Category: Uncategorized

மதுரை மாவட்டம். உசிலம்பட்டி அருகே நல்ல தேவன்பட்டி கிராமத்தைச் சேர்ந்த இளைஞர்கள் முத்துமாணிக்கம், ரஞ்சித், காளிதாஸ் உள்ளிட்ட ஆறு பேரும் உசிலம்பட்டி அருகே உள்ள விருவீடு காவல் நிலைஅய சோதனைச்சாவடி அருகே இருசக்கர வாகனத்தில் வந்தனர். அப்போது அவர்களின் இருசக்கர வாகனம் காவல்துறை அமைத்திருந்த சோதனைச்சாவடி பேரிகார்டு மீது மோதியது.

இந்நிலையில், அங்கிருந்த காவல்துறையினர் அந்த இளைஞர்களை தடுத்து நிறுத்தி விசாரணை மேற்கொண்டனர். அப்போது எதிர்பாராதவிதமாக காவல்துறையினருக்கும் அந்த இளைஞர்களுக்கும் இடையே கடும் வாக்குவாதம் ஏற்பட்டு இருவரும் மோதிக் கொள்ளும் சூழ்நிலை உருவானது.

உடனடியாக, அங்கிருந்த காவலர் ஒருவர் அருகில் இருந்த வீட்டில் இருந்து உருட்டுக்கட்டை எடுத்து வந்தார். அதேநேரத்தில் இளைஞர் ஒருவர் அருகில் இருந்த தென்னம் மட்டை, மற்றும் கற்களை எடுத்து காவல்துறையினரை தாக்கத் தொடங்கினார்.

இதனையடுத்து, காவல்துறையினரும் அந்த இளைஞர்களை தடுத்துள்ளனர். இருதரப்பினரும் மாறி மாறி தாக்கிக் கொண்டனர். இந்நிலையில் காவல்துறையினரை மீது தாக்குதல் நடத்தி இளைஞர்கள் முத்துமாணிக்கம், ரஞ்சித், காளிதாஸ் ஆகியோர் மீது வழக்குப்பதிவு செய்த காவல்துறை அவர்களை கைது செய்தனர்.

டாக்டர் எஸ்.காமேஸ்வரன் சென்னை மருத்துவக் கல்லூரி காது, மூக்கு, தொண்டை துறை இயக்குநராக பொறுப்பு வகித்தவர். காது, மூக்கு, தொண்டை துறையில் இந்தியாவில் முதன் முதலாக ஆராய்ச்சிக்கான முனைவர் பட்டம் பெற்றவர் என்ற பெருமைக்குரியவர்.

தேசிய மருத்துவ அறிவியல் அகாதெமி சார்பில் வாழ் நாள் சாதனையாளர் விருது வாங்கியவர். 98 வயதான எஸ்.காமேஸ்வரன் இன்று இயற்கையெய்திய அவர்களின் திருவுடலுக்கு தமிழக முதலமைச்சர் மு.க. ஸ்டாலின் அவர்கள் இறுதி அஞ்சலி செலுத்தினார்.

சென்னை – நந்தனத்தில், வெளி மாநிலத் தொழிலாளர்களுக்கு உணவுப்பொருட்கள் வழங்குதல் மற்றும் கட்டிடத் தொழிலாளர்களுக்கு, தடுப்பூசி செலுத்தும் பணியினை, தமிழ்நாடு முதலமைச்சர் ஸ்டாலின் அவர்கள் தொடங்கி வைத்த நிகழ்வில் தமிழச்சி தங்கப்பாண்டியன் கலந்துகொண்டார்.

ஊரடங்கு அமலில் இருப்பதால் ஆட்சியர் அலுவலகத்தில் திங்கட்கிழமை தோறும் நடைபெறும் பொதுமக்கள் குறைதீர்க்கும் கூட்டம் தற்காலிகமாக ரத்து செய்யப்பட்டுள்ளது. ஆனாலும் பொதுமக்கள் கோரிக்கை மனுக்களை போடுவதற்காக ஆட்சியர் அலுவலகத்தில் ஒரு பெட்டி வைக்கப்பட்டுள்ளது. அதன்படி நேற்று ஆட்சியர் அலுவலகத்துக்கு வந்த பொதுமக்கள் அந்த பெட்டியில் கோரிக்கை மனுக்களை போட்டு சென்றனர்.

இந்நிலையில் பழனியை அடுத்த ஆண்டிப்பட்டியை சேர்ந்த நெசவு தொழிலாளியான எல்லத்துரை என்பவர் தனது மனைவியுடன் ஆட்சியர் அலுவலகம் வந்தார். அவர்களின் கைகளில் தறி மற்றும் ராட்டை இருந்தது. இதையடுத்து அவர்களிடம் காவல்துறை விசாரணை நடத்தினர். அப்போது ஆண்டிப்பட்டி பகுதியில் அரசு புறம்போக்கு நிலத்தில் குடிசை அமைக்க முயன்ற போது அந்த பகுதியில் இருந்தவர்களுடன் பிரச்சினை ஏற்பட்டது.

இதுதொடர்பான விசாரணைக்கு வந்த காவல்துறை துணை ஆய்வாளர் எங்களுக்கு வாழ்வாதாரமாக இருந்த தறி, ராட்டையை சேதப்படுத்திவிட்டார். அவர் மீது உரிய நடவடிக்கை எடுக்க வேண்டும் என்று ஆட்சியரிடம் மனு கொடுக்க வந்ததாக தெரிவித்தனர்.

திருப்பூர் மாவட்டம், வேடப்பட்டியை சேர்ந்த பொதுமக்கள் மடத்துக்குளம் தாசில்தாரிடம் கொடுத்துள்ள அந்த மனுவில், வேடபட்டியிலுள்ள கல் குவாரியில் அதிக சக்தி வாய்ந்த வெடி பொருட்களைப் பயன்படுத்தி பாறைகள் உடைக்கப்படுகிறது. இவ்வாறு உடைத்த கற்களை கனரக வாகனங்களில் ஏற்றி இரவு பகல் இடைவெளியின்றி வெளியே கொண்டு செல்கின்றனர்.

இதனால் இரவு நேரங்களில் நிம்மதியாக தூங்க முடிவதில்லை. மேலும் இந்த கல் குவாரி அரசு சட்ட விதிகளை பின்பற்றாமல் செயல்பட்டு வருகிறது. இந்த குவாரியில் சக்தி வாய்ந்த வெடிகளை வெடிக்க செய்வதால் அதிர்வு ஏற்பட்டு வீடுகளின் சுவர்களில் விரிசல் ஏற்படுவதுடன் ஓடுகள் உடைந்து சேதமடைகிறது. எனவே தினம் தினம் பயந்து பயந்து வாழ்க்கை நடத்தவேண்டிய நிலை உள்ளது. இதனால் இதய நோயாளிகள், ரத்த அழுத்த நோயாளிகள், முதியவர்கள், குழந்தைகள் மற்றும் கர்ப்பிணிகள் பாதிக்கப்படுகிறார்கள்.

இங்கு அதிக ஆழத்தில் வெடிகள் வெடிக்கப்படுவதால் நிலத்தடி நீர்மட்டம் பாதிக்கப்படுகிறது. சுற்றுவட்டாரத்தில் உள்ள விவசாயக் கிணறுகள், ஆழ்துளைக் கிணறுகள், பொதுமக்களுக்கு குடிநீர் வினியோகிக்கப் பயன்படும் ஆழ்துளைக் கிணறுகளில் நீர்மட்டம் குறைந்து வறண்டு விடுகிறது. இதனால் தண்ணீர் தேவைக்கு அவதிப்படும் நிலைக்கு தள்ளப்பட்டுள்ளோம்.அத்துடன் கல் குவாரியிலிருந்து வெளியேறும் வெடிபொருட்களின் நச்சுக்களும், பாறைக் கழிவுகளும் விவசாயப் பயிர்களில் படிந்து மலட்டுத் தன்மை ஏற்படுவதால் மகசூல் இழப்பை ஏற்படுத்தி விவசாயிகளுக்கு கடும் பாதிப்பை உண்டாக்கி வருகிறது.

இதுகுறித்து சம்பந்தப்பட்ட அதிகாரிகளுக்கு பல முறை முறையிட்டும் எந்த நடவடிக்கையும் எடுக்கவில்லை.எனவே அரசு சட்ட விதிகளுக்குப் புறம்பாக செயல்பட்டு வரும் கல்குவாரியின் உரிமத்தை ரத்து செய்யவும், பொதுமக்களுக்கும், விவசாயிகளுக்கும் இடையூறு விளைவிக்கும் வகையில் செயல்பட்டு வரும் கல் குவாரி உரிமையாளர் மீது நடவடிக்கை எடுக்கவும் வேண்டும் என தெவிரித்துள்ளனர்.