அரசு மருத்துவமனையில் முதுநிலை மருத்துவ மாணவர்கள் போராட்டம்

கோயம்புத்தூர் அரசு மருத்துவமனையில் முதுநிலை மருத்துவ மாணவர்கள் 360 பேர், பயிற்சி மருத்துவர்கள் 150 பேர் உள்ளனர். தங்களுக்கு ஊக்கத்தொகையை உயர்த்தி வழங்க வலியுறுத்தி, மருத்துவமனை வளாகத்தில், கருப்பு பேட்ஜ் அணிந்து, நேற்று போராட்டத்தில் ஈடுபட்டனர். மாணவர்கள் கூறுகையில், ‘இந்தியாவிலேயே தமிழகத்தில் மட்டும்தான், மருத்துவ மாணவர்களுக்கு ஊக்கத்தொகை குறைவாக வழங்கப்படுகிறது.

எம்.பி.பி.எஸ்., முடித்து பணியில் சேரும் டாக்டர்களுக்கு, ரூ.80 ஆயிரம் சம்பளம் வழங்கப்படுகிறது. ஆனால், எம்.பி.பி.எஸ்., முடித்து மேல்படிப்பு படிக்கும் மாணவர்களுக்கு, குறைவான ஊக்கத்தொகை வழங்கப்படுகிறது. எனவே ஊக்கத்தொகை உயர்த்தி வழங்கவேண்டும் என கோரிக்கை வைதது போராட்டத்தில் ஈடுபட்டனர்.