Category: தமிழகம்

கோயம்புத்தூர் அரசு மருத்துவமனையில், கொரோனா நோயாளிகளுக்கு சிகிச்சை அளிப்பதற்கென மொத்தம் 1,273 படுக்கை வசதிகள் ஏற்படுத்தப்பட்டுள்ளன. இதில், ஆக்சிஜன் படுக்கைகள், 678, தீவிர சிகிச்சை படுக்கைகள் 213 உள்ளன. பெரும்பாலும், நுரையீரல் பாதிப்புக்குள்ளானவர்கள் அனுமதிக்கப்படுவதால், செயற்கை சுவாச சிகிச்சை இன்றியமையாததாக உள்ளது.

மருத்துவமனையில் ஆக்சிஜன் படுக்கைகள் நிரம்பியுள்ளன. அதேசமயம், ஆக்சிஜனுக்கும் சில நேரங்களில் தட்டுப்பாடு நிலவி வந்தது. இதனை சமாளிக்க, மருத்துவமனையில், ‘அக்வாசப்’ நிறுவனத்தின் மூலம், நிமிடத்திற்கு 450 லிட்டர் ஆக்சிஜன் உற்பத்தி செய்யும் திறன் கொண்ட கருவி ஒன்று அமைக்கப்பட்டது. இக்கருவி, நேற்று மக்கள் பயன்பாட்டிற்கு கொண்டு வரப்பட்டது.

உலக சுற்றுச்சூழல் தினத்தை முன்னிட்டு, விருகம்பாக்கம் சிவலிங்கபுரத்தில், விருகம்பாக்கம் சட்டமன்ற உறுப்பினர் பிரபாகர் ராஜா வும், தமிழச்சி தங்கப்பாண்டியன் அவர்களும் மரக்கன்றுகள் நட்டனர். இவர்களுடன் பகுதிச் செயலாளர்கள் திரு.மு.ராசா, திரு.கே.கண்ணன் உடனிருந்தனர்.

கிண்டி, கிங் இன்ஸ்டிட்டியூட் மருத்துவனையை 250 கோடி செலவில் பன்நோக்கு உயர் சிறப்பு மருத்துவனையாக மாற்றம் செய்ய உத்தரவிட்ட முதலமைச்சர் மு.க.ஸ்டாலின் அவர்களுக்கு, நாடாளுமன்ற சட்டமன்ற உறுப்பினர்கள் ஒருங்கே சென்று சந்தித்து தென் சென்னை மக்கள் சார்பில் நன்றி தெரிவித்தனர்.

சென்னை கஸ்தூரிபாய் மருத்துவமனை தீ விபத்தின் போது தீயணைப்பு வீரர்கள் வரும் முன்பே கண்ணாடிகளை உடைத்து 36 பச்சிளங்குழந்தைகள் மற்றும் தாய்மார்களின் உயிர்களைக் காத்த துணிச்சலான செவிலியர் ஜெயக்குமாரை நேரில் அழைத்து முதலமைச்சர் மு.க.ஸ்டாலின் பாராட்டினார்.

வட அமெரிக்கத் தமிழ்ச் சங்கப் பேரவை – அமெரிக்க வாழ் தமிழ் மக்கள் சார்பில் கோவிட் -19 தடுப்பு நடவடிக்கைக்காக முதலமைச்சரின் பொது நிவாரண நிதிக்கு சுமார் ரூ.3 கோடி வழங்கப்பட்டது. முன்பே ரூ.20 கோடிக்கு பொருட்கள் வழங்கிய இவர்களுக்கு காணொலியில் முதலமைச்சர் மு.க . ஸ்டாலின் அவர்கள் நன்றி கூறினார்.