகிறது. அணி தலைவர் பாபர் அசாம், விக்கெட் கீப்பர் முகமது ரிஸ்வான், சோயிப் மாலிக், முகமது ஹபீஸ், பஹார் ஜமான் ஆகியோர் அந்த அணியின் பேட்டிங் வரிசை உள்ளனர். மேலும் ஹாரிஸ் ரவுப், ஷகீன் ஷா அப்ரிடி இருவரும் பந்து வீச்சில் மிரட்டக்கூடியவர்கள். மொத்தத்தில் இரு அணிகளும் சம பலத்துடன் உள்ளதால் வெற்றி வாய்ப்பு யாருக்கு என்பதை கணிப்பது கடினம்.

இந்தியா உத்தேச அணி: ரோகித் சர்மா, இஷான் கிஷன், விராட் கோலி (தலைவர்), சூர்யகுமார் யாதவ், ரிஷப் பன்ட், ரவீந்திர ஜடேஜா, ஹர்திக் பாண்ட்யா, வருண் சக்ரவர்த்தி, ஜஸ்பிரித் பும்ரா, ஷர்துல் தாகூர், முகமது ஷமி.

பாகிஸ்தான் உத்தேச அணி: முகமது ரிஸ்வான், பாபர் அசாம் (தலைவர்), சோயிப் மாலிக், பஹார் ஜமான், முகமது ஹபீஸ், ஆசிப் அலி, ஹசன் அலி, இமாத் வாசிம், ஷதாப் கான், ஹாரிஸ் ரவுப், ஷாகின் ஷா அப்ரிடி.