Category: தமிழகம்

தமிழக முதலமைச்சர் மு.க. ஸ்டாலின் அவர்களின் அறிவுறுத்ததலின்படி நீலகிரி மாவட்டத்தில் நேற்று பல்வேறு பகுதிகளில் கோவிட் -19 தொற்று தடுப்பு நடவடிக்கைகள் குறித்த ஆய்வுகளும், கலந்தாய்வு கூட்டங்களும் நடைபெற்றது.

தமிழக முதலமைச்சர் மு.க. ஸ்டாலின் அவர்கள் தமிழ்நாடு அரசின் மாநில வளர்ச்சி கொள்கைக் குழு உறுப்பினராக, பத்ம ஸ்ரீ விருதுபெற்ற, சிறந்த நடனக் கலைஞரான திருநங்கை நர்த்தகி நடராஜ் நியமிக்கப்பட்டிருப்பது வரலாற்றுச் சிறப்புமிக்க ஒன்றாகும்.

திருநங்கை ஒருவர் இத்தகைய உயரிய பொறுப்பேற்பது இதுவே முதன்முறை அவருக்கு எனது மனமார்ந்த வாழ்த்துகள் என தமிழச்சி தங்கப்பாண்டியன் தெரிவித்தார். அனைத்துத் தரப்பினரின் கருத்துக்கும் செவி சாய்க்கும் அரசாகச் செயல்பட்டு, இந்திய ஒன்றியத்தின் மாநிலங்களுக்கெல்லாம், ஓர் முன்னுதாரணமாகத் தமிழ்நாடு அரசு திகழ்கின்றது.

கோயம்புத்தூர் மாவட்டம் ‘சோனு சூட் ஸ்வாக் ஏர்ட்’ அமைப்பு சார்பில், அதிவிரைவு ஆக்சிஜன் மைய துவக்க விழா நடந்தது. பப்பீஸ் குழுத்துடன் இணைந்து, ஒத்தக்கால் மண்டபம், வேதாந்தா அகாடமியில் நடந்த துவக்க விழாவில், ஆக்சிஜன் மையத்தை, மேற்கு மண்டல ஐ.ஜி., சுதாகர் துவக்கி வைத்தார்.

நிகழ்ச்சியின் ஒரு பகுதியாக அப்பகுதியில் வசிக்கும், ஏழை மக்களுக்கு, வேதாந்தா அகாடமி சார்பில் நிவாரண பொருட்கள் வழங்கப்பட்டன. அவசர தேவைக்கு ஆக்சிஜன் தேவைப்பட்டால், தமிழ்நாடு சோனு சூட் கோயம்புத்தூர் உதவி மையத்தை, 70699 99961 என்ற எண்ணில் தொடர்பு கொள்ளலாம் என தெரிவிக்கப்பட்டுள்ளது.

கோயம்புத்தூர் மாவட்டம் ஒத்தக்கால் மண்டபம் கற்பகம் மருத்துவ கல்லூரியில் இளநிலை மருத்துவர்கள் ஸ்டைபண்டு, உணவு, இருப்பிட வசதி நிர்வாகம் தரவில்லை என்று கூறி 150 டாக்டர்கள் வேலை நிறுத்த போராட்டத்தில் ஈடுபட்டனர்.

கோயம்புத்தூரில் மின்தடை, மின்பழுது குறித்து புகார் தெரிவிக்க வாட்ஸ் அப் எண்ணை கோயம்புத்தூர் மாநகர் மின் பகிர்மான வட்ட மேற்பார்வை பொறியாளர் கொ.குப்புராணி அறிவித்துள்ளார்.

இது தொடர்பாக, அவர் இன்று வெளியிட்டுள்ள செய்திக் குறிப்பில் ” கோயம்புத்தூர் மாநகர் வட்டத்துக்குட்பட்ட பகுதிகளில் சாதாரண நாட்களிலும், பருவ மழை காலங்களிலும் மின்தடை, மின்பழுது குறித்து புகார் தெரிவிக்க 1912 என்ற கட்டணமில்லா தொலைபேசி எண்ணில் பொதுமக்கள் தொடர்புகொள்ளலாம். புகைப்படத்துடன் கூடிய புகார்களை 9442111912 என்ற வாட்ஸ் அப் எண்ணில் தெரிவிக்கலாம்.

கோயம்புத்தூர் மாவட்டம் போத்தனூரை அடுத்த கணேசபுரம் மாரியம்மன் கோவில் வீதியில், நியாய விலை கடை (எண்:104) செயல்படுகிறது. இங்கு, இரு நாட்களுக்கு முன் மூரண்டம்மன் கோவில் வீதியை சேர்ந்த மயில்வாகனன் அரிசி, கோதுமை, சர்க்கரை உள்ளிட்டவை வாங்கினார். பச்சரிசியில் எலி புழுக்கை, புழுக்கள் இருந்துள்ளன.

கடை ஊழியரிடம் கேட்டபோது, ” மூட்டையில் என்ன வருகிறதோ, அதைத்தான் தர முடியும்,” என கூறியுள்ளார். இந்நிலையில் மயில்வாகனத்திற்கு மட்டுமல்ல அங்கு பொருள் வாங்கிய அனைவருக்கும் இதே போன்ற நிலைதான். இது சம்மதமாக அதிகாரிகள் நடவடிக்கை எடுப்பார்களா?

கோயம்புத்தூர் மாவட்டத்தில் கோவிட் -19 பரவலை தடுக்க முழு ஊரடங்கு அமலில் உள்ளதால், திருநங்கைகள் பலர் உணவிற்காக கஷ்டப்பட்டு வருகிறார்கள். இந்த நிலையில் கவுண்டம்பாளையம், நியூஸ்கியூம் காலனி, முருக்குகார லைன், பொங்கியம்மன் நகர், அசோக்நகர் மற்றும் அந்த பகுதிகளை சேர்ந்த திருநங்கைகளுக்கு மளிகை பொருட்கள் வழங்கும் நிகழ்ச்சி கவுண்டம்பாளையம் அரசு பள்ளி அருகே நடந்தது.

இதில் மாவட்ட காவல்துறை கண்காணிப்பாளர் செல்வநாக ரத்தினம் கலந்து கொண்டு 85-க்கும் மேற்பட்ட திருநங்கைகளுக்கு தலா 10 கிலோ அரிசி, மைதா, ரவை, உப்பு, எண்ணெய், சோப்பு, மஞ்சள், மிளகாய் மற்றும் சாம்பர் தூள் உள்ளிட்ட மளிகை பொருட்களை வழங்கினார்.

கோவிட் -19 யை கட்டுப்படுத்த தமிழக அரசு பல்வேறு நடவடிக்கைகளை எடுத்து வருகிறது. இந்நிலையில், அரசுக்கு துணை நிற்கும் விதமாக முதலமைச்சரின் கோவிட் -19 தடுப்பு நிவாரண நிதிக்காக AID INDIA TRUST சார்பாக ரூ.80,000 மதிப்புள்ள ஆக்ஸிஜன் செறிவூட்டி கருவிகளை இலால்குடி அரசு மருத்துவமனைக்கு அமைச்சர் கே.என் . நேரு முன்னிலையில் வழங்கினார்கள்.

கோவிட் -19 யை கட்டுப்படுத்த தமிழக அரசு பல்வேறு நடவடிக்கைகளை எடுத்து வருகிறது. இந்நிலையில், அரசுக்கு துணை நிற்கும் விதமாக முதலமைச்சரின் கோவிட் -19 தடுப்பு நிவாரண நிதிக்காக கரூர் மாவட்ட சேம்பர் செங்கல் உரிமையாளர்கள் நலச்சங்கம் சார்பில் ரூ.5 லட்சத்திற்கான காசோலையை கரூர் மாவட்ட ஆட்சித்தலைவர் பிரசாந்த். மு. வடநேரே முன்னிலையில் அமைச்சர் செந்தில் பாலாஜி அவர்களிடம் வழங்கினார்கள்.

சுற்றுச்சூழல் பாதுகாப்புக்காக திருச்சி மாவட்டம் பல்லபுரம் ஊராட்சியில் டாக்டர் கலைஞரின் பிறந்தநாளை முன்னிட்டு பசுமை காடுகள் வளர்ப்பு திட்டத்தின் கீழ் 1 லட்சம் மரக்கன்றுகள் நடும் விழாவை அமைச்சர் கே.என் . நேரு தொடங்கி வைத்தார். இந்த மரக்கன்றுகள் மியாவாக்கி முறையில் நடவு செய்யப்பட உள்ளது.