Category: தமிழகம்

தமிழ்நாட்டில் உள்ள பிரபலமான உயிரியல் பூங்காவாக வண்டலூர் உயிரியல் பூங்கா உள்ளது. இங்கு மான், குரங்கு, சிங்கம், புலி உள்ளிட்ட பல்வேறு விலங்குகள் பராமரிக்கப்பட்டு வருகின்றன. கோவிட் -19 காரணமாக வண்டலூர் அறிஞர் அண்ணா உயிரியல் பூங்கா கால வரையறையின்றி மூடப்பட்டது. இதற்கிடையில், பூங்கா ஊழியர்கள் மட்டுமே உள்ளே சென்றுவர அனுமதி அளிக்கப்பட்டிருந்தது.

இந்நிலையில் வண்டலூர் உயிரியல் பூங்காவில் உள்ள 11 சிங்கங்களில் 9 சிங்கங்களுக்கு கோவிட் -19 தொற்று இருப்பது உறுதி செய்யப்பட்டுள்ளது. அதில் நீலா என்ற 9 வயது பெண் சிங்கம் உட்பட மற்றுமொரு சிங்கம் உயிரிழந்துள்ளது. இதனால் மற்ற சிங்கங்களை தனிமைப்படுத்தும் பணியில் பூங்கா ஊழியர்கள் ஈடுபட்டு வருகின்றனர்.

இந்நிலையில் தமிழக முதலமைச்சர் மு.க. ஸ்டாலின் அவர்கள் உயிரியல் பூங்காவில் சிங்கங்களுக்கு கோவிட் -19 தொற்று குறித்து ஆய்வு செய்தார். தொற்று ஏற்பட்ட சிங்கங்கள் முழு நலன் பெறுவதற்கும் – பரவலைத் தடுப்பதற்கும் தேவையான அனைத்து நடவடிக்கைகளையும் மேற்கொள்ளும்படி அதிகாரிகளிடம் வலியுறுத்தினார்.

விருகம்பாக்கம் சட்டமன்ற தொகுதிக்கு உட்பட்ட இந்திரா நகர், நடேசன் நகர், தசரதபுரம், அருணாசலம் சாலை, நல்லான் தெரு ஆகிய பகுதிகளில், டாக்டர் கலைஞர் அவர்களின் பிறந்தநாளை முன்னிட்டு, விருகம்பாக்கம் சட்டமன்ற உறுப்பினர் பிரபாகர் ராஜா வுடம், தமிழச்சி தங்கப்பாண்டியன் அவர்கள் மதிய உணவு மற்றும் நலத்திட்டங்கள் வழங்கினர்.

தமிழக முதலமைச்சர் மு.க. ஸ்டாலின் அவர்கள் ஆணைக்கிணங்க, சேலம் மாநகராட்சிக்கு உட்பட்ட பகுதிகளில் கோவிட் -19 தொற்றுப் பரவல் தடுப்பு நடவடிக்கைகள் குறித்து சுகாதாரத்துறை அதிகாரிகள் மற்றும் வருவாய்த்துறை அதிகாரிகள் ஆகியோருடன் அமைச்சர் செந்தில் பாலாஜி அவர்கள் ஆலோசனை நடத்தினார்.

ஊரடங்கு காலத்தில் போதிய வருமானமின்றி அவதிப்பட்டு வரும் ஏழை எளியோருக்கு உதவிடும் வகையில், முத்தமிழ் அறிஞர் டாக்டர் கலைஞரின் பிறந்தநாளையொட்டி, திருச்சி கருமண்டபம் 45-வது வட்ட திமுக சார்பில், சுமார் 1500 நபர்களுக்கு அரிசி, காய்கறிகள் உள்ளிட்ட அத்தியாவசிய பொருட்கள் அமைச்சர் கே.என் . நேரு அவர்கள் வழங்கினார்.

கோவிட் -19 பெறுந்தொற்றை கட்டுக்குள் கொண்டுவர பல்வேறு தரப்பினரும் அரசுக்கு நிதி உதவி அளித்து வருகின்றனர். அந்த வரிசையில், முதலமைச்சரின் கோவிட் -19 தடுப்பு நிவாரண நிதிக்காக கோயம்புத்தூர் கலைஞர் கருணாநிதி கல்லூரியில் இயங்கும் கோவிட் -19 சிகிச்சை மையத்திற்கு ஆக்ஸிஜன் செரிவூட்டிகளை திமுக கோயம்புத்தூர் கிழக்கு மாவட்ட பொறுப்பாளர் மருதமலை. சேனாதிபதி அவர்களின் மூலம் வழங்கப்பட்டது.

மதுரை பிளாட் புரோமோட்டர்ஸ் அசோசியேஷன் சார்பில், அய் யர் பங்களா பார்க் டவுன் – குலமங்கலம் பிரதான சாலையில் நேரு மேல்நிலைப் பள்ளியில் கோவிட் -19 சித்த மருத்துவ சிகிச்சை மையம் செயல்படுகிறது. 100 படுக்கை வசதிகளைக் கொண்ட இங்கு 24 மணி நேரமும் முறையான கவனிப்பு, இலவச சித்தா,மருந்துகளும் வழங்கப் படுகின்றன.

இதுவரை 100-க்கும் மேற் பட்டோர் குணமடைந்து வீடு திரும்பியுள்ளதாக சிகிச்சை மையப் பொறுப்பாளர்களும், புரோமோட்டர்ஸ் அசோசியேஷன் நிர்வாகிகளுமான வல்லப்பன், கந்தசாமி, முத்துவேல், மாணிக்கம் ஆகியோர் தெரிவித்தனர்.

திருப்பூர் மாவட்டங்களில் மேற்கொள்ளப்பட்டுவரும் கோவிட -19 தடுப்பு நடவடிக்கைகள், ஏற்படுத்த வேண்டிய மருத்துவ கட்டமைப்புகள் ஆகியவை குறித்து, தமிழக தலைமைமைச் செயலாளர் வெ.இறையன்பு தலைமையில் கோயம்புத்தூர் மாவட்ட ஆட்சியர் அலுவலகத்தில் நேற்று ஆய்வு கூட்டம் நடைபெற்றது.

முன்னதாக, கொடிசியா ‘ஏ’ அரங்கில் அமைக்கப்பட்டுள்ள ஆக்சிஜன் வசதியுடன்கூடிய படுக்கைகள் வசதிகளை வெ.இறையன்பு நேரில் பார்வையிட்டார்.

சுற்றுச் சூழலை பாதுகாக்கும் வகையில் தமிழ்நாடு வனத்துறை சார்பாக திருச்சி மாநகராட்சி பகுதிகளில் 25000 மரக்கன்றுகள் நடும் பணியை திருச்சி உழவர் சந்தையில் இன்று அமைச்சர் கே.என் . நேரு தொடங்கி வைத்தார். மக்களும் தங்களால் இயன்ற அளவு மரக்கன்றுகளை நட்டு இயற்கை வளங்களை பாதுகாக்க முன்வருமாறு கேட்டுக்கொண்டார்.

சேலம் -ஆத்தூர் ரோட்டரி சங்கமும் ஜாண்டியர் டிராக்டர் கம்பெனி இனைத்து ஆத்தூர் அரசு மருத்துவமனைக்கு 10 ஆக்சிஜன் சிலிண்டர், N95 முககவசம், மருத்துவர்கள் கவச உடை முககவசம், ஆக்சிஜன் சரி பார்க்கும் கருவி, ரத்தம் அழுத்தம் கருவி ஆக்ஸிஜன் மீட்டர் என அனைத்து உபகரணங்களும் 12 லட்ச ரூபாய்க்கு ரோட்டரி சங்கத்தின் தலைவர் ராஜா செயலாளர் பாபு பொருளாளர் சந்தோஷ் முன்னாள் ஆளுநர் நிர்மல் பிரகாஷ் துணை ஆளுநர் ஹீரோ செந்தில் ,வினஸ் சண்முகம் சுந்தரம் ஆகியோர் தலைமையில் ஆத்தூர் கோட்டாட்சியர் துரை தலைமையில் ஆத்தூர் அரசு தலைமை மருத்துவர் கண்ணனிடம் அனைத்துப் பொருளிலும் ஒப்படைக்கப்பட்டது .

சேலம் -ஆத்தூர் அரசு மருத்துவமனையில் தேவையான அனைத்து உபகரணங்களும் கொடுக்கப்பட்டது. நோயாளி அனைவருக்கும் உடனடியாக மருத்துவ உதவி செய்ய ஏதுவாக தலைமை அரசு மருத்துவமனை நடைபெற்று வருகிறது என்று மருத்துவர் கண்ணன் கூறினார் .இந்த விழாவில் சிறப்பு விருந்தினராக திமுக கிழக்கு மாவட்ட செயலாளர் எஸ் ஆர் சிவலிங்கம் ஆத்தூர் நகர செயலாளர் பாலசுப்பிரமணியன் ஆத்தூர் தாசில்தார் வரதராஜன் பாரத் டைம்ஸ் நிறுவனர் உசேன் மற்றும் தன்னார்வ தொண்டு நிறுவனங்கள் கழக உறுப்பினர்கள் அரசு அதிகாரிகள் கலந்து கொண்டனர்.

மயிலாப்பூர், குயில் தோட்டம், பக்ஸ் ரோடு ஆகிய பகுதிகளில் கோவிட் -19 தடுப்பூசி மையத்தை, மயிலாப்பூர் சட்டமன்ற உறுப்பினர் மயிலை வேலு- வும் தமிழச்சி தங்கப்பாண்டியன் ஆய்வு செய்தனர். இவர்களுடன் பகுதிச் செயலாளர்கள் நந்தனம் மதி மற்றும் முரளி. கலந்து கொண்டனர்.