மத்திய, மாநில அரசுகள் கடும் நிதி நெருக்கடியில் இருப்பதால் கோவிட் -19 னால் உயிரிழந்தவர்களின் குடும்பங்களுக்கு இழப்பீடு வழங்க முடியாது என மத்திய அரசு உச்சநீதிமன்றத்தில் கூறியுள்ளது.
இது தொடர்பாக மத்திய அரசை ராகுல் காந்தி கடுமையாக சாடியுள்ளார். இது குறித்து அவர் தனது டுவிட்டர் தளத்தில், ‘உயிரை மதிப்பிடுவது சாத்தியமில்லை என்றாலும், அரசு வழங்கும் இழப்பீடு ஒரு சிறிய உதவி மட்டுமே. ஆனால் அதைக்கூட செய்ய மோடி அரசு தயாராக இல்லை’ என்று கூறியுள்ளார். கோவிட் -19 தொற்று காலத்தில் முதலில் சிகிச்சை பற்றாக்குறை, பின்னர் தவறான புள்ளிவிவரங்கள், அதற்கு மேல் அரசாங்கத்தின் கொடுமை எனவும் அவர் குற்றம் சாட்டியிருந்தார்.