உலகளவில் இன்றுவரை 24.8 கோடிக்கும் அதிகமானோர் கொரோனாவால் பாதிக்கப்பட்டுள்ளனர். இந்நிலையில் உலக நாடுகள் பலவும் கொரோனாவை தடுக்கும் முயற்சியில் தடுப்பூசி செலுத்துவதை தீவிரப்படுத்தி வருகின்றன.
இந்நிலையில், பிரிட்டன் நாட்டில் கொரோனாவுக்கு எதிரான அமெரிக்காவின் மெர்க் மற்றும் ரிட்ஜ்பேக் பயோதெரபியூடிக்ஸ் நிறுவனங்கள் இணைந்து தயாரித்த மால்னுபிராவிர் என்ற ஆன்ட்டி வைரல் மாத்திரை அனுமதி வழங்கப்பட்டுள்ளது. உலகிலேயே கொரோனாவுக்கு எதிரான மாத்திரைக்கு அனுமதியளித்த முதல் நாடு என்ற அந்தஸ்தைப் பிரிட்டன் பெற்றுள்ளது.