வினை குமார் சக்சேனா பாராட்டு: அரவிந்த் கெஜ்ரிவாலைவிட அதிஷி மர்லினா சிங் ஆயிரம் மடங்கு சிறந்தவர்..!

டெல்லி முதலமைச்சர் அதிஷி மர்லினா சிங், அவருக்கு முன்பு இருந்த முதலமைச்சரைக் காட்டிலும் ஆயிரம் மடங்கு சிறந்தவர் என டெல்லி துணைநிலை ஆளுநர் வினை குமார் சக்சேனா பாராட்டு தெரிவித்துள்ளார். டெல்லியில் இந்திரா காந்தி பெண்கள் தொழில்நுட்ப பல்கலைக்கழகத்தின் 7-வது பட்டமளிப்பு விழா இன்று நடைபெற்றது. இதில், துணைநிலை ஆளுநர் வினை குமார் சக்சேனா, முதலமைச்சர் அதிஷி மர்லினா சிங் உள்ளிட்டோர் கலந்து கொண்டு மாணவர்களுக்கு பட்டங்களை வழங்கினர்.

இந்த நிகழ்ச்சியில் வினை குமார் சக்சேனா பேசுகையில், “டெல்லியின் முதலமைச்சராக ஒரு பெண் இருப்பதில் மகிழ்ச்சியடைகிறேன். அதுமட்டுமல்ல, அவர் தனக்கு முன்பு இருந்த முதலமைச்சரைவிட ஆயிரம் மடங்கு சிறந்தவர் என்று என்னால் நம்பிக்கையுடன் சொல்ல முடியும் என வி.கே.சக்சேனா தெரிவித்தார்.