Category: தமிழகம்

திருவாரூர் மாவட்டம், திருத்துறைப்பூண்டி தாலுகா கச்சனம் தொடக்க வேளாண்மை கூட்டுறவு கடன் சங்க தலைவராக அதிமுகவை சேர்ந்த வெற்றிவேல் உள்ளார். சங்க செயலாளராக இருந்த ஜெயபால், கடந்த ஏப்ரல் 30-ல் பணி ஓய்வு பெற்றார். அதற்கு 24 நாட்களுக்கு முன் ஏப்ரல் 6-ம் தேதி அவரது பணப்பலன்களில் ரூ.16 லட்சத்து 53 ஆயிரத்தை எடுத்து கொள்ள சங்கத் தலைவர் வெற்றிவேல் அனுமதி அளித்தார்.

இந்நிலையில் இந்த சங்கத்திற்கு செயலாளராக ரவி, கூட்டுறவு இணைப்பதிவாளர் சித்ரா மூலம் நியமனம் செய்யப்பட்டார். அவரை சங்கத் தலைவர் வெற்றிவேல், ஏற்கமறுத்து அக்கவுண்டன்டாக உள்ள தனசேகரனுக்கு செயலாளர் பொறுப்பு வழங்கினார். இது தொடர்பாக நிர்வாக குழு கூட்டத்தில் முடிவு செய்யப்பட்டதாக தலைவர் மட்டுமே கையெழுத்திட்டு ஒரு தகவலை மன்னார்குடி துணை பதிவாளர் அலுவலகத்திற்கு கடந்த ஏப்ரல் 19-ம் தேதி அனுப்பியுள்ளார்.

இந்நிலையில், செயலாளராக பணியாற்றிய ஜெயபால், பணி ஓய்வு பெறுவதற்கு முன்பாகவே பண பலன்களை சங்க நிதியிலிருந்து எடுத்து கொள்ள அனுமதி வழங்கியது, சங்க பதிவேடுகளை செயலர் தனசேகரன் திருத்தியது, சங்கத்தில் இருந்து பதிவேடுகளை அப்புறப்படுத்தியது, நிர்வாக குழு கூட்டத்தில் செயலராக தனசேகரன் தேர்வு செய்யப்பட்டதாக பொய்யான தகவலை துணைப்பதிவாளர் அலுவலகத்திற்கு அனுப்பியது போன்ற காரணங்களை சுட்டிக்காட்டி வெற்றிவேலை தலைவர் பதவியில் இருந்து சஸ்பெண்ட் செய்து இணைப்பதிவாளர் சித்ரா, நேற்றுமுன்தினம் உத்தரவிட்டு, துணைத்தலைவர் பாலகுரு பொறுப்பு தலைவராக செயல்படுவார் என்று கூட்டுறவு இணைப்பதிவாளர் சித்ரா தெரிவித்து உள்ளார்.

தமிழ்நாட்டில் 2024 லோக்சபா தேர்தலுக்கான பிரச்சாரத்தை பாஜக தேசிய தலைவர் ஜேபி நட்டா தொடங்கி வைத்துவிட்டார் என்றுதான் கூறவேண்டும். இந்நிலையில், தற்போது பாஜக தலைவர் அண்ணாமலை த ‘என் மண் என் மக்கள் யாத்திரை’ கடந்த வெள்ளிக்கிழமை துவங்கியது. பாஜக மாநிலத் தலைவர் அண்ணாமலை 168 நாட்கள் யாத்திரை மேற்கொள்ள உள்ளார். பாரத் ஜோடோ யாத்திரை காங்கிரஸ் கட்சியை வலிமைபடுத்தியது போல அண்ணாமலையின் ராமேஸ்வரம் முதல் சென்னை வரை பாதயாத்திரை பாஜகவை தமிழ்நாட்டில் வலிமைப்படுத்தும் என்று பாஜக நம்பிக்கை கொண்டுள்ளார்.

அண்ணாமலை செல்லும் வழியில் அவர் ஓய்வு எடுக்க இந்த கேரவன் அமைக்கப்பட்டு உள்ளது. அதேபோல் இடை இடையே அவர் உறங்க, சாப்பிட இந்த கேரவன் அமைக்கப்பட்டு உள்ளது. காவி நிறத்தில் பாஜகவின் சாதனைகளை பட்டியலிட்டு கேரவன் அமைக்கப்பட்டு உள்ளது. காலை 6 மணிக்கெல்லாம் பயணத்தை துவக்குவார்கள். திருச்செந்தூரை நோக்கி ஒரு காலத்தில் கலைஞர் நடந்த நடைப்பயணமும் சரி, வைகோ நடந்த நடைப்பயணமும் சரி, கடந்த ஆண்டு ராகுல் நடந்த நடைப்பயணம் சரி… காலை 6 மணிக்கெல்லாம் நடக்கத் துவங்கினர். இடையில் காலை உணவினை போகும் இடத்திலேயே முடித்துக் கொள்வர். பிறகு மீண்டும் நடைப்பயணம் தொடங்கும்.

ஆனால் அண்ணாமலை பெரும்பாலும் கேரவனிலேயே பயணம் செய்கிறார். தினமும் காலையில் 9:30-க்குத்தான் பயணத்துக்கே ரெடியாகி 2 கிலோமீட்டர் நடக்கிறார். பிறகு சட்டென்று கேரவனில் ஏறிக்கொள்கிறார். இந்நிலையில், பாஜக தலைவர் அண்ணாமலையிடம் அவரின் நடைப்பயணத்தின் போது கொடுக்கப்பட்ட மனு சிறிது நேரத்தில் சாலை ஓரத்தில் கிடந்த சம்பவம் பரபரப்பை ஏற்படுத்தி உள்ளது.

சிவகங்கை மாவட்டம் திருப்பத்தூரில் ரமா என்ற பெண், பாஜக மாநில தலைவர் அண்ணாமலையை சந்தித்து தனியார் நிறுவனங்களில் வாங்கிய கடன்களை கட்ட வழி இல்லாததால், அவற்றை ரத்து செய்ய ஆவண செய்ய வேண்டும் என கோரிக்கை மனு அளித்து உள்ளார். அண்ணாமலை அங்கிருந்து நகர்ந்த சில நிமிடங்களில் அந்த மனு சாலையில் கிடந்துள்ளதை அவர் கண்டு அதிர்ச்சியடைந்துள்ளார்.

ஆடிப்பெருக்கு புண்ணிய பூமி என்று அழைக்கப்படும் பேரூர் படித்துறையில் ஆடிப்பெருக்கையொட்டி ஏராளமான பக்தர்கள் வந்து முன்னோர்களுக்கு படையல் வைத்து வழிபடுவது வழக்கம். அதன்படி நேற்று ஆடிப்பெருக்கு என்பதால் பேரூர் படித்துறை யில் பட்டீஸ்வரர் கோவில் நிர்வாகம் சார்பில் ஏற்பாடுகள் செய்யப்பட்டு இருந்தன. அங்கு நேற்று காலையில் இருந்தே பல்வேறு பகுதிகளில் இருந்து பக்தர்கள் வரத்தொடங்கினார்கள். ஆற்றில் தண்ணீர் குறைவாக சென்றது.

ஆனாலும் பக்தர்கள் பலர், தங்களின் குடும்பத்தில் உயிரிழந்த குழந்தைகள், திருமணம் ஆகாமல் இறந்த பெண்கள் ஆகியோருக்கு இலையில் படையல் வைத்து வழிபாடு செய்தனர். சிலர் ஆற்றங்கரையோரம் 7 கூழாங்கற்களை கொண்டு கன்னிமார் தெய்வங்களாக உருவகித்து காதோலை, கடுகுமணி, தாழைமடல், நாணல் இலை மற்றும் தின்பண்டங்கள் வைத்து வழிபாடு செய்தனர். பின்னர் அவர்கள் அங்குள்ள கோசாலையில் இருக்கும் கன்றுக்குட்டிகளுக்கு அகத்திக்கீரை வழங்கினார்கள்.

அதைத்தொடர்ந்து நொய்யல் ஆற்றங்கரை மற்றும் பேரூர் பட்டீஸ்வரர் கோவில் அருகே அமர்ந்திருந்த சாதுக்கள் மற்றும் யாசகர்களுக்கு அன்னதானம் வழங்கினார்கள். இதற்கிடையே புதிதாக திருமணமான இளம்பெண்கள் தாலிக்கயிறை மாற்றிக்கொண்டனர். அத்துடன் பலர் பட்டீஸ்வரர் கோவிலுக்கு சென்று சாமி தரிசனம் செய்தனர்.

மதுரை கிருஷ்ணாபுரம் நடராஜர் காலனியை சேர்ந்த கூலிவேலை செய்யும் சுரேஷ்குமார். இவர் சின்னாளப்பட்டி காவல் நிலையத்தில் புகார் ஒன்றை கொடுத்தார். அதில், நான் திண்டுக்கல் மாவட்டம் சின்னாளப்பட்டியை சேர்ந்த அய்யாதுரை என்பவரின் மகள் லட்சுமியை திருமணம் செய்துள்ளேன். இதனால் நாங்கள் சின்னாளப்பட்டி பகுதியில் சொந்தமாக நிலம் வாங்கி வீடு கட்ட முடிவு செய்தோம். இதற்காக எனது மாமனாரும், ரியல் எஸ்டேட் தொழில் செய்பவருமான அய்யாத்துரையை தொடர்பு கொண்டேன்.

அவர் நிலம் வாங்கி தருவதாக கூறி என்னிடம் பல தவணைகளாக ரூ.20 லட்சம் வரை வாங்கினார். ஆனால் அவர் நிலம் வாங்கி தராமல் இழுத்தடித்து வந்தார். இதனால் பணத்தை திருப்பி கேட்டபோது தராமல் இழுத்தடித்து வருகிறார். எனவே அவர் மீது நடவடிக்கை எடுக்க வேண்டும் என்று கூறியிருந்தார்.

தக்காளி விலை தொடர்ந்து உயர்ந்து வரும் நிலையில், அதிமுக முன்னாள் அமைச்சர் செல்லூர ராஜூ, தமிழக அரசுக்கு யோசனை கூறியுள்ளார். தக்காளியின் வரத்து குறைவு மற்றும் காலநிலை உள்ளிட்ட காரணங்களினால் தக்காளி விலையானது, தமிழகத்தில் கடந்த ஜூன் மாதம் முதல் தக்காளி விலை எகிற ஆரம்பித்தது.. கிலோ ரூ.120, 140 வரை உயர்ந்தது. விலையை கட்டுப்படுத்த தமிழக அரசும் நிறைய முயற்சிகளை மேற்கொண்டது.. முதல் கட்டமாக 67 பண்ணை பசுமை கடைகளில் ஒரு கிலோ ரூ.60-க்கு தக்காளி விற்கப்பட்டது.

பிறகு, 111 ரேஷன் கடைகளில் தக்காளி விற்கப்பட்டது.. இதனிடையே, நேற்றைய தினம், தமிழகம் முழுவதும் 500 ரேஷன் கடைகளில் தக்காளி கிலோ ரூ.60-க்கு விற்பனை ஆரம்பமானது.. மேலும், அமுதம், காமதேனு அங்காடிகளிலும் தக்காளி விற்பனை ஆனது.. இதனால், ரேஷன் கடைகள், அங்காடிகளில் பொதுமக்கள் முண்டியத்தும், நீண்ட வரிசையில் காத்திருந்தும் தக்காளி வாங்கினர். எனினும், முதலில் வரும் 50 அல்லது 100 பேருக்கு மட்டுமே குறைந்த விலையி்ல் தக்காளி கிடைக்கும் நிலை உள்ளதால், பலபேர் ஏமாந்து திரும்பி சென்று கொண்டிருக்கிறார்கள்.

அதிகாலையிலேயே க்யூவில் நிற்க வேண்டியதாயிருப்பதால், தங்கள் குழந்தைகளை ஸ்கூலுக்கு அனுப்ப முடியாமல், தாய்மார்கள் திணறுகிறார்கள்.. அதனால், கூடுதல் ரேஷன் கடைகளிலும் தக்காளி விற்பனை செய்ய வேண்டும் என்ற கோரிக்கையை விடுத்து வருகிறார்கள். இந்நிலையில், முன்னாள் அமைச்சரும், மூத்த தலைவருமான செல்லூர் ராஜுசெய்தியாளர்களிடம் பேசுகையில், “ஸ்டாலினுக்கு நிர்வாகத்திறமையே கிடையாதுங்க.. தக்காளி விலை ஏறிப்போயிடுச்சே.. இவ்ளோ ஏற விடவே கூடாதே.. ரேஷன் கடையில் தக்காளி தர்றாங்களாமே.. தக்காளி, காய்கறிகளை எல்லாம், ரேஷன் கடையில் தரக்கூடாது.

நடமாடும் காய்கறிகள் போல வைத்து, தெருவுல கொண்டுபோய் விற்கணும்.. அப்பதானே மக்கள் வந்து வாங்குவாங்க.. எல்லாருக்கும் கிடைக்கும்.. குறைந்த விலையில் கிடைக்கும்.. ஸ்டாலினுக்கு அடிப்படையே தெரியலையே.. விலைவாசி பற்றியெல்லாம் கவலைப்படாமல், கமிஷன், கரப்ஷன் எப்படி வரும்னு தான் பார்க்கறாரு” என்றார் செல்லூர் ராஜூ என தெரிவித்துள்ளார்.