Tag: என்எல்சி

கடலூர் மாவட்ட ஆட்சியர் அருண் தம்புராஜ் தலைமை நெய்வேலியில் என்எல்சி நிறுவனத்தில் பணிபுரியும் தொழிலாளர்களுக்கு தமிழக அரசின் மக்களை தேடி மருத்துவ திட்டத்தின் மூலம் தொற்று நோய்க்கான பரிசோதனை திட்டம் துவக்க விழா நடைபெற்றது. இந்த விழாவில் தமிழக தொழிலாளர் நலன் மற்றும் திறன் மேம்பாட்டு துறை அமைச்சர் சி.வெ. கணேசன் அவர்கள் கலந்துகொண்டு முகாமை குத்துவிளக்கேற்றி துவக்கி வைத்தார். மருத்துவம், பொது சுகாதாரம் மற்றும் நோய்த் தடுப்பு மருந்துத்துறை சார்பில் மக்களைத் தேடி மருத்துவத் திட்டத்தின் மூலம் தொற்று நோய்க்கான பரிசோதனை துவக்க விழா நெய்வேலி வட்டம் 24 பகுதியில் உள்ள என்எல்சி சமுதாய கூடத்தில் நடைபெற்றது.

பின்னர் தொழிலாளர்களுக்கு மேற்கொள்ளப்பட்டு வரும் பரிசோதனைகளை பார்வையிட்டார். தொடர்ந்து நிகழ்ச்சியில் அவர் பேசுகையில் மருத்துவத்துறையில் தமிழகம் சிறந்து விளங்கதாகவும், சுகாதாரத்துறை மூலம் இல்லம் தேடி மருத்துவம் திட்டம் தமிழகத்தில் சிறப்பாக செயல்படுத்துவதாகவும் கூறினார் முகாமில் நெய்வேலி என்எல்சி இந்திய நிறுவனத்தில் பணிபுரியும் தொழிலாளர்களுக்கு எடை, உயரம், ரத்த அழுத்தம், மற்றும் நீரிழிவு பரிசோதனை மேற்கொள்ளப்பட்டு சிகிச்சை அளிக்கப்பட்டு மருத்துவ ஆலோசனைக்ள் வழங்கப்பட்டது.

இந்த நிகழ்ச்சியில் கடலூர் மாவட்ட சுகாதாரப் பணிகள் துணை இயக்குனர் கீதா ராணி . என்எல்சி தலைவர் பிரசன்னா குமார் மோட்டுபள்ளி , நெய்வேலி சட்டமன்ற உறுப்பினர் சபா.ராஜேந்திரன் , விருதாச்சலம் சட்டமன்ற உறுப்பினர் ராதாகிருஷ்ணன் உள்ளிட்டோர் கலந்து கொண்டனர்.