கர்நாடக மாநிலத்தில் ஐபிஎஸ் அதிகாரியாக பணியாற்றிய அண்ணாமலை இன்று பாஜக மாநில தலைவராக நியமிக்கப்பட்டார். அவர் புள்ளி விவரங்களுடன் அடித்து விடுகிறோம் என்று பேசிக்கொண்டு அவர் பேசுவதெல்லாம் பொய் என்று ஆதாரத்துடன் சமூக வலைதளத்தில் நெட்டிசன்கள் கிண்டிலடித்து வருகின்றனர்.
உதாரணத்துக்கு அண்ணா மற்றும் ஜெயலலிதா குறித்து சர்ச்சை, ரபேல் வாட்ச், 20 ஆயிரம் புத்தகங்கள் வாசிப்பு, காமராஜர் பிறகு தமிழ்நாட்டில் அணையே கட்டவில்லை என கூறியது என்று இப்படி பட்டியல் பெரிதாக போய்கொண்டே இருக்கும். அண்ணாமலையின் பொய் லிஸ்ட்டில் சேலத்தில் நடந்த 2 சம்பவங்களும் இணைந்து உள்ளன.
சேலத்தில் ஏழை விவசாயிகளுக்கு இடத்தை பாஜக நிர்வாகி அபகரிக்க முயன்றதாக புகார் அளிக்கப்பட்டது. இந்நிலையில், பாஜக நிர்வாகி தூண்டுதலின் பேரில் விவசாயிகளின் ஜாதி பெயர் போட்டு அவர்களுக்கு அமலாக்கத்துறை அதிகாரிகள் சம்மன் அனுப்பினர். அப்போது அவர்களின் ஜாதி பெயரை சொல்லி இழிவு படுத்தியதாக அனைத்து கட்சிகள் சார்பில் எதிர்ப்பு கிளம்பியது.
இதையடுத்து அந்த வழக்கை வாபஸ் பெறுவதாக அமலாக்கத்துறை அதிகாரிகள் கூறியுள்ளதாக தகவல்கள் வெளியானது. சேலம் வந்த அண்ணாமலை அமலாக்கத்துறை அதிகாரிகளுக்கு வக்காலத்து வாங்கும் வகையில் பேட்டியளித்தார். எப்ஐஆரில் பெயர், அட்ரஸ், தொழில், ஜாதி என எழுத காலம் இருக்கிறது என தெரிவித்துள்ளார்.