சமூக வலைதளங்களில் தங்களது வீடியோ வைரலாகி லைக்களை பெறவேண்டும் என்ற எண்ணத்தில் பல வித்தியாசமான வீடியோக்கள் எடுக்கின்றேன் என்ற பணியில் உயிரை மய்த்தவர்களும் உண்டு, அந்த வீடியோக்களால் பெரிய சிக்கலில் சிக்கியவர்களை உண்டு. கடந்த சில தினங்களுக்கு முன்பு பெண் ஒருவரை மற்றொரு பெண் வீடியோ எடுக்கும் போது வழியில் இரு சக்கர வாகனத்தில் சென்ற ஒருவர் பெண்ணின் கழுத்தில் இருந்த நகையை பறித்த சம்பவம் அடங்கும் முன்னே மற்றொரு சம்பவம் அரங்கேறி இன்று பேசு பொருளாக மாறியுள்ளது.
அந்த வகையில் ஹோலி கொண்டாட்டம் என்ற பெயரில் ஒரு இளைஞனும், இரண்டு இளம் பெண்களும் ஸ்கூட்டரில் பயணம் செய்கின்றனர். அவர்கள் ஆபாசமாக நடந்து கொள்வது மட்டுமின்றி அவர்கள் ஹெல்மெட் உள்ளிட்ட எந்தவித பாதுகாப்பு முன்னெச்சரிக்கை நடவடிக்கைகளும் எடுத்துக் கொள்ளவில்லை. அதேபோல் மற்றொரு வீடியோவில் வாலிபர் ஒருவர் பைக்கை ஓட்டிச் செல்கிறார். அவரது பின்னால் அமர்ந்திருந்த இளம்பெண், திடீரென பைக்கின் மீது நின்று கொண்டு ஹோலி கொண்டாட்டத்தை வெளிப்படுத்தினார். திடீரென அந்த இளைஞர் பிரேக் போட்டவுடன், அந்தப் பெண் கீழே விழுந்தார். இந்த வீடியோவும் வைரலாகி வருகிறது.