மருத்துவம்

நின்ற இராணுவ வீரரின் துடிப்புகளை 2 மணி நேரம் போராடி உயிர்ப்பித்த AIIMS மருத்துவர்கள்..!

இராணுவ வீரர் ஒருவர் மூச்சின்றி இருந்த நிலையில் சுமார் 2 மணி நேரத்திற்கும் மேலாக போராடி மீண்டும் உயிர்ப்பித்து AIIMS மருத்துவர்கள் சாதனைக்கு நாடெங்கும் குவியும் பாராட்டுக்கள். ஒடிசா மாநிலம் நாயகர் பகுதியில் அமைந்துள்ள ஒடபாலா என்ற கிராமத்தில் வசித்து வரும் இராணுவ வீரர் சுபகந்த் சாஹு. இவருக்கு கடந்த அக்டோபர் 1-ஆம் தேதி திடீரென மாரடைப்பு ஏற்பட்டதாக கூறப்படுகிறது. இதனால் அவரை குடும்பத்தினர் முதலில் அருகில் இருக்கும் மருத்துவமனைக்கு கொண்டு சென்றனர்.

ஆனால் அந்த மருத்துவமனை மருத்துவர்கள் கைவிரித்தால் ஒடிசாவின், புவனேஸ்வர் AIIMS மருத்துவமனைக்கு கொண்டு சென்றனர். அங்கே பரிசோதித்த மருத்துவர்கள் அவரது இதயத்துடிப்பு செயலிழந்ததை கண்டறிந்தனர். அப்போது மருத்துவர்கள் இராணுவ வீரர் இறந்துவிட்டார் என அவர்களின் குடும்பத்தினரிடம் தெரிவிப்பதற்கு முன்பு eCPR முறையில் முயற்சித்துப் பார்ப்போம் என்ற முயற்சியில் எக்ஸ்ட்ரா கார்போரல் கார்டியோபுல்மோனரி ரெசசிட்டேஷன் எனப்படும் eCPR முறையில் சிகிச்சை அளிக்க தொடங்கினர்.

தொடர்ந்து 40 நிமிடம் அளித்த சிகிச்சையில் 2 மணி நேரம் துடிப்பே இல்லாமல் இருந்த அவரது இதயம் மீண்டும் துடிக்க தொடங்கியது. இதனையடுத்து சுபகந்த் சாஹு இதய துடிப்பு 96 மணி நேரத்தில், சீரானது. இது மருத்துவத்தில் ஒரு மைல்கல். அதாவது நோயாளியின் இதயம் துடிப்பு நின்று, 120 நிமிடங்களுக்குப் பிறகு மீண்டும் உயிர்ப்பிக்கப்படுவது நாட்டில் அரிதான நிகழ்வுகளில் ஒன்றாகும். ஆகையால், மூச்சின்றி இருந்த இராணுவ வீரரை சுமார் 2 மணி நேரத்திற்கும் மேலாக போராடி மீண்டும் உயிர்ப்பித்து சாதனை புரிந்துள்ள AIIMS மருத்துவர்களுக்கு பாராட்டுகளும் வாழ்த்துகளும் குவிந்த வண்ணமுள்ளது.

பாராசிட்டமால் மாத்திரைகளும் தரமற்றவையா..! தர பரிசோதனையில் அதிர்ச்சி..!

நாடு முழுவதும் சளி, காய்ச்சல், தலைவலி போன்று அனைவரும் பாதிக்கப்படும் பொதுவான உடல் பிரச்னைகளுக்கு பாராசிட்டமால் பரிந்துரைக்கப்படுகிறது. இந்நிலையில் பாராசிட்டமால், சர்க்கரை, உயர் ரத்த அழுத்த மாத்திரைகள் உட்பட 53-க்கும் அதிகமான மருந்துகள் இந்தியாவின் மருந்து கட்டுப்பாட்டாளரின் தர சோதனையில் தோல்வியடைந்துள்ளன. இந்த மருந்துகளின் பட்டியலில் தினசரி எடுக்கும் பல மருந்துகளும் அடங்கியுள்ளன.

வைட்டமின் சி மற்றும் டி3 மாத்திரைகள் ஷெல்கால், வைட்டமின் பி காம்ப்ளக்ஸ் மற்றும் வைட்டமின் சி சாப்ட்ஜெல்கள், ஆன்டிஆசிட் பேன்-டி, பாராசிட்டமால் ஐபி 500 மிகி, நீரிழிவு எதிர்ப்பு மருந்து க்ளிமிபிரைடு, உயர் ரத்த அழுத்த மருந்து டெல்மிசார்டன் மற்றும் பல அடங்கும். பாராசிட்டமால் மாத்திரைகளும் தரமற்றவையாக இந்த சோதனையில் உறுதி செய்யப்பட்டு, மக்கள் இவற்றை எடுக்கக்கூடாது என மத்திய மருந்துகள் தரநிலை கட்டுப்பாட்டு அமைப்பு எச்சரித்துள்ளது.

ஒரே நேரத்தில் இரண்டு இதயங்களுடன் துடிக்கும் 48 வயதான நபர்..!

இந்தியாவிலேயே சிறந்த மருத்துவ உட்கட்டமைப்பைக் கொண்ட மாநிலங்களில் ஒன்றாக இருப்பதால், நமது மருத்துவர்கள் பல சிக்கலான அறுவை சிகிச்சைகளையும் சிறப்பாகச் செய்கிறார்கள். இதன் காரணமாகவே பல்வேறு மாநிலங்கள் மற்றும் வெளிநாடுகளில் இருந்தும் கூட மருத்துவச் சிகிச்சைக்காக தமிழ்நாடு வருகிறார்கள். அதனால் தமிழ்நாட்டைத் தான் இந்தியாவின் மருத்துவ தலைநகர் என்பார்கள்.

சரி விஷயத்திற்கு வருவேன் கோயம்புத்தூரைச் சேர்ந்த இந்த 48 வயதான நபருக்கு, சமீபத்தில் பிக்கிபேக் எனப்படும் ஹீட்டோரோடோபிக் அறுவை சிகிச்சை செய்யப்பட்டது. இதன் மூலம் அவருக்கு இப்போது ஒரே நேரத்தில் இரண்டு துடிக்கும் இதயங்கள் உள்ளன. அதாவது மருத்துவர்கள் அவரது இதயத்தை அகற்றாமலேயே புதிய இதயத்தைப் பொருத்தியுள்ளனர். கோவையில் உள்ள பிரபல தனியார் மருத்துவமனையில் டாக்டர் பிரசாந்த் வைஜ்யநாத் இந்த அறுவை சிகிச்சையை வெற்றிகரமாகச் செய்துள்ளார்.

48 வயதான அந்த நோயாளிக்குக் கடந்த ஓராண்டாகவே பல்வேறு இதய பிரச்சனைகள் மற்றும் நுரையீரல் சிக்கல்களை எதிர்கொண்டு வந்து இருக்கிறார். கடந்த ஓராண்டில் அவருக்குப் பலமுறை மாரடைப்பு ஏற்பட்டு ஸ்டென்டிங் சிகிச்சையும் அளிக்கப்பட்டு இருக்கிறது. வழக்கமான இதயத்துடன் ஒப்பிடுகையில் அவரது இதயம் வெறும் ஏழு சதவிகிதம் மட்டுமே செயல்பட்டுள்ளது. இதனால் பல் துலக்குவது போன்ற அன்றாட வேலைகளைக் கூட அவரால் செய்ய முடியவில்லை. மேலும் இதனால் அவரது நுரையீரல் செயல்பாடு கூட கடுமையாகப் பாதிக்கப்பட்டது.

இது குறித்து மருத்துவர் பிரசாந்த் கூறுகையில், “அவருக்கு இதய மற்றும் நுரையீரல் மாற்று அறுவை சிகிச்சை செய்ய வேண்டி இருந்தது. பொருந்தமான டோனருக்காக நாங்கள் காத்திருந்தோம். இருப்பினும், அரசின் உறுப்பு மாற்று ஆணையம் மூலம் அவருக்கு இதயம் மட்டுமே கிடைத்தது. எனவே நாங்கள் ஹீட்டோரோடோபிக் இதய மாற்றுச் சிகிச்சையைச் செய்ய முடிவு செய்தோம்” என்றார். ஹீட்டோரோடோபிக் இதய மாற்று ஆப்ரேஷன் என்பது ஒரு அரிய அறுவை சிகிச்சை முறையாகும்.. நோயாளியின் இதயத்தை எடுக்காமல் அப்படியே விட்டுவிட்டு மாற்று இதயத்தைப் பொருத்துவதே இந்த ஹீட்டோரோடோபிக் இதய மாற்று அறுவை சிகிச்சையாகும்.

இதன் மூலம் அவருக்கு ஒரே நேரத்தில் இரண்டு இதயம் செயலில் இருக்கும். அவருக்கு நுரையீரலும் தேவைப்படும் நிலையில், அது இப்போது கிடைக்கவில்லை. இன்னும் சில காலம் காத்திருக்க வேண்டும். இந்த இடைப்பட்ட காலத்திற்கு இரண்டு இதயங்கள் இருந்தால் அது நுரையீரலின் அழுத்தத்தை நிர்வகிக்க உதவும் என்பதாலேயே இந்த முடிவை எடுத்ததாக மருத்துவர் வைஜ்யநாத் தெரிவித்தார். மொத்தம் மூன்று மணி நேரம் நடந்த இந்த சிக்கலான அறுவை சிகிச்சையில் நோயாளி மார்பின் வலது பக்கத்தில் கொடையாளியின் இதயம் வைக்கப்பட்டது.

அதாவது இடது பக்கம் நோயாளியின் இதயம் இருக்கும் நிலையில், அதை அகற்றாமலேயே வலதுபுறம் கொடையாளியின் இதயம் பொருத்தப்பட்டுள்ளது. ஆனால், இத்துடன் மருத்துவர்களுக்கான சவால் முடிந்துவிடவில்லை. இரண்டு இதயங்களும் ஒரே நேரத்தில் துடிப்பதும் ரொம்பவே முக்கியமானது. இதனால் பேஸ்மேக்கர் சாதனத்தை வைத்து ஒரு வாரம் இதயத் துடிப்பை மெல்ல ஒரே நேரத்தில் துடிக்குமாறு செய்துள்ளனர். இப்போது பேஸ் மேக்கர் இல்லாமலேயே ஒரே நேரத்தில் இரண்டு இதயங்களும் ஒன்றாகத் துடிக்கிறது. ஆப்ரேஷன் வெற்றிகரமாக முடிந்துள்ள நிலையில், இன்னும் ஓரிரு வாரங்களில் அவர் வீடு திரும்புவார் என தெரிகிறது.

கொரோனாவுக்கு எதிரான மாத்திரைக்கு அனுமதியளித்த முதல் நாடு பிரிட்டன்

உலகளவில் இன்றுவரை 24.8 கோடிக்கும் அதிகமானோர் கொரோனாவால் பாதிக்கப்பட்டுள்ளனர். இந்நிலையில் உலக நாடுகள் பலவும் கொரோனாவை தடுக்கும் முயற்சியில் தடுப்பூசி செலுத்துவதை தீவிரப்படுத்தி வருகின்றன.

இந்நிலையில், பிரிட்டன் நாட்டில் கொரோனாவுக்கு எதிரான அமெரிக்காவின் மெர்க் மற்றும் ரிட்ஜ்பேக் பயோதெரபியூடிக்ஸ் நிறுவனங்கள் இணைந்து தயாரித்த மால்னுபிராவிர் என்ற ஆன்ட்டி வைரல் மாத்திரை அனுமதி வழங்கப்பட்டுள்ளது. உலகிலேயே கொரோனாவுக்கு எதிரான மாத்திரைக்கு அனுமதியளித்த முதல் நாடு என்ற அந்தஸ்தைப் பிரிட்டன் பெற்றுள்ளது.

ஆல்பா போயி பீட்டா வந்து காமா.. டெல்டா…டெல்டா பிளஸ் என தொடர்ந்து AY 4.2 -க்கு உருமாற்றம்

வைரஸ் கிருமிகள் தங்கள் புறச்சூழலை பொறுத்து உருமாற்றம் அடையும் தன்மையை கொண்டவை ஆனால் சிலவகை வைரஸ் கிருமிகள் உருமாற்றங்கள் அந்த கிருமியை பலமிழக்கச் செய்துவிடும். மேலும் ஆனால் வைரஸ் கிருமிகள் உருமாற்றமானது அந்த கிருமியின் வீரியத்தை மேலும் அதிகரிக்கும் வகையில் அமையும் தன்மைகொண்டது.

அதன் வரிசையில் சீனாவில் கடந்த 2019 -ஆம் ஆண்டு கண்டறியப்பட்ட கொரோனா வைரஸ் நோய்த்தொற்றானது, உலகம் முழுவதும் பரவி வரலாறு காணாத பாதிப்புகளை ஏற்படுத்தி வரும் நிலையில், கொரோனா வைரஸ் தொடர்ந்து உருமாற்றம் அடைந்து வருவதால் இதன் தீவிரத்தை கணிக்க முடியாத நிலை உருவாகியுள்ளது. அந்த வகையில் கொரோனா வைரஸ் கிருமியானது, தற்போது வரை பல்வேறு நாடுகளில் ஆல்பா, பீட்டா, காமா, டெல்டா, டெல்டா பிளஸ் என தொடர்ந்து உருமாற்றம் அடைந்து வருகிறது.

இந்நிலையில் டெல்டா வகை கொரோனாவின் துணைப் பரம்பரையைச் சேர்ந்ததாக கண்டறியப்பட்டுள்ள AY 4.2 என்ற கொரோனா தொற்று ஐரோப்பிய நாடுகளில் பரவியது கண்டறியப்பட்டது. இந்த வகை கொரோன பாதிப்பு இந்தியாவிலும் சிலருக்கு ஏற்பட்டுள்ளது. இந்த AY 4.2 கொரோனா வகையானது, வேகமாக பரவும் தன்மை உடையது என்று ஐ.சி.எம்.ஆர். விஞ்ஞானி டாக்டர் சமிரன் பாண்டா தெரிவித்துள்ளார்.

உடல் பருமனா..!? மாதவிடாய் காலத்தில் வலியால் அவதியா..!? உடல் சோர்வடைந்து ஆற்றல் குறைவா..!?

இந்தியாவில் பெரும்பாலான வீடுகளில் பயன்படுத்தப்படும் ஓர் பொருள் தான் வெல்லம். குறிப்பாக தமிழகத்தில் பண்டைய காலம் தொட்டதே கருப்பட்டியை பயன்படுத்தி நாம் முன்னோர்கள் ஆரோக்கியமாக வாழ்ந்து வந்தார்கள். ஆனால் அந்நிய பொருட்கள் மோகம் நம்மை நோயாளிகளாக இன்று மாற்றி வைத்துள்ளது.

நாம் முன்னோர்கள் பயன்படுத்திய ஆரோக்கியமாக வாழ்ந்த கருப்பட்டியின் பயன்களை சான்று பார்போம். கருப்பட்டி மிகவும் சுவையானது மட்டுமின்றி ஆரோக்கியமானதும் கூட. மேலும் இதன் மருத்துவ குணங்களால் இது மக்களால் அதிகம் பயன்படுத்தப்படுகிறது.

கருப்பட்டியில் இரத்த உற்பத்திக்குத் தேவையான இரும்புச்சத்தும், நரம்பு மண்டலம் சீராக செயல்பட உதவும் மக்னீசியம் சத்தும் அதிகம் நிறைந்துள்ளது.

கருப்பட்டி வறட்டு இருமல் மற்றும் சளிக்கு சிகிச்சை அளிக்க பயன்படுவது மட்டுமின்றி சுவாசப் பாதையில் உள்ள சளியை கரையச் செய்து இருமலில் இருந்து விடுபட உதவும். மேலும் இது ஆஸ்துமா போன்ற சுவாச பிரச்சனைகள் உள்ளவர்களுக்கு இது ஒரு வரப்பிரசாதம்.

இன்று நம்மில் பலர் உட்கார்ந்த இடத்திலேயே பல மணி நேரம் வேலை பார்க்க வேண்டிய சூழ்நிலைக்கு தள்ளப்படுவதால் சிலருக்கு உடல் பருமன் ஏற்படுகின்றது. இந்த உடல் பருமன் கவலையால் பலர் இருப்பது மட்டுமின்றி தேவையில்லாத பலவித சிகிக்சைகளை மேற்கொள்ளுகின்றனர். இதனால் பண விரயம் மற்றும் உடல் ஆரோக்கியத்தில் பக்க விளைவுகள் ஏற்படுவது மட்டுமின்றி மிகுந்த மன உளைச்சலுக்கு ஆளாகின்றனர்.

உடல் பருமன் என்ற கவலையில் இருப்பவர்களுக்கு கருப்பட்டியில் உள்ள பொட்டாசியம் உடலில் தேங்கியுள்ள கெட்ட நீரைக் குறைப்பது மட்டுமின்றி வயிற்றில் உள்ள உப்பு சத்தையும் குறைக்கும். எனவே உடல் எடையைக் குறைக்கும் முயற்சியில் இருப்பவர்கள் தினமும் உணவில் கருப்பட்டியை சேர்த்துக் கொண்டால் பக்க விளைவுகள் இல்லாமல் உடல் பருமனை குறைத்து ஸ்லிம்மாக இருக்கலாம்.

நாம் அடிக்கடி உடல் சோர்வடைந்து ஆற்றல் குறைவாக இருப்பது போல் உணரும் போது, கருப்பட்டி சிறிது சாப்பிடுஙகள். இதில் உள்ள கலப்பு கார்போஹைட்ரேட்டுகள், வழக்கமான சர்க்கரையை விட வேகமாக உணவை ஜீரணிக்க உதவுகிறது. மேலும் தினமும் கருப்பட்டி ஒரு துண்டு சாப்பிட்டு வந்தால், உடலில் ஆற்றல் சீரான அளவில் இருப்பது மட்டுமின்றி நீண்ட நேரம் சுறுசுறுப்பாக உங்களால் செயல்பட முடியும்.

பெண்கள் மாதவிடாய் காலத்தில் அதீத வலியால் அவதிபடுவார்கள் அவர்கள் கருப்பட்டியை உட்கொள்ளும் போது, அது உடலில் எண்டோர்பின்களை வெளியிடச் செய்து, உடலில் ஏற்படும் வலி மற்றும் பிடிப்புக்களில் இருந்து நிவாரணம் அளிக்கிறது. மேலும் கருப்பட்டியில் உள்ள பொட்டாசியம் சத்து இதய ஆரோக்கியத்தை பராமரித்து ரத்த அழுத்தத்தை குறைத்து இதய பாதிப்பு ஏற்படாமல் தடுக்கிறது.

இவ்வளவு பயன்கள் மிகுந்த கருப்பட்டியை நம் முன்னோர்கள் நமக்கு விடு சென்றுள்ளார். ஆகையால் நாமும் நம் முன்னோர்கள் போல இனிவரும் காலங்களில் பயன்படுத்தி நாமும் நேயற்ற வாழ்வு வாழ்வோம்.

தடுப்பு மருந்துகள் நூறு சதவீத பாதுகாப்பு தராது. எனவே மக்கள் சமூக விலகலைப் பின்பற்றி கவனத்துடன் நடந்துகொள்ளவேண்டியது அவசியம்

சீனாவில் பரவத் தொடங்கிய இந்த கொரோனா வைரஸ் பின்னர் படிப்படியாக உலக நாடுகள் முழுவதும் பரவத் தொடங்கியது. உலகம் முழுவதும் கடந்த ஆண்டு முதல் அலை, 2-வது அலை, 3-வது அலை என தொடர்ச்சியாக ஒவ்வொரு நாடுகளிலும் பொதுமக்களை கொரோனா வைரஸ் தாக்கி வருகிறது. கொரோனா பரவத்தொடங்கி 1½ ஆண்டுகளுக்கு மேல் ஆகியும் அதன் தாக்கம் இன்னும் குறையாமலேயே உள்ளது. கொரோனா வைரஸ் தன்னை தற்காத்துக் கொள்ள அவ்வப்போது உருமாறி வருகிறது.

அந்த வகையில் கொரோனா வைரசின் டெல்டா ரகம் தற்போது தெற்காசிய நாடுகள் மட்டுமல்லாமல் இங்கிலாந்திலும் பரவி வருகிறது. தற்போது உலகத்தையே இந்த டெல்டா ரகம் அச்சுறுத்தி வருகிறது. டெல்டா வகை கொரோனா வைரஸ் காரணமாக கடந்த வாரம் 54 ஆயிரத்து 268 புதிய புதிய நோயாளிகள் உருவாக்கியுள்ளனர் என இங்கிலாந்து சுகாதாரத்துறை தகவல் வெளியிட்டுள்ளது. தடுப்பு மருந்துகள் நூறு சதவீத பாதுகாப்பு தராது. எனவே மக்கள் சமூக விலகலைப் பின்பற்றி கவனத்துடன் நடந்து கொள்ளவேண்டியது அவசியம் எனத் தெரிவித்துள்ளார்.

ஜிகா வைரஸ் என்றால் என்ன? எப்படி பரவும்? அறிகுறிகள் என்னென்ன?

கொரோனா வைரஸின் 2ம் அலை பாதிப்பு தணிந்து வரும் நிலையில், கேரள மாநிலத்தில் ஜிகா வைரஸ் பரவ தொடங்கியுள்ளது. தமிழ் நாடு – கேரள எல்லையான செறுவாரக்கோணத்தை சேர்ந்த பெண்ணுக்கு கடந்த ஜூன் 7ம் தேதி குழந்தை பிறந்த நிலையில், ஜூன் 28ம் தேதி அவருக்கு ஜிகா வைரசுக்கான அறிகுறிகள் தென்பட்டன. மொத்தம் 1 9 பேருக்கு அறிகுறிகள் ஏற்பட்டதால், அவர்களது சளி, ரத்த மாதிரிகள் புனே ஆய்வகத்துக்கு அனுப்பி வைக்கப்பட்டது.

இதில், அண்மையில் குழந்தை பெற்றெடுத்த பெண் உட்பட 15 பேருக்கு ஜிகா வைரஸ் தொற்று உறுதி செய்யப்பட்டது. ஏ.டி.எஸ் வகை கொசுக்கள் மூலமாகவே ஜிகா வைரஸ் பரவுகிறது. அதிகாலை, பிற்பகல் மற்றும் மாலை வேளைகளில் இந்த கொசுக்கள் மனிதர்களை கடிக்கும் என்றும், இந்த கொசுக்கள் டெங்கு, சிக்குன்குனியா, மஞ்சள் காய்ச்சலை பரப்பும் தன்மை கொண்டவை எனவும், உலக சுகாதார நிறுவனம் தெரிவித்துள்ளது.

கர்ப்பிணிகள் ஜிகா வைரசால் பாதிக்கப்பட்டால், கருவும் பாதிக்கப்படும் என்றும், இதனால் கருச்சிதைவு மற்றும் குறை பிரசவம் ஏற்படலாம் எனவும் மருத்துவர்கள் எச்சரித்துள்ளனர். ஜிகா வைரஸ் 3 முதல் 14 நாட்கள் வரை உடலில் இருக்கும் என தெரிவிக்கும் மருத்துவர்கள், 2 முதல் 7வது நாளில் அறிகுறிகள் தென்படும் எனவும் கூறியுள்ளனர்.

ஜிகா வைரஸ் பாதிப்பு ஏற்பட்டால், காய்ச்சல்,தலைவலி, தோலில் நமைச்சல், மூட்டுகளில் வலி போன்ற அறிகுறிகள் ஏற்படும் என தெரிவிக்கப்பட்டுள்ளது. இந்நோய்க்கென பிரத்யேக சிகிச்சை, தடுப்பூசிகள் இல்லை என தெரிவிக்கின்றனர்.

கருப்பு பூஞ்சை நோய் அறிகுறிகள்

மூக்கடைப்பு, மூக்கில் இருந்து சளியுடன் ரத்தம் கலந்து வருதல், கண் வீக்கம், முக வீக்கம், கண் சிவப்பாக மாறுதல், தலைவலி, பல்வலி முதலியன கருப்பு பூஞ்சை நோய்யின் அறிகுறிகள் ஆகும்.

கோவிஷீல்டு தடுப்பூசியால் ஏற்படும் இரத்தம் உறைதலுக்கு சிகிச்சை

ஆக்ஸ்போர்டு மற்றும் அஸ்ட்ராஜெனேகா நிறுவனங்கள் இணைந்து தயாரித்துள்ள கொரோனா தடுப்பூசியால் அரிதான ரத்தம் உறைதல் போன்ற பக்க விளைவுகள் ஏற்படுவது பல்வேறு நாடுகளில் கண்டறியப்பட்டன.

இந்த கோவிஷீல்டு தடுப்பூசியால் ஏற்படும் மேற்படி அரிய ரத்தம் உறைதலுக்கான சிகிச்சையை கனடாவின் மெக்மாஸ்டர் பல்கலைக்கழக விஞ்ஞானிகள் கண்டறிந்துள்ளனர். அந்தவகையில் ரத்தம் உறைதலுக்கு எதிரான மருந்துகள், இன்ட்ரெவனஸ் இம்யூனோகுளோபூலின் இணைந்த கலவையை இந்த விஞ்ஞானிகள் பரிந்துரைத்து உள்ளனர்.