இந்தியாவில் கொரோனா பாதிப்பு உச்சத்தில் இருந்தபோது ரசிகர்கள் அனுமதிக்கப்படவில்லை 14-வது ஐ.பி.எல். போட்டிகள் மும்பை, டில்லி, சென்னை உள்ளிட்ட பல்வேறு நகரங்களில் கடந்த ஏப்ரல் மாதம் 9-ந்தேதி தொடங்கியது. வீரர்கள், கொரோனா தடுப்பு மருத்துவ பாதுகாப்பு வளையத்திற்குள் தங்களை இணைத்து போட்டியில் பங்கேற்றனர். முதல் 29 ஆட்டங்கள் எந்தவித சலசலப்பும் இன்றி நடந்து முடிந்தது.
அதன் பிறகு திடீரென 4 அணிக்குள் கொரோனா ஊடுருவி சில வீரர்கள் கொரோனா தொற்றுக்குள்ளானதால் வேறு வழியின்றி மே 3-ந்தேதியுடன் ஐ.பி.எல். போட்டி நிறுத்தப்பட்டு காலவரையின்றி ஒத்திவைக்கப்பட்டது. மீதமுள்ள ஆட்டங்களை நடத்த முடிக்க இந்திய கிரிக்கெட் வாரியம் அதை ஐக்கிய அரபு அமீரகத்துக்கு மாற்றியது. அங்குள்ள துபாய், அபுதாபி, சார்ஜா ஆகிய நகரங்களில் செப்டம்பர் 19தேதி முதல் அக்டோபர் 15-ந்தேதி வரை எஞ்சிய 31 ஆட்டங்கள் நடத்தப்படுகிறது.
அபுதாபியிலுள்ள ஷேக் சயீத் மைதானத்தில் மும்பை இந்தியன்ஸ் – கொல்கத்தா நைட் ரைடர்ஸ் அணியும் மோதும் ஐபிஎல் தொடரின் 34-வது லீக் ஆட்டம் இன்று நடைபெற்று வருகிறது. இதில் டாஸ் வென்ற கொல்கத்தா நைட் ரைடர்ஸ் அணி தலைவர் இயன் மோர்கன் முதலில் பந்து வீச்சை தேர்வு செய்தார். இதனை தொடர்ந்து மும்பை இந்தியன்ஸ் அணியின் தொடக்க வீரர்களாக ரோகித் சர்மா மற்றும் குவிண்டன் டி காக் களமிறங்கினர்.
தொடக்கம் முதலே ரோகித் சர்மா மற்றும் குவிண்டன் டி காக் அதிரடி ஆட்டத்தை வெளிப்படுத்தினர். மும்பை இந்தியன்ஸ் அணி 78 ரன்கள் எடுத்த நிலையில் சுனில் நரைன் 9.2 ஓவரில் ரோகித் சர்மா 33 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய சூர்யகுமார் யாதவ், குவிண்டன் டி காக்வுடன் ஜோடி சேர்த்தார். பிரஷித் கிருஷ்ணா 12.1 ஓவரில் சூர்யகுமார் யாதவ் 5 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய இஷான் கிஷன் , குவிண்டன் டி காக்வுடன் ஜோடி சேர்த்தார். ஆனால் பிரஷித் கிருஷ்ணா 14.5 ஓவரில் குவிண்டன் டி காக் 55 ரன்கள் எடுத்த நிலையில் ஆட்டமிழந்து வெளியேறினர்.
அடுத்து களமிறங்கிய குருனால் பாண்டியா, இஷான் கிஷனுடன் ஜோடி சேர்த்தார். ஆனால் லுகி பெர்ஹூசன் 16.2 ஓவரில் இஷான் கிஷன் 14 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய கீரான் பொல்லார்ட், குருனால் பாண்டியாவுடன் ஜோடி சேர்த்தார். இருவரும் கொல்கத்தா நைட் ரைடர்ஸ் அணி பந்து வீச்சை வறுத்தெடுத்தனர். ஆனால் லுகி பெர்ஹூசனின் கடைசி ஓவரில் கீரான் பொல்லார்ட்(21), குருனால் பாண்டியா(12) என அடுத்தடுத்து ஆட்டமிழந்து வெளியேறினர். இறுதியில் 20 ஓவர் முடிவில் 6 விக்கெட்டுகளை இழந்த மும்பை இந்தியன்ஸ் அணி 155 ரன்கள் எடுத்தது. கொல்கத்தா நைட் ரைடர்ஸ் அணி தரப்பில் லுகி பெர்ஹூசன், பிரஷித் கிருஷ்ணா தலா 2 விக்கெட்டுகளை வீழ்த்தினர்.
இதனை தொடர்ந்து 156 ரன்கள் எடுத்தால் வெற்றி என்ற இலக்குடன் விளையாடி கொல்கத்தா நைட் ரைடர்ஸ் அணியின் தொடக்க வீரர்களாக சுக்மன் கில் மற்றும் வெங்கடேஷ் ஐயர் களமிறங்கினர். டிரண்ட் போல்ட் முதல் ஓவரில் 15 ரன்கள் மற்றும் ஆடம் மில்னி இரண்டாவது ஓவரில் 15 ரன்கள் என இரண்டு ஓவர்கள் முடிவில் 30 ரன்களை குவித்தது கொல்கத்தா நைட் ரைடர்ஸ் அணி. ஜஸ்பிரித் பும்ரா 2.6 ஓவரில் சுக்மன் கில் 13 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய ராகுல் திரிபாதி, வெங்கடேஷ் ஐயருடன் ஜோடி சேர்த்தார்.
ராகுல் திரிபாதி, வெங்கடேஷ் ஐயர் ஜோடி மும்பை இந்தியன்ஸ் அணியின் பந்துவீச்சை நாளா புறமும் சிதறடித்தார். ஜஸ்பிரித் பும்ரா 11.4 ஓவரில் வெங்கடேஷ் ஐயர் 53 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய இயன் மோர்கன், ராகுல் திரிபாதியுடன் ஜோடி சேர்த்தார். ஜஸ்பிரித் பும்ரா 14.1 ஓவரில் இயன் மோர்கன் 7 ரன்கள் எடுத்த நிலையில் ஆட்டமிழந்து வெளியேறினர். அடுத்து களமிறங்கிய நிதிஷ் ரானா, ராகுல் திரிபாதியுடன் ஜோடி சேர்த்தார்.
இறுதியில் ராகுல் திரிபாதி 74 ரன்களும், நிதிஷ் ரானா 5 ரன்களும் எடுத்து கடைசிவரை ஆட்டமிழக்காமல் களத்தில் இருந்தனர். முடிவில் கொல்கத்தா நைட் ரைடர்ஸ் அணி 15.2 ஒவர்களில் 3 விக்கெட்டுகளை மட்டுமே இழந்து 156 ரன்கள் எடுத்தது. இதன்மூலம் மும்பை இந்தியன்ஸ் அணிக்கு எதிரான ஆட்டத்தில் 7 விக்கெட்டுகள் வித்தியாசத்தில் கொல்கத்தா நைட் ரைடர்ஸ் அணி அபார வெற்றி பெற்றது.