குஜராத் மாநில மெக்சனா நகரைச் சேர்ந்த ஒரு சாதாரண நடுத்தர குடும்பத்தில் 1986 ஆம் ஆண்டு நவம்பர் மாதம் 6 ஆம் தேதி பவினா ஹஸ்முக்பாய் படேல் பிறந்தார். பவினா படேல் 12 மாதக் குழந்தையாக இருந்தபோது போலியோமைலிடிஸ் நோயால் பாதிக்கப்பட்டதை அவரின் குடும்பத்தினர் தாமதாகவே கண்டுபிடித்தனர். பின்னர், பவினா படேல் கிராமத்திலுள்ள ஒரு சாதாரண பள்ளியில் தனது படிப்பை மேற்கொண்டார். பவினாபடேலுக்கு 9 வயது அதாவது நான்காம் வகுப்பு படித்துக்கொண்டிருக்கும் போது ஆந்திராவின் விசாகப்பட்டினத்திற்கு அறுவை சிகிச்சைக்காக அழைத்துச் சென்றனர்.
அறுவை சிகிச்சை செய்யப்பட்டாலும், வயது சிறியவராக இருந்த பவினா படேல் அலட்சியம் மற்றும் சரியான மறுவாழ்வு உடற்பயிற்சிகளை செய்யாத காரணத்தால் பழைய நிலையையே அவர் தொடர வேண்டி இருந்தது. பவினா பட்டேலின் தந்தை ஹஸ்முக்பாய் படேல், பார்வையற்ற மக்கள் சங்கத்தின் விளம்பரத்தை 2004இல் பார்த்து குஜராத், அகமதாபாத்தில் உள்ள நிறுவனத்தில் ஐடிஐ படிப்புக்காக அவரை சேர்த்தார்.
பின்னர், பவினா படேல் தொலைதூர கல்வி மூலம் குஜராத் பல்கலைக்கழகத்தில் தனது பட்டப்படிப்பைத் தொடர்ந்தபோது, தனது உடலை ஆரோக்கியமாக வைத்துக்கொள்ள வேண்டும் என்பதற்காக விளையாட்டுகளின் மீது ஆர்வம் காட்டி வந்ததை கண்ட லக்கியா, பவினா படேலை லலன் தோஷியுடன் என்பவருடன் இணைத்துவிட்டார். லக்கியா மற்றும் லலன் தோஷி தான் உடற்தகுதிக்கான உடல் செயல்பாடுகளில் பவினா படேல் ஆர்வம் காட்ட தூண்டியிருக்கின்றனர்.
இதுவே பின்னாளில் விளையாட்டில் தீவிரமாக ஈடுபட வழிவகை செய்தது மட்டுமின்றி தொழில் ரீதியாக டேபிள் டென்னிஸ் விளையாடத் தொடங்கி, பின்னர் போட்டிகளில் பங்கேற்கத் தொடங்கினார். பெங்களூருவில் நடந்த முதல் பாரா-டேபிள் டென்னிஸ் தங்கப் பதக்கத்தை வென்று தேசிய அளவில் பெயர் பெற்றார். பிறகு, சர்வதேச அளவில் தனது பெயரை உருவாக்கத் தொடங்கினார். பவினா படேலின் முதல் வெளிநாட்டு போட்டி ஜோர்டானில் நடந்த டேபிள் டென்னிஸில் கலந்து கொண்டு பதக்கம் எதுவும் வெல்லாமல் நாடு திரும்பினார்.
அதன்பின்னர் பவினா படேல் கடினமாக உழைத்து டேபிள் டென்னிஸில் அனுபவத்தைப் பெற போராடினார். 2011 ஆம் ஆண்டில், தாய்லாந்து ஓபனில் தனது முதல் சர்வதேச வெள்ளி பதக்கத்தை வென்றார். பின்னர் 2013ல் ஆசிய பிராந்திய சாம்பியன்ஷிப்பில் வெள்ளி வென்றதன் மூலம் புதிய வரலாறு படைத்தார். அதன்பிறகு 2019ல் பாங்காக்கில் தனது முதல் தங்கத்தை வென்றார் பவினா படேல். தேசிய அளவிலான கிரிக்கெட் வீரர் நிகுல் பட்டேலை 2017-ல் திருமணம் செய்து கொண்டார்.
அதன்பின்னர், ஜப்பான் தலைநகர் டோக்கியோவில் மாற்றுத்திறனாளிகளுக்கான 16-வது பாரா ஒலிம்பிக் போட்டி கடந்த ஆகஸ்ட் 24-ம் தேதி தொடங்கி விறுவிறுப்பாக நடந்து போட்டியில் இந்தியாவை சேர்ந்தவர்கள் மொத்தம் 59 வீரர், வீராங்கனைகள் 9 வகையான போட்டிகளில் பங்கேற்றுள்ளனர். இதில் கலந்து கொண்ட வீரர்களில் பவினா படேலும் ஒருவர்.
பவினா படேலுக்கு இந்த பாராலிம்பிக்ஸ் முதல் போட்டியில் சீனர்களின் பிடித்தமான விளையாட்டான டேபிள் டென்னிஸில் சீன வீராங்கனை யிங் சூ-வுக்கு எதிரான அந்த முதல் போட்டியில் மூன்று கேம்களையுமே தோற்று முதல் போட்டியில் படுதோல்வியை தழுவியிருந்தார். உலக அரங்கில் முதல் போட்டியில் இவ்வளவு மோசமாக தோற்ற பவினா படேல் தன்னம்பிக்கையை சுக்குநூறாக நொறுக்கி இருந்தாலும் மறுநாள் நடைபெற்ற இரண்டாவது போட்டியிலேயே பிரிட்டன் வீராங்கனைக்கு எதிராக 3-1 என்ற செட் கணக்கில் மீண்டும் தோல்வி தழுவி தன்னம்பிக்கையை சுக்குநூறாக நொறுக்கியது.
அடுத்து மூன்றாவது போட்டி இரண்டு வீராங்கனைகளும் முட்டி மோதி மாறி மாறி புள்ளிகளை எடுத்தனர். சராசரியாக 6 நிமிடத்தில் முடியும் போட்டிகள் 10 நிமிடத்துக்கு மேல் நீடித்தது. நிறைய சவால்களை கடந்து பவினா படேல் 17-15 என்ற செட் கணக்கில் போட்டியை வென்று தன்னால் சாதிக்க முடியும் என்பதை தனக்கு தானே மன தைரியத்தை வளர்த்தார். இந்த வெற்றியின் மூலம், ரவுண்ட் ஆஃப் 16 சுற்றுக்கு முன்னேறினார்.
பிரேசில் வீராங்கனைக்கு எதிரான ரவுண்ட் ஆஃப் 16 சுற்று போட்டியில் நேருக்கு நேர் சரிசமமாக விளையாடி கடைசியில் 3-0 என்ற செட் கணக்கில் பவினா படேல் வென்றார். இந்த வெற்றியின் மூலம் காலிறுதிக்கு தகுதிப்பெற்றார். காலிறுதியில் உலக தரவரிசையில் இரண்டாவது இடத்தில் இருந்த செர்பிய வீராங்கனை பெரிக் ரேங்கோவிக்கை எதிர்கொண்டு போட்டியை மிக எளிமையாக வென்றார்.
இந்த வெற்றியின் மூலம் அரையிறுதிக்கு முன்னேறி பவினா படேல் சீன வீராங்கனை ஷாங் மியாக்கு எதிராக மோதினர். சீன வீராங்கனை ஷாங் மியாக்கு உடன் போட்டியில் முதல் சுற்றில் தோற்றார். ஆனால் சற்று சுதாரித்த இரண்டாவது சுற்றை தன் வசப்படுத்தினர். இதனால் மூன்றாவது சுற்று மிகவும் கடினமாக அமைந்தது. இந்த மூன்றாவது சுற்றையும் தன் வசப்படுத்தினர். நான்காவது சுற்று மிகவும் கடினமாக சுற்று சீன வீராங்கனை ஷாங் மியாக் கைப்பற்றி போட்டி 2-2 என சமநிலைக்கு வந்தது. கடைசி ஐந்தாவது சுற்று இதை வெல்பவரே இறுதிப்போட்டிக்கு செல்ல முடியும். ஐந்தாவது சுற்றில் முதலில் சீன வீராங்கனை ஷாங் மியாக் 5 புள்ளிகள் பெற்ற நிலையில் போட்டியில் விஸ்பரூபம் எடுத்த பவினா படேல் சீன வீராங்கனை சிம்மசொப்பனமாக இருந்து கடைசி சுற்றில் அபார வெற்றி பெற்று 3-2 என அரையிறுதியை வென்று இறுதிப்போட்டிக்கு முன்னேறினார்.
வீல் சேரில் அமர்ந்தபடி இடது கையால் பந்தை விரட்டும் பவினா படேல் இந்த பாராஒம்பிக்கில் நடப்பு சாம்பியன் செர்பியாவின் பெரிச் ரன்கோவிச்சுக்கு கூட அதிர்ச்சி அளித்து ஆனால் தொடக்க லீக்கில் யாரிடம் தோற்றாரோ கடைசியில் இறுதி சுற்றிலும் அவரிடமே மீண்டும் தோற்று தங்க பதக்கத்தை இழந்தாலும் வெள்ளிப் பதக்கம் வென்று பாராஒம்பிக்கிக் போட்டிகள் தொடங்கி நான்கு நாட்கள் முடிந்தும் பதக்க பட்டியலில் இடம்பெறாத தவித்தது வந்த நம் நாட்டிற்கு முதல் பதக்கத்தை பவினா படேல் உச்சிமுகர வைத்தார்.
இன்று நடைபெற்ற ஆடவர் தனிநபர் வில் வித்தை வெண்கலப்பதக்கதிற்கான போட்டியில் தென்கொரியாவின் கிம் மின் – சூவை 6-5 என்ற கணக்கில் ஹர்வீந்தர் சிங் வென்று வெண்கலப்பதக்கதை கைப்பற்றினார். ஆக மொத்தத்தில் டோக்கியோ பாரா ஒலிம்பிக் போட்டியில் இந்தியா 2 தங்கம், 6 வெள்ளி, 5 வெண்கலம் 13 பதக்கங்களுடன் பதக்கப்பட்டியலில் ஒரு படி பின்னோக்கி சென்று 37 வது இடத்தில் உள்ளது.
இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு 5 டெஸ்ட் போட்டிகள் கொண்ட தொடரில் விளையாடி வருகிறது. இதில் முதல் 3 போட்டிகளில் 1-1 என்ற கணக்கில் சமனில் உள்ளது. இந்நிலையில், லண்டன் ஓவல் மைதானத்தில் மிகவும் முக்கியத்துவம் வாய்ந்த 4-வது டெஸ்ட் போட்டி இன்று தொடங்கியது. இங்கிலாந்து கேப்டன் ஜோ ரூட் டாஸ் வென்று, பந்துவீச்சைத் தேர்வு செய்தார்.
